TIMIRTTE 60
Awudekka Yihoowaara Dabbotaa Mintta
Neeni hanno gakkanawu xannaꞌidoban Yihoowabaa darobaa tamaaradasa. Neeni tamaaridobay Yihoowa wozanappe siiqanaadan oottin, geella nena awu sheedhdhada haattan muukettennan aggakka. Haattan muukettabeennaba gidikko, mati xammaqettanawu qoppennan aggakka. SHin, muuketta simmada Yihoowaara dabbotaa minttiyoogaa aggakka. Neeni merinawu Yihoowaara dabbotaa minttana danddayaasa. Waatada?
1. Neeni ubbatoo Yihoowaara dabbotaa minttana koshshiyoy aybissee?
Nuuni ubbatoo Yihoowaara dabbotaa minttanawu baaxetana koshshees. Aybissi? Appe “wora beenna mala.” (Ibraawe 2:1) Nuuni awudekka Yihoowawu ammanettidi haggaazanaadan maaddiyaabay aybee? Mishiraachchuwaa ubbatoo minni yootiyoogeenne Xoossaayyo loytti haggaaziyo hara ogeta koyiyoogee hegawu maaddees. (Piliphphisiyuusa 3:16 nabbaba.) Nu deꞌuwan Yihoowawu haggaaziyoogee aybippenne aadhdhiyaaba!—Mazamure 84:10.
2. Neeni ubbatoo harabaa ay oottana koshshii?
Neeni xannaꞌiyoobaa wurssana hanaasa, shin awudekka issi Kiristtaaniyaappe koyettiyaagaadan deꞌana. Nuuni “ooratta asatettaa [maayana]” koshshiyoogaa Geeshsha maxaafay yootees. (Efisoona 4:23, 24) Neeni ubbatoo Xoossaa Qaalaa xannaꞌiyo wodenne galchchaa shiiquwaa shiiqiyo wode, Yihoowabaanne A eeshshaabaa oorattabaa tamaarana. Neeni ne eeshshan kaseppe aaruwan Yihoowa milatana danddayiyo ogeta koya. Yihoowa ufayssanawu koshshiya ubbaban awudekka laametta.
3. Yihooway neeni aara dabbotaa minttanaadan waati maaddanee?
Geeshsha Maxaafay, “Xoossai . . . i ba huuphen inttena loittananne minttana. Qassi i inttena wolqqanttana” yaagees. (1 PHeexiroosa 5:10) Nuna ubbaakka paacciyaabay gakkana. SHin, Yihooway nuussi hegaa eqettanawu koshshiya wolqqaa immana. (Mazamure 139:23, 24) Neeni ayyo eeno gaada A ufayssiyaabaa oottana mala, I ne giddon oottanawu qaalaa geliis.—Piliphphisiyuusa 2:13 nabbaba.
LOYTTA AKEEKA
Neeni ubbatoo Yihoowaara dabbotaa minttanawu waatana danddayiyaakko, qassi I nena waati anjjanaakko akeeka.
4. Neessi ooppenne aadhdhiya Dabbuwaara haasaya
Neeni woossiyoogeenne Geeshsha maxaafa xannaꞌiyoogee Yihoowa dabbo gidanaadan maaddiis. Neeni aara dabbotaa yaa minttanaadan hegeeti waati maaddiyoonaa?
Mazamure 62:8 nabbabite; yaatidi ha oyshaa tobbite:
-
Neeni Yihoowaara dabbotaa minttana mala, kaseegaappe loꞌꞌo woosaa woossanawu waatana danddayay?
Mazamure 1:2 nabbabite; yaatidi ha oyshaa tobbite:
-
Neeni Yihoowaara dabbotaa minttanawu, Geeshsha maxaafaa nabbabada loytta goꞌettana mala waatana danddayay?
Neeni xannaꞌiyooban loytta goꞌettanawu ay oottana danddayay? Amarida qofaa beꞌanawu, BIIDUWAA beꞌite; yaatidi kaallidi deꞌiya oyshata tobbite.
-
Biiduwan siyidobaappe awugeeta oosuwan peeshshana danddayay?
-
Neeni xannaꞌanawu koyiyo yohoti aybee?
5. Yihoowawu waata loytta oottanaakko halchcha
Yihoowawu loytta oottanawu halchchiyoogee aara dabbotaa minttanawu nena maaddees. BIIDUWAA beꞌite; yaatidi kaallidi deꞌiya oyshaa tobbite.
-
Biiduwan beꞌido Kaameruna Yihoowawu loytta oottanawu halchchada waana goꞌettadee?
Hara biittan haggaazana danddayenna asay dees. SHin, ubbaykka halchchidi oottana danddayiyoobay dees. Leemiso 21:5 nabbaba; yaatada neeni . . .
-
galchchan
-
haggaazuwan halchchanawu koyiyoobaa qoppa.
Ha xiqisiyan deꞌiya maaray neeni halchchidobaa polanawu waati maaddii?
Neeni polana danddayiyo amarida halchchota
-
Kaseegaappe loꞌꞌo woosaa woossa.
-
Geeshsha Maxaafaa nabbabada wurssa.
-
Ne galchchan deꞌiya ubbaa loytta era.
-
Issi ura Geeshsha Maxaafaa tamaarissa.
-
Kaafiya woy ubba wode aqinye gidada haggaaza.
-
Neeni isha gidikko, galchchawu oottanawu baaxeta.
6. Merinawu ufayttada deꞌa!
Mazamure 22:26 nabbabite; yaatidi ha oyshaa tobbite:
-
Neeni haꞌꞌikka merinawukka ufayttada deꞌanawu ay oottana danddayay?
AY AKEEKADII?
Awudenne Yihoowaara dabbotaa mintta, qassi ayyo loytta haggaazanawu waatanaakko halchcha. Yaatikko, neeni haꞌꞌikka merinawukka ufayttada deꞌana!
Zaaretuwaa
-
Yihooway awudekka ayyo haggaazanawu nena maaddanaagaa neeni ammanettana danddayiyoy aybissee?
-
Neeni Yihoowaara dabbotaa minttanawu waatana danddayay?
-
Neeni Yihoowayyo loytta haggaazanawu waatanaakko halchchiyoogee aara dabbotaa minttanawu waati maaddii?
PILGGA
Yihooway keehi nashshiyoobay nuuni awu aqidoogaa bessanawu issitoo gitabaa oottiyoogeeyye nu deꞌuwan ubba galla ayyo ammanettidi deꞌiyoogee?
Yihoowawu ammanettida urikka ufayttiyoogaa aggana danddayees. I zaaretti waani ufayttana danddayiyaakko akeeka.
Xannaꞌiyoogaaninne Wotti Dentti Qoppiyoogan Zaarettidi Ufayttite (5:25)
Yihoowawu loytta haggaazanawu waatanaakko halchchada hegaa polanawu ay oottana danddayay?
“Nena Medhdhidaagaa Bonchchanawu Ayyaanaabaa Halchcha” (Wochchiyo Keelaa huuphe yohuwaa)
Kayma Kiristtaane gidana koshshiyoy aybissee, qassi waana gidana danddayay?
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
