Xoossay asay saꞌan ufayttidi deꞌanaadan koyees. I saꞌaanne saꞌan deꞌiya ubbabaa medhidoy asaa naata siiqiyo gishshataassa. I mata wode, ubba biittan deꞌiya asay sinttappe ufayssiya deꞌuwaa deꞌanaadan oottana. I asaa naata metuwaappe shemppissana.​—Ermmaasa 29:11 nabbaba.

 Danuwaa, harggiyaa woy hayquwaa xayssana danddayida kawotetti baawa. SHin ufayssiya mishiraachoy deꞌees. Xoossay asaa kawotetta ubbaa xayssidi ba kawotettaa essana. He kawotettau haarettiyaageeti sarotettan payya gididi deꞌana.​—Isiyaasa 25:8; 33:24; Daaneela 2:44 nabbaba.

 Xoossay iita asaa saꞌaappe xayssiyo wode metoy xayana. (Sofonaasa 2:3) Hegee hananay awudee? Ha wodiyan asaa naatu bolli gakkiya metoy Xoossaa Qaalan kasetidi odettiis. Ha wodiyan hanettiiddi deꞌiyaabay Xoossay metuwaanne tuggaa xayssiyo wodee matattidoogaa bessees.​—2 Ximootiyoosa 3:​1-5 nabbaba.

 Nuuni Xoossaabaa a Qaalaa, Geeshsha Maxaafaappe tamaarana koshshees. Geeshsha Maxaafay siiqiya aaway ba naꞌau xaafido dabddaabbe mala. Geeshsha Maxaafay nuuni ha wodiyaaninne sinttappe saꞌan merinaa deꞌuwaa demmidi ufayssiya deꞌuwaa waanidi deꞌana danddayiyaakko yootees. Neeni Geeshsha Maxaafaa tamaariyoogaa issi issi asay dosennan aggana danddayees. SHin hara asau yayyada sinttappe yaana kehabaa aggana bessenna.​—Leemiso 29:25; Ajjuutaa 14:​6, 7 nabbaba.