IXUWAA WAATA XOONANA DANDDAYAY?
1 | Asa Asappe SHaakkoppa
Geeshsha Maxaafay Tamaarissiyoobaa:
“Xoossai asa som77o xeellenna; shin dere ubban baassi yayyiyaagaanne xillo ooso oottiyaagaa [galatees].”— OOSUWAA 10:34, 35.
Hegee Woygiyoogee?
Xoossaa Yihooway * nu biittaa, zariyaa, meraa woy wogaa xeellidi pirddenna. SHin, I nu wozanaa xeellees. Geeshsha Maxaafay, “asi som77uwaa xeellees; shin GODAI wozanaa xeellees” yaagees.—1 Sameela 16:7.
Ay Oottana Danddayay?
Nuuni asa wozanan deˈiyaaba erana danddayennaba gidikkokka, asa asappe shaakkennan aggiyoogan Xoossaa milatanawu baaxetana danddayoos. Issi citan deˈiyo gishshawu coo ixxiyoogaappe, izaawu oonatettaa akeekanawu baaxeta. Hara sheeshsha woy hara biittaa asa gididaageeta xeelliyaagan neeni balabaa qoppiyoogaa akeekikko, hegaa mala qofaa agganaadan maaddana mala Xoossaa woossa. (Mazamure 139:23, 24) Neeni asa asappe shaakkennaadan Yihooway maaddana mala wozanappe oychchikko, I ne woosaa siyidi maaddanaagaa ammanettana danddayaasa.—1 PHeexiroosa 3:12.
^ MENT. 6 Yihoowa giyoogee Xoossawu buzo sunttaa.—Mazamure 83:18.
“Issi paranjjaara issippe . . . mule saruwan utta erikke. Haˈˈi taani wozanappe siiqettiya ubba sohuwan deˈiya ishanttuppe issuwaa.”—TAYTESA
Hageeta Beꞌadii?
BEEGOTTITE!
Asaa Coo Ixxiyoogaa—He Harggee Nena Oyqqi Erii?
Nuuni asaa coo ixxanaadan oottana danddayiya iita gidida issi issibati aybee?
