TIMIRTTE 56
Galchchaa Issippetettaa Naaga
Nu ishanttuuranne michchonttuura deꞌiyo sohuwan nuunikka Kawuwaa Daawitaagaadan, “Ishantti issippetettan de7iyoogee aiba lo77obeenne ufaissiyaabee!” yaagoos. (Mazamure 133:1) Nu issippetettay coo beettenna. Hegawu nuuni ubbay koshshiyaabaa oottana bessees.
1. Xoossaa asaa giddon ufayssiyaabay aybee?
Neeni hara biitti baada galchchaa shiiquwaa shiiqiyaakko, eta qaalaa waaya erana, shin boorasennaadan oottiya darobay deꞌees. Ayssi giikko, nuuni ubbasan issi mala xuufiyaa goꞌettidi Geeshsha maxaafa xannaꞌoosinne nuuni ubbay issoy issuwaa siiqoos. Qassi nuuni awan deꞌikkokka, ubbaykka Yihoowa ‘sunttaa xeegoosinne issippe ayyo oottoos.’—Sofonaasa 3:9.
2. Issippetettaa minttanawu neeni ay oottana danddayay?
“Issoi issuwaara minttidi wozanappe siiqettite.” (1 PHeexiroosa 1:22) Ha zoriyaa waata kaallana danddayay? Haratu balaa qoppiyoogaa aggada, eta loꞌꞌo eeshshaa akeeka. Neeni dosiyoobaa dosiya ne mala ishanttunne michchonttu xallaara wodiyaa aattiyoogaappe, neeppe dummatiyaageetakka loytta era. Nuuni asa coo ixxiyaaba gidikko, hegaa agganawukka keehi baaxetana danddayoos.—1 PHeexiroosa 2:17 nabbaba. a
3. Neeni ne mala Kiristtaaniyaara ooyettikko waatuutee?
Nuuni issuwaa gidikkokka, nagaranchcha. Nuuni issi issitoo issoy issuwaa lanccissoos woy ubba qohoos. Yaatiyo gishshawu, Xoossaa Qaalay, “Xoossai Kiristtoosa baggaara intteyyo atto giidoogaadan, inttekka issoi issuwaayyo atto giite” yaagidi nuna azazees. (Efisoona 4:32 nabbabite.) Nuuni Yihoowa naaqqidobay qoodin wurenna; gidoppe attin, I nuuyyo atto giis. Hegaa gishshawu, I nuuni nu ishanttussi atto gaanaadan koyees. Neeni issi uraa naaqqidoogaa akeekikko, sigettanawu kaseta.—Maatiyoosa 5:23, 24 nabbaba. b
LOYTTA AKEEKA
Neeni galchchaa issippetettawunne sarotettawu ay oottana danddayiyaakko qoppa.
Neeni sigettanawu ay oottuutee?
4. Asa coo ixxennaadan naagetta
Nuuni nu ishantta ubbaa siiqanawu koyoos. SHin, nuuppe dummatiyaaba milatiyaageetuura maayettanawu metootana danddayoos. Yaatin nuna aybi maaddanee? Oosuwaa 10:34, 35 nabbabite; yaatidi ha oyshata tobbite:
-
Yihooway asa ubbay baayyo Markka gidanaadan shoobbees. Neeppe dummatiya asaa Yihoowaagaadan xeellanawu waatana danddayay?
-
Intte heeran daroti asaa coo ixxiyoogaa bessiyaabati aybee? Neeni hegeetuppe naagettana koshshiyoy aybissee?
Naaꞌꞌantto Qoronttoosa 6:11-13 nabbabite; yaatidi ha oyshaa tobbite:
-
Neeni ne ishanttanne michchontta loytta siiqiyoogaa meezetanawu waatana danddayay?
5. Coo atto ganne sigetta
Nuuni Yihoowayyo aynne atto gaana koshshenna, shin I nuuyyo coo atto gees. Mazamure 86:5 nabbabite; yaatidi ha oyshata tobbite:
-
Yihoowa maarotay ay keena gitee?
-
Neeni A maarotawu A galatanawu koyiyoy aybissee?
-
Nuuni haratuura issippetettan deꞌanawu metootanaadan oottana danddayiyaabati aybee?
Nuuni nu ishanttuuranne michchonttuura issippetettan deꞌiyoogan Yihoowa milatanawu waatana danddayiyoo? Leemiso 19:11 nabbabite; yaatidi ha oyshaa tobbite:
-
Issi uri nena yiilloyiyo woy lanccissiyo wode, hanotay yaa iitennaadan ay oottana danddayay?
Nuuni issi issitoo harata yiilloyoos. He wode, nuuni ay oottana koshshii? BIIDUWAA beꞌite; yaatidi kaallidi deꞌiya oyshaa tobbite.
-
Biiduwan beꞌido michchiyaa sigettanawu ay oottadee?
6. Ishanttunne michchonttu loꞌꞌo eeshshaa qoppa
Nu ishanttanne michchontta loytti eriyo wode, eta loꞌꞌo eeshshatanne eta balaa akeekoos. Eta loꞌꞌo eeshshata qoppanawu waatana danddayiyoo? BIIDUWAA beꞌite; yaatidi kaallidi deꞌiya oyshaa tobbite.
-
Neeni ne ishanttunne michchonttu loꞌꞌo eeshshaa akeekanaadan maaddana danddayiyay aybee?
Yihooway nu loꞌꞌo eeshshaa xeellees. Naaꞌꞌantto Hanidabaa Odiya 16:9a nabbabite; yaatidi ha oyshaa tobbite:
-
Yihooway ne loꞌꞌo eeshshaa xeelliyoogan neeyyo aybi siyettii?
Alꞌꞌobaappe merettida migidoy gaarettikkonne keehi alꞌꞌo. Hegaadankka, nu ishanttinne michchontti nagaranchcha gidikkonne, eti Yihoowawu alꞌꞌo
ISSI ISSI ASAY HAGAADAN GEES: “Taani ayyo sohuwaara atto giikko, I tana ay keena qohidaakko akeekenna.”
-
Nuuni haratuyyo atto gaanawu wozanappe koyana bessiyoy aybissee?
AY AKEEKADII?
Nuuni nu ishanttanne michchontta maariyoogaaninne siiqiyoogan galchchaa issippetettay minnanaadan maaddoos.
Zaaretuwaa
-
Asa coo ixxennaadan, neeni waana naagettana danddayay?
-
Neeni ne ishaara woy michcheera walaqettikko waatuutii?
-
Neeni haratuyyo atto giyoogan Yihoowa milatanawu koyiyoy aybissee?
PILGGA
Yesuusi yootido issi leemisoy, nuuni haratu bolli pirddennaadan naagettanawu waati maaddiyaakko akeeka.
Nuuni mooridobi baa giidi qoppikko, atto gaanaadan oychchana koshshii?
“Tana Maara Giyoogee Sigettanawu Keehi Maaddees” (Wochchiyo Keelaa huuphe yohuwaa)
Issoti issoti asa asappe shaakkennaagaa waati tamaaridaakko akeeka.
Neeni issi uraara walaqettido yohoy galchchaa shaakkennan deꞌishin sigettaychcha.
“Ooshshana Danddayiyaabaa Siiquwan Giigissa” (Wochchiyo Keelaa, Uddufune 2016)
a Wurssetta qofaa 6y Kiristtaaneti harggee banttappe harata oyqqenna mala naagettanaadan siiqoy eta waati denttettiyaakko yootees.
b Wurssetta qofaa 7y zalꞌꞌiyaaranne higgiyaara gayttida yohuwaa waati suurissanaakko yootees.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
