TIMIRTTE 42
Ekkidi, Gelidi Woy Barkka Deꞌiyo Deꞌuwaabaa Geeshsha Maxaafay Woygii?
Issi issi wogan issi uri ekkana woy gelana xayikko ufayttana danddayenna giidi asay qoppees. SHin, aqo oyqqida issoti issoti ufayttokkona, qassi aqo oyqqibeenna issoti issoti ufayttoosona. Aqo oyqqiyoogeekka aqo oyqqennaageekka Yihoowa imota gidiyoogaa Geeshsha Maxaafay yootees.
1. Aqo oyqqennan deꞌiyoogee goꞌꞌiyo issi issibay aybee?
Geeshsha Maxaafay, “Ekkiya urai loittiis; qassi ekkennaagee ubba daro loittiis” yaagees. (1 Qoronttoosa 7:32, 33, 38 nabbaba.) Aqo oyqqibeenna uri ‘daro loyttiis’ giyoy aybissee? Aqo oyqqibeenna Kiristtaaneti aqo laggessi qoppana koshshenna. Yaatiyo gishshawu, etawu aqo oyqqidaageetuppe aaruwan laꞌatettay deꞌees. Amaridaageeti Yihoowawu loytti oottana danddayoosona; leemisuwawu, mishiraachchuwaa yootanawu hara biitti biyoogaa mala, ufayssiyaabaa oottana danddayoosona. Ubbaappe aaruwan, Yihoowaara dabbotaa minttanawu etawu daro wodee deꞌees.
2. Higgiyan woy wogan ekkiyoogeenne geliyoogee goꞌꞌiyo issi issibay aybee?
Aqo oyqqennaagee goꞌꞌiyoogaadan, aqo oyqqiyoogee goꞌꞌiyo dumma ginay deꞌees. Geeshsha Maxaafay, “Issuwaa gidiyoogaappe naa77a gidiyoogee lo77o” yaagees. (Eranchchaa 4:9) Geeshsha Maxaafay yootiyo maaraa bantta aqo deꞌuwan kaalliyaageetu deꞌoy hegaa mala. Wogan ekkiya woy geliya asati siiqanawu, bonchchanawunne wozanappe qoppanawu issoy issuwawu qaalaa geloosona. Hegaappe denddidaagan, eti coo issippe deꞌiyaageetuppe aaruwan hirggennan deꞌoosona. Eta naatikka darin hirggokkona.
3. Yihooway aqo deꞌuwaa waati xeellii?
Yihooway koyro bitaniyawu machcho immido wode, “Asi ba aawaanne ba aayyiyo aggi bayidi, ba machcheera issippe de7ees” yaagiis. (Doomettaabaa 2:24) Azinaynne machchiyaa bantta deꞌo layttan siiqettanaadaaninne issippe deꞌanaadan Yihooway koyees. Issi aqo laggee wodiraa laammiyoode gidana xayikko, eti paraman shaahettanaadan I koyenna. Hegaa mala hanotan, paraman shaahettanawu woy agganawu, mooribeenna aqo laggee kuuyanaadan Yihooway maataa immiis. a (Maatiyoosa 19:9) Kiristtaaneti dawuttaa ekkanaadan Yihooway koyenna.—1 Ximootiyoosa 3:2.
LOYTTA AKEEKA
Neeni aqo oyqqida ura gidin aggin neeyyookka ufayttanawu, qassi Yihoowakka ufayssanawu waatana danddayiyaakko akeeka.
4. Aqo oyqqabeenna wodiyan loꞌꞌobaa ootta
Yesuusi aqo oyqqennan deꞌiyoogaa imota ootti xeelliis. (Maatiyoosa 19:11, 12) Maatiyoosa 4:23 nabbabite; yaatidi ha oyshaa tobbite:
-
Yesuusi aqo oyqqennan ba Aawawu haggaazanawunne harata maaddanawu ay oottidee?
Kiristtaaneti Yesuusaagaadan, aqo oyqqenna wodiyan ufayssiyaabaa oottana danddayoosona. BIIDUWAA beꞌite; yaatidi kaallidi deꞌiya oyshaa tobbite.
-
Kiristtaaneti aqo oyqqenna wodiyan goꞌꞌiyaabaa waati oottana danddayiyoonaa?
Hagaa Eray?
Issi uri ekkanawu woy gelanawu gakkiyo layttaa Geeshsha Maxaafay yootenna. SHin, inddaa gaytettawu keehi qaaqqatiyo gishshawu loꞌꞌobaa kuuyanawu metootiyo panttatettaa wodee aadhdhanaashin, woy ‘ekkiyo wodee gakkanaashin’ yelagati naaganaadan, Geeshsha Maxaafay minttettees.—1 Qoronttoosa 7:36.
5. Ne aqo laggiyaa akeekan doora
Neeni awudenne kuuyiyo gitabatuppe issoy aqo laggiyaa dooriyoogaa. Maatiyoosa 19:4-6, 9 nabbabite; yaatidi ha oyshaa tobbite:
-
Issi Kiristtaanee loytti qoppennan aqo oyqqana koshshennay aybissee?
Geeshsha Maxaafay loꞌꞌo aqo laggiyaappe koyettiya eeshshati awugeetakko eranaadan nena maaddana danddayees. Aybippenne aaruwan, Yihoowa siiqiya aqo lagge koya. b Koyro Qoronttoosa 7:39nne c 2 Qoronttoosa 6:14 nabbabite. Yaatidi, ha oyshata tobbite:
-
Nu mala Kiristtaane xallaa ekkana woy gelana koshshiyoy aybissee?
-
Yihooway nuuni A siiqenna ura ekkanawu woy gelanawu kuuyiyaakko waati xeellanee?
Keehi dummatiya naaꞌꞌu meheta issippe waaxikko waayettoosona. Hegaadankka, issi Kiristtaanee ammanenna ura ekkikko woy gelikko daro metootana
6. Aqo deꞌuwaa Yihoowaagaadan xeella
Beni Israaꞌeela biittan issi issi asati bantta xallawu qoppidi, bantta machchota yeddidosona. Milkkiyaasa 2:13, 14, 16 nabbabite; yaatidi ha oyshaa tobbite:
-
Yihooway bessennaban paraman shaahettiyoogaa ixxiyoy aybissee?
Wodiraa laammiyoogeenne paraman shaahettiyoogee mooribeenna aqo laggiyaanne naata qohees
BIIDUWAA beꞌite; yaatidi kaallidi deꞌiya oyshaa tobbite.
-
Ne aqo laggee Yihoowa siiqana xayikko, intte aqo deꞌuwan ufayttanawu waatana danddayay?
7. Yihooway aqo deꞌuwawu immido maaraa kaalla
Issi uri Yihooway aqo deꞌuwawu immido maaraa kaallanawu wozanappe baaxetana koshshikkokka, Yihooway hegaadan baaxetiyaageeta anjjees. d BIIDUWAA beꞌite.
Ibraawe 13:4 nabbabite; yaatidi ha oyshata tobbite:
-
Yihooway aqo deꞌuwawu immido maaray bessiyaabee? Aybissi?
Daro biittatun asay aqo oyqqiyo wodenne shaahettiyo wode mazggafissanaadan kawotettay koyiyo gishshawu Kiristtaanetikka mazggafissanaadan Yihooway koyees. Tiitu 3:1 nabbabite; yaatidi ha oyshaa tobbite:
-
Neeni aqo oyqqidaba gidikko, ne aqo deꞌoy kawotettaa higgiyan erettiyoogaa ammanettay?
ISSI URI HAGAADAN OYCHCHANA DANDDAYEES: “Wogan ekkennan woy gelennan coo issippe deꞌana danddayettennee?”
-
Woygada zaaruutee?
AY AKEEKADII?
Aqo oyqqiyoogeekka aqo oyqqennaageekka Yihoowa imota. Aqo oyqqidaageetikka oyqqibeenaageetikka Yihooway koyiyoobaa oottiyo wode ufayttidi deꞌana danddayoosona.
Zaaretuwaa
-
Issi uri aqo oyqqibeenna wodiyan loꞌꞌobaa waati oottana danddayii?
-
Geeshsha Maxaafay issi uri ba mala Kiristtaane xallaa ekkanaadan woy gelanaadan yootiyoy aybissee?
-
Geeshsha Maxaafay paraman shaahettana danddayiyo gaasoy ayba xalla gii?
PILGGA
“Godaa xallan” ekkiyoogaa woy geliyoogaa giyoogee woygiyoogee?
Aqo oyqqanawu qoppada issippe wodiyaa aattanawunne aqo oyqqanawu loꞌꞌobaa kuuyanaadan nena maaddiya naaꞌꞌu biidota beꞌa.
Issi ishay bawu Yihooway immidobay I kase aggidobaappe keehi aadhdhees giidi qoppiyoy aybissakko akeeka.
Issi uri paraman woy coo shaahettanawu halchchanaappe kasetidi qoppana koshshiya amaridabati aybee?
“‘Xoossai Issippe Gattidoogaa’ Bonchchite” (Wochchiyo Keelaa, Tisaase 2018)
a Wodiraa laammennan shaahettiyoogaara gayttidaagan Wurssetta Qofaa 4 xeella.
b Issi issi wogan, aawaynne aayyiyaa bantta naatussi aqo lagge dooroosona. Hegaa mala hanotan, siiqiya aawaynne aayyiyaa koyro qoppana koshshiyaabay aqo lagge gidana ura aquwaa woy bonchchuwaa gidennan, he uri Yihoowa siiqiyoogaa.
c Ooratta Alamiyaa Birshshettan 1 Qoronttoosa 7:39y hagaadan gees: “Godan gidoppe attin, ba koyido ura gelana danddayawusu.”
d Neeni ekkennan woy gelennan issi uraara deꞌikko, wogan aqo oyqqiyoogee woy shaahettiyoogee ne kuuyiyoobaa.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
