Ha laytti kiyida Wochchiyo Keelaa loytta nabbabadii? Yaatikko, neeni kaallidi deꞌiya oyshata zaarana danddayiyakkonne beꞌa:

‘Ne qofaa laammanawu’ waatana koshshii? (Roo. 12:2)

Neeni loꞌꞌobaa oottiyogaa xallay gidenna. Nuussi danddayettida keenan Xoossay kessido maaraa azazettanawu nuuni ay mala asakko qoppananne koshshiyaban laamettana bessees.—w23.01, sinttaa 8-9.

Nuuni alamiya hanotaa beꞌiyo wode waani akeekanchcha gidana danddayiyoo?

Haꞌꞌi alamiyan haniiddi deꞌiyabati hiraagay polettanaadan waati oottiyakko eriyogan keehi ufayttoos. Aybi hananaakko maliyogan nu issippetettay xayanaadan oottiyogaappe, nu xuufetun kiyida qofaa haasayiyogee loꞌꞌo. (1 Qor. 1:10)—w23.02, sinttaa 16.

Yesuusa xinqqatee A kaalliyageetuugaappe aybin dummatii?

Yesuusi Xoossawu sheerettida deriyappe yelettido gishshawu I nuugaadan bana Yihoowawu sheedhdhana koshshenna. I nagari baynna asa. I ba nagaraappe simmana koshshenna.—w23.03, sinttaa 5.

Harati shiiqotun qofaa yootanaadan waatana danddayiyoo?

Harati bantta qofaa yootanaadan nu qofaa qanttan yootana danddayoos. Daro zaaruwa yootiyogaappekka naagetta danddayoos. Yaatiyo wode harati zaariyobay deꞌana danddayees.—w23.04, sinttaa 23.

Isiyaasa 35:8n odettida ‘Geeshshatettaa Ogee’ aybee?

Leemiso hanotan odettida aaho ogee koyro, Ayhudati Baabilooneppe bantta biitti simmiyogaa bessees. Ha wodiyan shin? Xoossaa asay Geeshsha Maxaafaanne harabata birshshiyogaaninne attamiyogan 1919​ppe kase deꞌiya daro xeetu layttatun he ogiya giigissiis. Eti ayyaanaa gannatiyakko efiya ‘Geeshshatettaa Ogiyan’ hemettiiddi deꞌoosona; he ogee eti Kawotettay ehaana anjjota demmanaadan oottees.—w23.05, sinttaa 15-19.

Leemiso shemppo 9n leemiso hanotan qonccida naaꞌꞌu maccaasatubay nuna ay zorii?

Leemiso maxaafay ‘eeyya maccaasee’ shoobee ‘duufuwawu’ kaalettiyogaa, qassi ‘tumu aadhdhida eratettan’ leemisettida maccaasee shoobee ‘akeekaa ogiyawunne’ deꞌuwawu kaalettiyogaa yootees. (Lee. 9:1, 6, 13, 18)—w23.06, sinttaa 22-24.

Xoossay Looxeera gayttidaagan ashkkenne hanotaadan haniyagaa gidiyogaa waati bessidee?

Yihooway Looxee Sadoomappe deretiya heeraakko baqatanaadan yootiis. Looxee deretiya heeraakko gidennan, Xoohaara baqatanawu mintti woossido wode Xoossay awu paqqadiis.—w23.07, sinttaa 21.

Issi machchiya ba azinay pornograafiya beꞌikko waatana danddayay?

A mooranchcha gidennaagaa hassayana koshshees. A Xoossaara dabbotido dabbotaabaa ubbatoo qoppananne Yihoowappe minttettuwa demmida maccaasatubaa yootiya Geeshsha Maxaafaa taariketa wotta dentta qoppana koshshees. A ba azinay paacciya hanotaappe naagettanaadan maaddana danddayawusu.—w23.08, sinttaa 14-17.

Issi uri nu ammaniyobaa xeelliyagan oyshaa oychchiyo wode akeekay nuuni ashkke gidanaadan waati maaddana danddayii?

Haratu oyshaa, nuuni eta qofaa woy eti xoqqu ootti xeelliyobaa eranawu maaddiyabadan qoppana danddayoos. Yaatikko, nuuni etawu ashkketettan loytti zaarana.—w23.09, sinttaa 17.

Minttettuwa demmiyogaa xeelliyagan Mayraamippe ay tamaarana danddayiyoo?

Mayraama Masiya aayyiyo gidanaagaa erido wode, haratuppe minttettuwa demmaasu. Gabreelinne Elssaabeexa Xoossaa Qaalaappe Mayraamo minttettidosona. Nuunikka nu mala Kiristtaanetuppe minttettuwa demmana danddayoos.—w23.10, sinttaa 15.

Yihooway nu woosaa waati zaarii?

I nu woosaa siyanawu qaalaa geliisinne nu woosay ba halchchuwara waani gayttiyakko qoppees. (Erm. 29:12) I issi mala woosaa dumma dumma ogiyan zaarana danddayees, shin I nuna ubba wode maaddana.—w23.11, sinttaa 21-22.

Roome 5:2n hidootay odettikkokka, paydo 4n zaaretti odettidoy aybissee?

Issi uri mishiraachchuwa siyidi gannate saꞌan deꞌanawu hidootana danddayees. Shin metoy A gakkiyo wode, I hegaa gencciyo wodenne Xoossan sabettiyo wode hidootan mintti ammanana danddayees, qassi hegee awu qoncci beettees.—w23.12, sinttaa 12-13.