TIMIRTTE 46
Nena Yihoowawu SHeedhdhada Haattan Muukettana Koshshiyoy Aybissee?
Neeni Yihoowa xallawu goynnanawunne ne deꞌuwan A sheniyaa sinttayanawu woosan ayyo qaalaa geliyoogan nena ayyo sheedhdhaasa. (Mazamure 40:8) Hegaappe simmin, haattan muukettaas. Yaatiyoogan, nena Yihoowawu sheedhdhidoogaa harata bessaasa. Nuna Yihoowawu sheedhdhanawu kuuyiyoogee aybippenne aadhdhiyaaba. Hegaa kuuyiyoogee ne deꞌoy laamettanaadan oottiya keehi koshshiyaba. Hegawu nena denttettana danddayiyaabay aybee?
1. Issi uri bana Yihoowawu sheedhdhanaadan denttettiyaabay aybee?
Nuna Yihoowawu sheedhdhanaadan denttettiyay siiquwaa. (1 Yohaannisa 4:10, 19) Geeshsha Maxaafay nuna hagaadan zorees: “Intte [Yihoowa] intte Xoossaa intte kumetta wozanaappe, intte kumetta shemppuwaappe, intte kumetta qofaappe, intte kumetta wolqqaappe siiqite.” (Marqqoosa 12:30) Nuuni haasayiyooba xallan gidennan, oottiyoobankka Xoossaa siiqiyoogaa bessoos. Issi asi wozanappe siiqiyo ura ekkiyoogaadan woy geliyoogaadan, nuuni Yihoowa siiqiyoogee nuna ayyo sheedhdhidi haattan muukettanaadan denttettees.
2. Yihooway haattan muukettida ba Markkatussi immiyo anjjoy aybee?
Neeni haattan muukettiyo wode, ufayttiya Yihoowa so asaappe issuwaa gidaasa. Neeni yaatiyo wode, Yihooway nena siiqiyoogaa daro ogetun beꞌana, qassi neeni haꞌꞌiigaappe aaruwan aara dabbotaa minttana. (Milkkiyaasa 3:16-18 nabbaba.) Yihooway neeyyo Aawa gidana; hegaa bollikka, Yihoowanne nena siiqiya, kumetta saꞌan deꞌiya ishanttinne michchontti neeyyo so asa gidana. (Marqqoosa 10:29, 30 nabbaba.) Neeni haattan muukettanaappe kase issi issibaa oottana bessiyoogee tuma. Neeni Yihoowabaa tamaarana, A siiqananne A naꞌaa ammanana koshshees. Wurssettan, nena Yihoowawu sheedhdhana bessees. Neeni hegaadan oottada haattan muukettiyo wode, merinaa deꞌuwaa demissiya ogiyan baasa. Xoossaa qaalay hagaadan gees: ‘Xinqqatee haꞌꞌi inttena ashshees.’—1 PHeexiroosa 3:21.
LOYTTA AKEEKA
Nena Yihoowawu sheedhdhada haattan muukettana koshshiyoy aybissakko pilgga.
3. Nuuni ubbaykka oossi oottanaakko kuuyana koshshees
Beni Israaꞌeela biittan, amarida asati Yihoowawukka worddo xoossaa Baꞌaalawukka goynnana danddayoos giidi qoppidosona. SHin Yihooway he bala qofaa suurissanawu Xoossay erissidobaa yootiya Eelaasa kiittiis. Koyro Kawotu Maxaafaa 18:21 nabbabite; yaatidi ha oyshaa tobbite:
-
Israaꞌeelati ay kuuyana bessii?
Nuunikka Israaꞌeelatuugaadan, ooyyo oottanaakko kuuyana bessees. Luqaasa 16:13 nabbabite; yaatidi ha oyshata tobbite:
-
Nuuni Yihoowassinne hara urawu woy harabawu goynnana danddayennay aybissee?
-
Nuuni Yihoowawu goynnanawu kuuyidoogaa awu waati bessana danddayiyoo?
4. Yihooway nena siiqiyoogaa yuushsha qoppa
Yihooway nuuyyo daro alꞌꞌo imotata immiis. Yaatin, nuuni ayyo ay immana danddayiyoo? BIIDUWAA beꞌite.
Yihooway nena siiqiyoogaa bessido ogetuppe amaridaageeti awugeetee? Mazamure 104:14, 15nne 1 Yohaannisa 4:9, 10 nabbabite; yaatidi ha oyshata tobbite:
-
Yihooway neeyyo immido imotatun neeni A keehi galatanaadan oottiyaageeti awugeetee?
-
He imotati Yihoowabaa neeni ay qoppanaadan oottiyoonaa?
Nuuni keehi dosiyo imotaa ekkiyo wode, hegaa nuussi immida ura nashshiyoogaa bessanawu koyoos. Zaarettido Wogaa 16:17 nabbabite; yaatidi ha oyshaa tobbite:
-
Yihooway neeyyo oottido ubbabaa qoppiyo wode, hegee neeni ayyo ay immanaadan denttettii?
5. Nena Yihoowawu sheedhdhiyoogee daro anjjuwaa demissees
Daro asay hayttatiyoogee, loꞌꞌo oosoy woy miishshay bana ufayssana giidi qoppees. Hegee tumee? BIIDUWAA beꞌite; yaatidi kaallidi deꞌiya oyshata tobbite.
-
Neeni biiduwan beꞌido bitanee tohuwaa kuwaasiyaa kaassaa dosikkonne, hegaa ayssi aggidee?
-
I bana tohuwaa kuwaasiyawu gidennan, Yihoowawu sheedhdhanawu kuuyiis. Ne qoppiyo wode, I kuuyidobay likkee? Aybissi?
Kiitettida PHawuloosi Kiristtaane gidanaappe kase keehi erettida oosuwaa oottees. Gamaaliyaala giyo keehi erettida asttamaaree Ayhudatu higgiyaa A tamaarissiis. SHin I Kiristtaane gidanawu hegaa aggi bayiis. PHawuloosi hegan zilꞌꞌettidee? Piliphphisiyuusa 3:8 nabbabite; yaatidi ha oyshata tobbite:
-
PHawuloosi Kiristtaane gidanaappe kase oottidobaa “wora olidobaadan” woy pitodan xeellidoy aybissee?
-
I hegaa aggiyoogan ay demmidee?
-
Neeni ne deꞌuwan oottana danddayiyo harabaara geeddarssin, Yihoowawu haggaaziyoogaa xeelliyaagan neeyyo aybi siyettii?
PHawuloosi Kiristtaane gidi simmidi, I kase aggidobaappe keehi aadhdhiyaabaa demmiis
ISSI ISSI ASAY HAGAADAN GEES: “Neeni ne deꞌuwaa Xoossawu muleera sheedhdhana bessenna.”
-
Issi uri bana Yihoowawu sheedhdhiyoogee keehi koshshiyaaba gaada qoppay? Aybissi?
AY AKEEKADII?
Nuuni Yihoowa siiqiyoogee nuna awu sheedhdhidi haattan muukettanaadan denttettees.
Zaaretuwaa
-
Nuuni Yihoowa kumetta wozanaappe siiqananne awu goynnana bessiyoy aybissee?
-
Yihooway haattan muukettida ba Markkata waati woytii?
-
Nena Yihoowawu sheedhdhana koyay?
PILGGA
Issi yettanchchiyaanne ispporttiyan erettida yelagay banttana Yihoowawu sheedhdhanawu kuuyidoy aybissakko akeeka.
Yelagati Oychiyo Oyshaa—Taani Ta Deꞌuwan Ay Oottanee?—Aadhida Wodiyaa Qoppiyoogaa (6:54)
Nena Yihoowawu sheedhdhana koshshiyo hara gaasota akeeka.
“Nu Huuphiyaa Yihoowayyo Geppiyoy Aybissee?” (Wochchiyo Keelaa, Ichchashe 1, 2010)
Biiduwan giigida ha muuziqan, banttana Yihoowawu sheedhdhidaageeti ay keena ufayttiyaakko beꞌa.
“Taani Daro Layttawu, ‘Ayssi Merettidoo?’ Gaada Qoppaas” giyaagan, issi maccaasiyaa baassi keehi koshshiyaabaa qoppanaadan aybi denttettidaakko akeeka.
“Geeshsha Maxaafay Asay Laamettanaadan Oottees” (Wochchiyo Keelaa huuphe yohuwaa)
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
