Naaquwa gencciyogaa xeelliyagan Yooseefappe tamaaranawu Doomettaabaa 37:23-28; 39:17-23 nabbaba.

Yuushuwan deꞌiya qofaa loytta akeeka. Harati Yooseefa naaqqidoy aybissee? (Doo. 37:3-11; 39:1, 6-10) Yooseefi naaquwa ay keena wodiyawu genccana koshshidee? (Doo. 37:2; 41:46) He wode, Yihooway Yooseefawu oottidobaynne oottibeennabay aybee?—Doo. 39:2, 21; w23.01 17 ¶13.

Loytta pilgga. Phoxiifaara machchiya Yooseefa xeelliyagan yootidobay worddo gidikkonne, A worddotido gishshawu Yooseefi O mootiis giidi Geeshsha Maxaafay yootenna. Yooseefi aynne haasayennan aggidoy woy ubbabay odettana koshshiyabadan nuuni naagana bessennay aybissakko loytti qoppanaadan kaallidi deꞌiya xiqiseti nuna waati maaddana danddayiyonaa? (Lee. 20:2; Yoh. 21:25; Oos. 21:37) Yooseefi naaquwa genccanaadan maaddida eeshshati awugeetee?—Mik. 7:7; Luq. 14:11; Yaaq. 1:2, 3.

Tamaariyobaa. Nena hagaadan oychcha:

• ‘Taani Yesuusa kaalliyagaa gidiyo gishshawu tana gakkana danddayees gaada qoppiyo paacee aybee?’ (Luq. 21:12, 16, 17; Ibr. 10:33, 34)

• ‘Taani ha wodiyan naaquwa genccanawu maaddiyabaa ay oottana danddayiyanaa?’ (Maz. 62:7, 8; 105:17-19; w19.07 2-7)