SHin daro asay sinttappe hegaa mala deˈuwaa deˈanaagaa sirees. Korona harggiyaa mala asay qoppennan gakkiyaabati asa deˈuwaa keehi qohoosonanne hiyyeesatettaa kaalettoosona; ubba qassi daroti hayqqanaadan oottoosona. Hegaappe denddidaagan, eti sinttappe ufayssiya deˈuwaa deˈanaagaa siroosona.

Asay sinttappe hananabaa erenna gishshawu, ufayssiya deˈuwaa demmanawu maaddiyaabaa keehi koyees. Issoti issoti qaadaa ammanoosona. Daro asay, xoqqa timirttiyaa tamaariyoogeenne duretiyoogee ufayssiya deˈuwaa deˈanawu maaddees giidi qoppees. Harati qassi loˈˈo asa gidiyoogaa xallay ufayssiya deˈuwaa deˈanawu maaddees giidi qoppoosona.

Qommoora odettidabati neeni sinttappe ufayssiya deˈuwaa deˈanaadan maaddanee? Neeni hegaa zaaruwaa demmanawu kaalliya oyshata loytta qoppana koshshees:

• Sinttappe ne deˈoy ufayssiyaagaa gidanaadan aybi maaddanee?

• Ufayssiya deˈuwaa deˈanawu timirtteenne miishshay maaddana danddayii?

• Ufayssiya deˈuwaa deˈanawu loˈˈo asa gidiyoogaa xallay maaddii?

• Sinttappe ufayssiya deˈuwaa deˈanawu maaddiya ammanttiya kaaletuwaa awuppe demmana danddayay?

Ha Wochchiyo Keelaa maxeetee neeni he oyshatu zaaruwaa demmanaadan maaddana.