TIMIRTTE 33
Xoossaa Kawotettay Ay Oottanee?
Xoossaa Kawotettay haariiddi deꞌees. Mata wode I saꞌan keehi loꞌꞌobata oottana. Neeni Kawotettaa haaruwan demmanawu laamotiyo loꞌꞌobatuppe amaridaageeta ane beꞌoos.
1. Xoossaa Kawotettay saꞌan sarotettaynne suure pirdday deꞌanaadan ay oottanee?
Xoossaa Kawotettaa Kawoy Yesuusi iita asatanne kawotettata Armmageedoona olan xayssana. (Ajjuutaa 16:14, 16) Geeshsha Maxaafay, “Iitaa oottiyaageeti guutta wodiyaappe guyyiyan de7okkona” giidoogee he wode muleera polettana. (Mazamure 37:10) Yesuusi Kawotettaa baggaara kumetta saꞌan sarotettaynne suure pirdday deꞌanaadan oottana.—Isiyaasa 11:4 nabbaba.
2. Xoossaa shenee saꞌan haniyo wode deꞌoy ay mala gidanee?
Xoossaa Kawotettay hariyo wode, “Xilloti biittaa laattananne yan merinau de7ana.” (Mazamure 37:29) Asay ubbay Yihoowakka haratakka siiqiya xillo gidiyo wode ay mala deꞌo deꞌanaakko qoppa! Ooninne sahettenna, qassi asay ubbay merinawu deꞌana.
3. Xoossaa Kawotettay iita asati xayi simmin ay oottanee?
Iita asati xayi simmin, Kawoy Yesuusi 1,000 layttawu haarana. He wode, inne aara haariya 144,000ti saꞌan deꞌiya asay wottiyoobi baynnaagaa gidanaadan maaddana. SHaꞌu layttaa wurssettan, kumetta saꞌay loꞌꞌiya gannate gidana, qassi asay ubbay Yihoowa higgiyawu azazettiyo gishshawu ufayttana. He wode Yesuusi Kawotettaa ba Aawaa Yihoowawu sheedhdhana. Yihoowa “sunttai” awudeegaappenne aaruwan ‘anjjettana’ woy geeyana. (Maatiyoosa 6:9, 10) Yihooway bawu haarettiyaageetussi qoppiya loꞌꞌo Kawo gidiyoogee he wode qonccana. Hegaappe simmin Yihooway Seexaanaa, daydanttatanne Ayyo haarettenna oonakka xayssana. (Ajjuutaa 20:7-10) Xoossaa Kawotettay ehiido wottiyoobi baynna hanotay merinawu deꞌana.
LOYTTA AKEEKA
Sinttanaabaa Geeshsha Maxaafay nuussi yootiyo ubbabaa Xoossay ba Kawotettaa baggaara polanaagaa nuuni ammanettana danddayiyoy aybissakko akeeka.
4. Xoossaa Kawotettay asaa kawotettata xayssana
‘Asi ba haariyo maatan hara asa qohiis.’ (Eranchchaa 8:9) Yihooway ba Kawotettaa baggaara he naaquwaa xayssana.
Daaneela 2:44nne 2 Tasalonqqe 1:6-8 nabbabite; yaatidi ha oyshata tobbite:
-
Yihoowaynne A Naꞌay Yesuusi kawotettatanne etawu exatiya asata waatanee?
-
Neeni Yihoowabaanne Yesuusabaa tamaaridobay eti suurebaa oottanaagaa ne ammanettanaadan oottiyoy aybissee?
5. Yesuusi ooppenne loꞌꞌo Kawo
Xoossaa Kawotettaa Kawoy Yesuusi saꞌan deꞌiya asaa maaddiya darobaa oottana. Yesuusi asaa maaddanawu koyiyoogaanne Xoossay ayyo wolqqaa immidoogaa waati bessidaakko akeekanawu BIIDUWAA beꞌite.
Yesuusi saꞌan deꞌiyo wode oottidobay he Kawotettay oottanabaa bessees. Kaallidi deꞌiyaageetuppe neeni keehi laamotan naagiyo anjjoti awugeetee? He anjjotubaa nuuni loytti akeekana mala maaddanawu xaafettida xiqiseta nabbabite.
|
YESUUSI SAꞌAN DEꞌIYO WODE . . . |
YESUUSI SALUWAN UTTIDI . . . |
|---|---|
|
|
|
|
|
|
|
|
6. Xoossaa Kawotettay sinttappe ufayssiyaabaa oottana
Asay deꞌanaadan Yihooway koyiyo ufayssiya deꞌuwaa he Kawotettay immana. Eti gannate saꞌan merinawu deꞌana. Yihooway ba Naꞌaa Yesuusa baggaara ba halchchuwaa waati poliyaakko akeekanawu BIIDUWAA beꞌite.
Mazamure 145:16 nabbabite; yaatidi ha oyshaa tobbite:
-
Yihooway “paxa de7iyaageeta ubbaa amuwaa [aliyoogaa]” eriyoogee neeni waananaadan oottii?
ISSI ISSI ASAY HAGAADAN GEES: “Nuuni ubbay issippetettan oottikko alamiyaa metuwaa qaarana danddayoos.”
-
Asaa kawotettay xayssana danddayennaba gidikkonne, Xoossaa Kawotettay xayssana metoti awugeetee?
AY AKEEKADII?
Xoossaa Kawotettay Xoossay koyiyoobaa oottana. He Kawotettay kumetta saꞌaa merinawu Yihoowawu goynniya loꞌꞌo asay deꞌiyo gannate oottana.
Zaaretuwaa
-
Xoossaa Kawotettay Yihoowa sunttaa waati geeshshanee?
-
Geeshsha Maxaafay hanana giidobaa Xoossaa Kawotettay polanaagaa nuuni ammanana danddayiyoy aybissee?
-
Xoossaa Kawotettay oottana loꞌꞌobaa ubbaappe neeni beꞌanawu keehi koyiyoogee awugee?
PILGGA
Armmageedooni aybakko shaakka era.
Yesuusi “gita waayee” giidi yootido wodee gakkiyo wode aybi hananaakko nabbaba.—Maatiyosa 24:21.
So asay gannatiyan issippe deꞌana wodiyaa waatidi wotti dentti qoppana danddayiyaakko akeeka.
Kawotettaa bolli makkalida issi bitanee I koyidobaa waati demmidaakko, “Daro Oyshatun Unꞌꞌettaas” giya huuphe yohuwan beꞌa.
“Geeshsha Maxaafay Asay Laamettanaadan Oottees” (Wochchiyo Keelaa huuphe yohuwaa)
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
