TIMIRTTE 55
Intte Galchchaa Maadda
Kumetta saꞌan deꞌiya Yihoowa ashkkarati bantta deꞌiyo galchchan Yihoowayyo ufayssan goynnoosona. Eti bantta tamaariyoobawunne kaaletuwawu Yihoowa galatoosona, qassi galchchaa daro ogetun wozanappe maaddoosona. Neenikka intte galchchaa hegaadan xeellay?
1. Neeni ne wolqqaaninne wodiyan galchchaa maaddana danddayiyo amarida ogeti aybee?
Nuuni ubbaykka galchchan maaddana danddayoos. Leemisuwawu, intte galchchan deꞌiya amaridaageeti cimee woy abbe pacee? Eti shiiquwawu baanaadan maaddana danddayay? Woy etawu koshshiya issi issibaa shammiyoogaa woy keettaa pittiyoogaa mala haraban maaddana danddayay? (Yaaqooba 1:27 nabbaba.) Nuuni nu SHiiquwaa Addaraashaa geeshshiyoogaaninne issi issibaa giigissiyoogankka maaddana danddayoos. Hegeeta oottanaadan ooninne nuna giddenna. Nuuni Yihoowanne nu ishantta siiqiyoogee, “Hekko, tana kiitta” gaanaadan denttettees.—Isiyaasa 6:8.
Haattan muukettida Yihoowa Markkati hara ogetunkka galchchaa maaddana danddayoosona. Geeshsha Maxaafan etappe koyettiyaabaa oottiya ishantti galchchawu oottiyaageeta woy cima gididi maaddana danddayoosona. Ishanttikka michchonttikka aqinye gididi mishiraachchuwaa minnidi yootiyoogan maaddana danddayoosona. Yihoowa Markkatuppe amaridaageeti goynuwaa sohota keexxiyoogan woy hara ogetun maaddana koshshiyo galchchaa biidi maaddana danddayoosona.
2. Nu miishshaaninne nuuyyo deꞌiyaaban galchchaa waati maaddana danddayiyoo?
Nuuni Yihoowa ‘nu duretettan bonchchana’ danddayoos. (Leemiso 3:9) Galchchaanne kumetta saꞌan mishiraachchuwaa yootiyo oosuwaa nu miishshaaninne nuussi deꞌiya haraban maaddiyoogan keehi ufayttoos. (2 Qoronttoosa 9:7 nabbaba.) Nuuni immiyo miishshay daafaban qohettidaageetakka maaddees. Daroti immana miishshaa ubbatoo ‘dagayanawu’ kuuyidosona. (1 Qoronttoosa 16:2 nabbaba.) Nuuni goynuwawu shiiqiyo sohuwan deꞌiya saaxinetun miishshaa yeggana woy Interneetiyan donate.pr418.com baggaara miishshaa immana danddayoos. Nuuni nu miishshaaninne nuuyyo deꞌiyaaban galchchaa maaddiyoogan Yihoowa siiqiyoogaa bessana danddayoos.
LOYTTA AKEEKA
Neeni galchchaa maaddana danddayiyo ogetuppe amaridaageeta akeeka.
3. Nuussi deꞌiyaaban maaddana danddayoos
Yihoowaynne Yesuusi ufayssan immiyaageeta siiqoosona. Leemisuwawu, issi amꞌꞌe maccaasiyaa bawu deꞌiya miishshay guutta gidikkonne, Yihoowawu immido gishshawu, Yesuusi O galatiis. Luqaasa 21:1-4 nabbabite; yaatidi ha oyshata tobbite:
-
Nuuni Yihoowa ufayssanawu keehi daro miishshaa immana koshshii?
-
Nuuni ufayttiiddi immiyoode Yihoowawunne Yesuusawu aybi siyettii?
Nuuni immiyo miishshay aybissi maaddiyaakko eranawu, BIIDUWAA beꞌite. Yaatidi kaallidi deꞌiya oyshaa tobbite.
-
Nuuni immiyo miishshay kumetta saꞌan deꞌiya gubaaꞌeta waati maaddii?
4. Nuuni nu dosan maaddana danddayoos
Beni wode, Yihoowawu goynniyaageeti eti goynniyo sohota giigissanawu minni oottidosona. SHin, eti oottidobay miishshaa immiyoogaa xalla gidenna. Naaꞌꞌantto Hanidabaa Odiya 34:9-11 nabbabite; yaatidi ha oyshaa tobbite:
-
Israaꞌeelati ubbay Yihoowa keettaa woy goyno sohuwaa loyttiyoogan waati maaddidonaa?
Yihoowa Markkati Geeshsha Maxaafan deꞌiya he leemisuwaa waatidi kaallidaakko eranawu, BIIDUWAA beꞌite. Yaatidi kaallidi deꞌiya oyshata tobbite.
-
Nu SHiiquwaa Addaraashay ubbatoo geeshshanne loꞌꞌo gidana koshshiyoy aybissee?
-
Neeni ayba ogetun maaddana danddayay?
5. Ishantti galchchan loytti maaddanawu baaxetana danddayoosona
Geeshsha Maxaafay ishantti galchchan maaddanawu wozanappe baaxetanaadan zorees. Issi leemisuwaa beꞌanawu, BIIDUWAA beꞌa. Yaatada kaallidi deꞌiya oyshaa zaara.
-
Biiduwan beꞌido Rayaani galchchaa loytti maaddanawu waani baaxetidee?
Geeshsha Maxaafay galchchawu oottiyaanne cima gididi haggaaziya ishanttuppe koyettiyaabaa yootees. Koyro Ximootiyoosa 3:1-13 nabbabite; yaatidi ha oyshata tobbite:
-
Galchchawu oottanawunne cima gidanawu baaxetiya ishanttuppe koyettiyaabay aybee?
-
Eta so asaappe koyettiyaabay aybee?—Paydo 4nne 11 xeella.
-
Ishantti hegawu baaxetiyoogee galchchan deꞌiya ubbaa waati maaddii?
ISSI ISSI ASAY HAGAADAN GEES: “Yihoowa Markkati bantta oosuwawu koshshiya miishshaa awuppe demmiyoonaa?”
-
Woygada zaaruutee?
AY AKEEKADII?
Nuuni nuussi deꞌiya wodiyan, wolqqaaninne aquwan galchchaa maaddanawu oottiyoobaa Yihooway keehi nashshees.
Zaaretuwaa
-
Nuuni nuussi deꞌiya wodiyaaninne wolqqan galchchaa waati maaddana danddayiyoo?
-
Nuuni nuussi deꞌiyaaban galchchaa waati maaddana danddayiyoo?
-
Neeni ayba ogetun galchchaa maaddanawu koyay?
PILGGA
Xoossay bawu goynniyaageeti ha wodiyan asirataa immanaadan koyennay aybissakko akeeka.
“Asirataa Xeelliyaagan Geeshshaa Maxaafay Woygii?” (Nu websaytiyan deꞌiyaaba)
Issi issi aawatettaa haattan muukettida attuma asati xalla polana bessiyogaa Geeshsha Maxaafay yootees. Shin haattan muukettida maccaa asay he aawatettaa polanaadan oottiyabay merettikko shin?
Cimatussi Gubaaꞌiyan Deꞌiya Aawatettaa (Wochchiyo Keelaa, Usuppune 2021)
Keehi qohana danddayiyaabay deꞌishinkka, bantta ishanttussinne michchonttussi xuufiyaa gattanawu giidi xalida amaridaageetubaa beꞌa.
Nuuni nu oosuwawu miishshaa demmiyo ogee hara haymaanoote dirijjitetuugaappe keehi dummatiyoy aybiinakko akeeka.
“Yihoowa Markkati Bantta Oosuwawu Miishshaa Awappe Demmiyoonaa?” (Nu websaytiyan deꞌiyaaba)
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
