XINAATE 7
Likkenne Ammanttiyaagaa
Luqaasa 1:3
TAMAARANABAA: Ezggiyaageeti likke gididabaa kuuyanaadan maaddanawu ammanttiya naqaashaa goˈetta.
WAATANA DANDDAYAY?
-
Ammanttiya naqaashaa goˈetta. Yootiyoobaa Xoossaa Qaalaappe yoota; danddayettikko appe nabbaba. Saynisebaa, odobaa, deˈuwan hanidabaa woy maaddiya hara naqaashaa goˈettana koyikko, hegee ammanttiyaaba gidiyoogaanne mata wodeba gidiyoogaa akeeka.
-
Naqaashata bessiyaasan goˈetta. Xiqiseta eta yuushuwan deˈiya qofaara, Geeshsha Maxaafaa waanna qofaara, qassi ‘ammanettida wozannaama ashkkaray’ giigissido xuufiyan deˈiya qofaara maayiya ogiyan qonccissa. (Maa. 24:45) Geeshsha Maxaafaappe kareera deˈiya naqaashaa, an deˈiya qofaa laammennan woy hegaa xaafida uraa qofaappe dummayennan suure goˈetta.
-
Akeekanaadan maadda. Xiqisiyaa nabbabada woy naqaashaa yoota simmada, ezggiyaageeti kuuyanaadan maaddanawu oyshaa woy leemisuwaa goˈetta.