Kiristtaaneti haattan muukettana koshshiyoogaa Yesuusi tamaarissiis. (Maatiyoosa 28:19, 20 nabbaba.) SHin waati muukettana koshshii? Qassi issi uri muukettanawu ay oottana koshshii?

1. Waati haattan muukettana koshshii?

“Xammaqa” geetettida Giriiketto qaalawu birshshettay haattan “muukka” giyoogaa. Yesuusi haattan muukettiyo wode, Yorddaanoosa SHaafan muuketti simmidi ‘haattaappe kiyiis.’ (Marqqoosa 1:9, 10) Yesuusaagaadan, tumu Kiristtaaneti muleera haattan gelidi muukettoosona.

2. Issi uri muukettiyogan ay bessii?

Issi uri muukettiyogan bana Xoossaa Yihoowawu sheedhdhidoogaa bessees. Issi uri bana Xoossawu waati sheedhdhii? I muukettanaappe kase, Yihoowawu merinawu haggaazanawu koyiyoogaa woosan awu yootees. I Yihoowa xallawu goynnanawunne ba deꞌuwan aybippenne aaruwan Xoossaa sheniyaa oottanawu qaalaa gelees. I Yesuusi tamaarissidobaanne oottidobaa aggennan ‘kaallanawunne bana yeggi bayanawu’ kuuyees. (Maatiyoosa 16:24) I bana sheedhdhidi haattan muukettiyogee Yihoowaaranne ayyo goynniya haratuura dabbotaa minttanaadan maaddees.

3. Issi uri haattan muukettanaappe kase ay oottana koshshii?

Neeni haattan muukettanaappe kase, Yihoowabaa tamaariyoogeenne A mintta ammaniyoogee keehi koshshiyaaba. (Ibraawe 11:6 nabbaba.) Neeni abaa loytta eriyoonne ammanuwan minniyo wode, Yihoowa kaseegaappe aaruwan siiqana. Qassi neeni abaa asawu yootanawunne I kessido maaraadan deꞌanawu wozanappe koyana. (2 Ximootiyoosa 4:2; 1 Yohaannisa 5:3) Issi uri ‘Yihooway koyiyoogaadan deꞌiyoonne ubba wode A ufayssiyaabaa oottiyo’ wode, I bana Xoossawu sheedhdhidi haattan muukettanawu kuuyana danddayees.—Qolasiyaasa 1:9, 10. a

 LOYTTA AKEEKA

4. Yesuusi haattan muukettidoogaappe nuuni tamaarana danddayoos

Yesuusi haattan muukettido ogiyabaa loytti eranawu Maatiyoosa 3:13-17 nabbabite. Yaatidi ha oyshata tobbite:

• Yesuusi haattan muukettiyo wode gacino naꞌee?

• I waani muukettidee? A bolli haattay caccafettidee?

Yesuusi muuketti simmidi, Xoossay awu immido dumma oosuwaa saꞌan oottiyoogaa doommiis. Luqaasa 3:21-23​nne Yohaannisa 6:38 nabbabite; yaatidi ha oyshaa tobbite:

• Yesuusi muuketti simmidi ba deꞌuwan sinttayido oosoy awugee?

5. Neeni loytta baaxetikko haattan muukkettana danddayaasa

Nena Yihoowawu sheedhdhada haattan muukettiyogee neeyyo koyro deexxiyaaba milatana danddayees. Gidikkonne, guyyeppe minnada ha keehi koshshiya gitabaa kuuyana danddayaasa. Hegaadan oottida amarida asatubaa eranawu, BIIDUWAA beꞌite.

Yohaannisa 17:3​nne Yaaqooba 1:5 nabbabite; yaatidi ha oyshaa tobbite:

• Issi uri muukettanawu giigettanaadan maaddana danddayiyaabay aybee?

1. Nuuni merinawu Yihoowawu haggaazanawu koyiyoogaa awu yootiyoogan nuna ayyo sheedhdhoos

2. Nuuni haattan muukettiyo wode, nuna Xoossawu sheedhdhidoogaa asawu bessoos

 6. Nuuni haattan muukettiyo wode Yihoowa keettaa asaa gidoos

Nuuni haattan muukettiyo wode, kumetta saꞌan issippetettay deꞌiyo so asaappe issuwaa gidoos. Nu biittaynne nu geedoy dumma dumma gidikkonne, nuuni ammaniyoobaynne naagidi deꞌiyo kandduwaa maaray issi mala. Yaaqooba 2:23​nne 1 PHeexiroosa 2:17 nabbabite; yaatidi ha oyshaa tobbite:

• Issi uri haattan muukettiyogee Yihoowaaranne Awu goynniya haratuura dabbotiyo dabbotawu waati maaddii?

 AY AKEEKADII?

Kiristtaaneti haattan muukettana koshshiyoogaa Yesuusi tamaarissiis. Issi uri muukettanaappe kase, Yihoowa mintti ammanana, I kessido maaraadan deꞌananne bana Awu sheedhdhana koshshees.

Zaaretuwaa

• Haattan muukettiyogee aybee, qassi hegee keehi koshshiyoy aybissee?

• Haattan muukettiyogee ay bessii?

• Issi uri bana Yihoowawu sheedhdhidi haattan muukettanaappe kase ay oottana koshshii?