TIMIRTTE 47
Haattan Muukettanawu Giigettadii?
Neeni Geeshsha Maxaafaa xannaꞌiyoogan Yihoowaabaa darobaa eradasa. Neeni tamaaridoogaadan oottanawu amaridaban laamettennan waaya aggana. SHin, nena Yihoowawu sheedhdhada haattan muukettennaadan diggiyaabi deꞌana danddayees. Daroti haattan muukettennaadan diggiya amaridabaanne hegeeti nena diggenna mala neeni ay oottanaakko ha timirttiyan beꞌana.
1. Neeni haattan muukettanaappe kase ay keenaa erana koshshii?
Neeni haattan muukettanawu ‘tumatettaa erana’ koshshees. (1 Ximootiyoosa 2:4) Hegaa giyoogee, neeni haattan muukettanaappe kase, Geeshsha Maxaafaabaa asay oychchiyo ubbabawu zaaruwaa erana koshshees giyoogaa gidenna. Daro layttappe kase haattan muukettida Kiristtaanetikka ubba wode tamaarana koshshees. (Qolasiyaasa 1:9, 10) SHin neeni Geeshsha Maxaafaa timirtteta akeekana koshshees. Taani eraa gujjana koshshiishsha gaada ne qoppikko, galchchaa cimati nena maaddana danddayoosona.
2. Neeni haattan muukettanaappe kase oottana bessiya amaridabati aybee?
Neeni haattan muukettanaappe kase, ‘ne nagaraappe Xoossaakko simmana’ koshshees. (Oosuwaa 3:19, 20 nabbaba) Hegaa giyoogee, neeni kase oottido ay nagarankka zilꞌꞌettaasanne Yihooway atto gaanaadan oychchaasa giyoogaa. Qassi Xoossay iita giyoobaa oottennan agganawunne A ufayssiya deꞌo deꞌanawu murttaasa. Hegaa bollikka, shiiquwaa shiiqiyoogaaninne haattan muukettennan aassiyaagaa gidada haggaaziyoogan galchchaara hashetada oottaasa.
3. Neeni haattan muukettennaadan yashshay diggana koshshennay aybissee?
Issoti issoti Yihoowawu qaalaa gelidobaa polana danddayokko giidi yayyoosona. Ee tuma, Geeshsha Maxaafan xaafettida ammanettida attumaasatudaaninne maccaasatudan neenikka issi issitoo balana. SHin Yihooway baassi goynniyaageeti aynne balokkona giidi qoppenna. (Mazamure 103:13, 14 nabbaba.) Neeni wozanappe baaxetiyo wode I ufayttees! Qassi I nena maaddana. Yihooway aybinne “[A] siiquwaappe nuna shaakkanau danddayennaagaa” qaalaa geliis.—Roome 8:38, 39 nabbaba.
LOYTTA AKEEKA
Neeni Yihoowa loytta eriyoonne appe maaduwaa demmiyo wode, xube gidiyaabati haattan muukettennaadan nena waani diggana danddayennaakko akeeka.
4. Yihoowa loytta era
Neeni haattan muukettanaappe kase, Yihoowa ay keenaa erana koshshii? Neeni A siiqanaadaaninne A ufayssanawu koyanaadan oottiyaagaa keenaa erana koshshees. Kumetta saꞌan Geeshsha Maxaafaa xannaꞌiyaageeti hegawu maaddiyaabaa ay oottidaakko akeekanawu,BIIDUWAA beꞌite. Yaatidi kaallidi deꞌiya oyshaa tobbite.
-
Neeni biiduwan beꞌido amarida asati haattan muukettanawu giigettanaadan aybi maaddidee?
Roome 12:2 nabbabite; yaatidi ha oyshata tobbite:
-
Neeni Geeshsha Maxaafay tamaarissiyooban woy qassi Yihoowa Markkati tamaarissiyoobay tuma gidiyoogaa siriyoobi deꞌii?
-
Yaanikko, waatuutee?
5. Xube gidana danddayiyaabi neeni haattan muukettennaadan diggoppo
Nuuni ubbaykka nuna Yihoowawu sheedhdhidi haattan muukettanawu kuuyiyo wode, paacciyaabay nuna gakkees. Issi leemisuwaa beꞌanawu, BIIDUWAA beꞌite; yaatidi kaallidi deꞌiya oyshata tobbite.
-
Biiduwan beꞌido Narangerela Yihoowawu haggaazennaadan metidabaa ay xoonadee?
-
Yihoowa siiqiyoogee he metidabaa xoonanaadan O waati maaddidee?
Leemiso 29:25nne 2 Ximootiyoosa 1:7 nabbabite; yaatidi ha oyshaa tobbite:
-
Metiyaabaa xoonanawu nuuni xalanaadan maaddiyaabay aybee?
6. Yihooway maaddanaagaa ammanetta
Yihooway A ufayssanaadan nena maaddana. BIIDUWAA beꞌite; yaatidi kaallidi deꞌiya oyshata tobbite.
-
Biiduwan beꞌido Geeshsha Maxaafaa tamaaree haattan muukettanawu mammottidoy aybissee?
-
I Yihoowan wozanappe ammanettanaadan maaddiyaabaa ay tamaaridee?
Isiyaasa 41:10, 13 nabbabite; yaatidi ha oyshaa tobbite:
-
Nena Yihoowawu sheedhdhiyo wode gelido qaalaa polanaagaa neeni ammanettana danddayiyoy aybissee?
7. Yihooway nena siiqiyo gishshawu wozanappe galata
Yihooway nena ay keena siiqiyaakko loytta qoppiyo wode, neeni A kaseppe aaruwan galatananne merinawu ayyo haggaazanawu keehi koyana. Mazamure 40:5 nabbabite; yaatidi ha oyshaa tobbite:
-
Yihoowa neeni keehi galatiyo anjjoti awugeetee?
Xoossay erissidobaa yootiya Ermmaasi Yihoowanne A qaalaa siiqees, qassi Yihoowawu haggaaziyo maataa demmido gishshawu keehi galatiis. I, ‘Taani ne sunttan xeesettido gishshawu, ne qaalay tana pashkkissiisinne ta wozanaa ufayssiis’ yaagiis. (Ermmaasa 15:16) Ha oyshata zaara:
-
Yihoowa Markka gidiyoogee dumma maata gidiyoy aybissee?
-
Neeni haattan muukettida Yihoowa Markka gidanawu koyay?
-
Neeni haattan muukettennaadan diggiyaabi deꞌii?
-
Neeni haattan muukettanawu ay oottana koshshees gaada qoppay?
ISSI ISSI ASAY HAGAADAN GEES: “Taani haattan muukettiyo wode qaalaa gelana ubbabaa polikke gaada yayyays.”
-
Neenikka hegaadan qoppay?
AY AKEEKADII?
Neeni Yihooway maaddin, haattan muukettennaadan diggiya aybanne xoonana danddayaasa.
Zaaretuwaa
-
Neeni haattan muukettanawu Geeshsha Maxaafaa ay keena erana koshshii?
-
Neeni haattan muukettanaappe kase geella laamettana koshshiyaabati aybee?
-
Neeni haattan muukettennaadan yashshay diggana koshshennay aybissee?
PILGGA
Haattan muukettanawu neessi gaaso gidana koshshiyaabaa akeeka.
“Neeni Xammaqettanawu Giigettadii?” (Wochchiyo Keelaa, Laappune 2020)
Neeni haattan muukettennaadan diggana danddayiyaabata waata xoonanaakko akeeka.
“Xammaqettennaadan Tana Diggiyay Aybee?” (Wochchiyo Keelaa, Laappune 2019)
Issi bitanee haattan muukettennaadan diggiya amaridabata waati xoonidaakko beꞌa.
Ataꞌa giyo bitanee haattan muukettanawu koyro mammottiis. I haattan muukettanaadan ammanttidabay aybakko akeeka.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
