Nuuppe darotuugaadan neenikka xannaˈidobaa hassayanawu metootennan aggakka. Shin Yesuusi leemisuwa goˈettidi tamaarissido gishshawu nuuni I tamaarissidobaappe darobaa metootennan hassayoos. Yesuusi yootidobaa qoppiyogee I tamaarissidobaa nuuni hassayanaadan maaddana danddayees. Hegaadankka neeni xannaˈidobaa loytta qoppikko hegaa hassayana danddayaasa. Yaatiyo issi ogee aybee? Neeni eridobaa misiliyan medhdhiyogaa.

Erido oorattabaa misiliyan medhdhiya asati darotoo hegaa loytti hassayoosona. Misiliya medhdhiyogee eti amarida qaalatu xalla gidennan, tamaariyo waannabaa akeekanaadan maaddees. Eta misileti darin puulayidi giigissidoogeeta gidennan, coo medhdhidoogeeta. Qassi cimidaageeta he hiillay loytti goˈˈiyogaa naqaashay bessees.

Neeni kaalliya wodiyan xannaˈaydda, ne eridobaa misiliyan medhdhanawu malana danddayaasa. Neeni darobaa hassayada malaalettanaagee qoncce!