Nuussi ubbawu buzo xinaatiyawu deˈiya wodee guutta. Yaatin nuuni he wodiyaa waati loytti goˈettana danddayiyoo? Koyruwan, wodiyaa bazza. Daro qofaa eesuwan nabbabiyoogaappe amarida qofaa loytta xannaˈiyoogee nena keehi maaddana.

Yaatada neeni xannaˈana koshshiyo amaridabata doora. (Efi. 5:15, 16) Ha qofati nena maaddana danddayoosona:

• Geeshsha Maxaafaa ubba galla nabbaba. (Maz. 1:2) Nuuni ubba saaminttan shiiqiyo saaminttawu gidduwan shiiqiyo shiiquwan xannaˈiyo shemppotun doommiyoogee loˈˈo gidana danddayees.

• Wochchiyo Keelaa Xinaatiyawunne saaminttawu gidduwan shiiqiyo shiiquwawu giigetta. Zaaruwaa yootanawu loytta giigetta.—Maz. 22:22.

• Asawu immiyo maxeetetu, biidotunne jw.org saytiyan kiyiyaabatu mala hara ayyaanaabaa qumaa nabbabanawunne beˈanawu hayyanaa baaxeta.

• Nena ufayssiya issi huuphe yohuwaa xannaˈa. Nena gakkiya metuwaabaa, neessi oysha gididabaa woy neeni loytta akeekanawu koyiyo Geeshsha Maxaafaa qofaa pilggana danddayaasa.