UNˈˈETTIYOOGAAPPE WOPPAA DEMMA
Unˈˈettiyoogaappe-Laˈa kiyana-danddayoos
Geeshsha Maxaafan deˈiya aadhdhida eratettay koshshennan unˈˈettiyo darobaappe shemppanawu nuna maaddana danddayees. Nuna unˈˈissiya ubbabaa nuuni xayssana danddayennaagee tuma. SHin nuna Medhdhidaagee xayssana danddayees. I ubba nuna ashshanawu issi ura sunttiis. Hegee Yesuus Kiristtoosa. I saˈan asa gididi deˈido wode oottidoogaappe aadhdhiya keehi ufayssiyaabaa mata wode kumetta saˈan oottana. Leemisuwawu:
YESUUSI SAˈAN KASE OOTTI BESSIDOOGAADAN, HARGGIYAAGEETA PATTANA.
“Asai dumma dumma harggiyan ohettidi harggida asaanne sahettida asa ubbaa . . . ehiis; ehin i eta pattiis.”—MAATIYOOSA 4:24.
YESUUSI UBBA ASAWU QUMAANNE KEETTAA IMMANA.
“He wodetun asati [Kiristtoosa haaruwawu haarettiyaageeta] keettata keexxidi, etan de7ana; woiniyaa turatakka tokkidi, eta aifiyaa maana. Eti keexxin, harai de7enna; harai maanau tokkiyoobaa tokkokkona.”—ISIYAASA 65:21, 22.
YESUUSA HAAROY SAˈA UBBAN SAROTETTAANNE WOPPA EHAANA.
“I de7iyo laitta ubban xillotettai daayo; aginai xayana gakkanaassi sarotettai daro. Abbaappe abbaa gakkanaassi, qassi Efiraaxiisa SHaafaappe sa7aa gaxaa gakkanaassi i haaro. . . . a morkketi buhiyaa laaccona.”—MAZAMURE 72:7-9.
YESUUSI NAAQUWAA XAYSSANA.
“Hiyyeesatussinne manqqotussi i qarettees; hiyyeesatu shemppuwaa ashshees. Eta naaquwaappenne makkalaappe i wozees.”—MAZAMURE 72:13, 14.
YESUUSI WAAYIYAANNE HAYQUWAAKKA XAYSSANA.
“Hagaappe sinttanau haiqoinne kayyoi woi waasoinne sahoi de7enna.”—AJJUUTAA 21:4.
Hageeta Beꞌadii?
GEESHSHA MAXAAFAABAA OYCHCHIYOOBATU ZAARUWAA
Xoossaa Kawotettay Sinttappe Ay Oottanee?
Xoossaa kawotettay saꞌaa haariyo wode aybi hanana gaada naagana danddayiyaakko akeeka.
