TIMIRTTE 39
Suuttaa Xeelliyaagan Xoossaa Qofay Aybee?
Suuttay keehi koshshiyaaba gidiyo gishshawu, I baynnan ooninne deꞌana danddayenna. Nuna medhdhiday Xoossaa gidiyo gishshawu, suuttaa waati goꞌettanaakko nuussi yootanawu maatay deꞌiyoy A. Suuttaa xeelliyaagan I woygidee? Suuttaa maanawu woy qassi akkamuwan goꞌettanawu danddayiyoo? Qassi hegaara gayttidaagan loꞌꞌobaa waata kuuyana danddayay?
1. Suuttaa Yihooway waati xeellii?
Yihooway beni wode awu goynniyaageetussi, “Asho maayida ubbaa de7oi a suuttaa giddoona” yaagiis. (Wogaabaa 17:14) Yihoowa xeelan suuttay deꞌo. Deꞌoy Xoossay immido dumma imota gidiyo gishshawu, suuttaykka keehi dummaba.
2. Suuttaa waati goꞌettennaadan Xoossay yootidee?
Yihooway baayyo goynniyaageeti suuttaa meennaadan Kiristtoosa wodeppe kase yootiis. (Doomettaabaa 9:4nne Wogaabaa 17:10 nabbaba.) Oosuwaa kaalettiya citay Kiristtaaneti ‘suutta uyennaadan [‘suuttappe haakkanaadan,’ NW]’ yootido wode, Yihooway zaarettidikka ha azazuwaa yootiis.—Oosuwaa 15:28, 29 nabbaba.
Suuttaappe haakkiyoogaa giyoogee woygiyoogee? Issi dottoree mattoyiya ushshaappe haakkanaadan neessi yootikko uyakka. SHin ushshaa gujjido qumaa muutii woy ushshaa gujjido marppiyan cadetuutii? Neeni hegaadan oottennaagee qoncce. Hegaadankka, nuuni suuttaappe haakkanaadan Xoossay azazidoogee suuttaa woy suuttay gukkibeenna mehe ashuwaa maana koshshennaagaa bessees. Woykko suuttay gujettido ay qumanne nuuni maana bessenna.
Akkamuwan suuttaa goꞌettiyoogee shin? Akkamanawu oottiyo issi issibay Xoossaa higgiyaa kanttissiyaaba. Kumetta suuttaa woy suuttawu waanna shaaho gidida zoꞌo suutta seeleta, bootta suutta seeleta, piletileetetanne pilazimaa hargganchchatussi immiyoogee Xoossaa higgiyaa kanttissiyaaba. Akkamanawu oottiyo harabati Xoossaa Higgiyaara maayettiya woy mayettennaakko keehi qoncce gidenna. Leemisuwawu, issoti issoti suuttawu waanna shaahotuppe ekettida suuppabata goꞌettoosona. Akkamanawu oottiyo haraban izaawu suuttaa zaarettidi goꞌettoosona. Nuuni ubbay hageeta yuushshi qoppidi nu kuuyana bessees. a—Galaatiyaa 6:5.
LOYTTA AKEEKA
Suuttaa goꞌettiyo akkamuwaara gayttidaban waata kuuyanaakko akeeka.
3. Akkamettiyo wode Yihoowa ufayssiyaabaa kuuya
Suuttaa goꞌettiyo akkamuwaara gayttidaban Xoossaa ufayssiyaabaa waata kuuyana danddayay? BIIDUWAA beꞌite; yaatidi kaallidi deꞌiyaageeta oottana koshshiyoy aybissakko tobbite.
-
Aadhdhida eratettaa demmanawu woossa.—Yaaqooba 1:5.
-
Geeshsha Maxaafay hegawu yootiyo maaratanne eti waati maaddiyaakko pilgga.—Leemiso 13:16.
-
Intte heeran ay qommo akkamoti deꞌiyaakko akeeka.
-
Hegeetuppe neeni akkamettana koshshennaageeti awugeetakko shaakka era.
-
Ne kahaa zilꞌꞌennabaa kuuya.—Oosuwaa 24:16. b
-
Neeni ne kahan kuuyana bessiyaabaa ne aqo laggee, issi cimay, nena xannaꞌissiya uri woy hara ooninne yootana koshshennaagaa akeeka.—Roome 14:12.
-
Neeni kuuyidobaa xaafa.
4. Yihoowa Markkati keehi loꞌꞌo akkamuwaa koyoosona
Suuttaara gayttidaagan Xoossaa higgiyaa mintti kaallidi suuttaa goꞌettennan keehi loꞌꞌo akkamuwaa akkamettiyoogee danddayettiyaaba. BIIDUWAA beꞌite.
Tiitu 3:1 nabbabite; yaatidi ha oyshaa tobbite:
-
Nuuni dottoreta awudenne bonchchuwaaninne ashkketettan haasayissana koshshiyoy aybissee?
|
Danddayettennabaa |
Issi Kiristtaanee kuuyiyoobaa |
|---|---|
|
A. Suuttaa pilazimaa |
Pilazimaappe ekettida keehi suuppabata |
|
B. Bootta suutta seeleta |
Bootta suutta seeletuppe ekettida keehi suuppabata |
|
C. Piletileeteta |
Piletileetetuppe ekettida keehi suuppabata |
|
D. Zoꞌo suutta seeleta |
Zoꞌo suutta seeletuppe ekettida keehi suuppabata |
5. Suuttawu waanna shaahotuppe keehi suuppabati ekettiyo wode
Suuttaa giddon zoꞌo suutta seeleta, bootta suutta seeleta, piletileetetanne pilazimaa giyo oyddu waanna shaahoti deꞌoosona. Hageetu giddon keehi guutta shaahoti daroti deꞌoosona. c Ha keehi guutta shaahotuppe oosettiya amarida xaleti harggee oyqqennaadan woy suuttay suuxxiyoogaa agganaadan maaddoosona.
Suuttaa waanna shaahotuppe ekettida keehi suuppabatuura gayttidaban issi Kiristtaanee Geeshsha Maxaafan loohida kahan bawu kuuyana bessees. Issoti issoti suuttaa waanna shaahotuppe ekettida keehi guuttabatuura gayttida akkamuwaa koyennan aggana danddayoosona. SHin haratu kahay hegaa waayi diggana.
Neeni kuuyiyo wode ha oyshaa qoppa:
-
Suuttaa waanna shaahotuppe ekettida issi keehi guuttabaa ayssi koyennaakko woy koyiyaakko dottoriyawu waata qonccissoo?
ISSI URI HAGAADAN OYCHCHANA DANDDAYEES: “Suuttaa waanna shaahotuppe ekettida keehi guuttabata ekkin aybi dii?”
-
Ne qofay aybee?
AY AKEEKADII?
Yihooway nuuni suuttaa geeshshaba ootti xeellanaadan koyees.
Zaaretuwaa
-
Yihooway suuttaa geeshshaba ootti xeelliyoy aybissee?
-
Xoossay suuttaappe haakkanaadan azazido azazoy aakimeti suuttaa immiyoogaarakka gayttidaba gidiyoogaa aybin eriyoo?
-
Akkamuwan suuttaa goꞌettiyoogaara gayttidaagan waata loꞌꞌobaa kuuyana danddayay?
PILGGA
Nena akkamanawu ne suuttaa zaarettidi goꞌettanaadan eeno gaanaakko agganaakko kuuyanawu ay qoppana koshshii?
Suuttawu waanna shaahotuppe ekettida keehi guuttabata neeni ekkanaakko agganaakko kuuyanawu ay qoppana koshshii?
Suuttaara gayttidaagan Yihoowa qofay likke gidiyoogaa issi dottoree ammananaadan oottidabay aybee?
“Suuttaa Xeelliyaagan Xoossay Yootidobaa Ammanaas” (Beegottite! huuphe yohuwaa)
Hosppitaaletuura Gattiya Konttetun oottiya cimati bantta ishanttanne michchontta waati maaddiyaakko akeeka.
a “Loꞌꞌobaa Waata Kuuyana Danddayay?” giya Timirtte 35 xeella.
b “Suuttawu Waanna SHaahotuppe Keehi Guuttabati Ekettiyo Wode” giya 5tta qofaa, qassi “Suuttaara Gayttida Akkamota” giya Wurssetta Qofaa 3 xeella.
c Suuttaa waanna shaahota oyddata issi issi dottoreti keehi guutta shaahodan xeelloosona. Yaaniyo gishshawu, neeni kumetta suuttaa woy zoꞌo suutta seeleta, bootta suutta seeleta, piletileeteta woy pilazimaa ekkennaagaa dottoriyawu qonccissiyoogee koshshana danddayees.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
