Neeni xannaˈidobaa hassayanawu metoota eray? Issi issitoo nuuni ubbaykka hassayanawu metooti eroos. Neeni hassayanawu waatana danddayay? Tamaarido waannabata wotta dentta qoppa.

Xannaˈiyo wode, tamaaridobaa takki gaada qoppa. Kiitettida Phawuloosi ishanttinne michchontti A dabddaabbiya xannaˈiyo wode yaatanaadan minttettiis. I, “haasayiyo gitabai hagaa” yaagiis. (Ibr. 8:1) Yaatiyogan, I gaanawu koyidobay aybakko, qassi I yootido ubbabay issoy issuwara waani gayttiyakko eti akeekanaadan maaddiis.

Neeni xannaˈiyo wode, tamaarido waannabata wotta dentta qoppanawu tammu daqiiqaa bazzana danddayaasa. Neeni tamaaridobaa loytta hassayana xayikko, ne hassayanaadan maaddana mala sima huuphe yohota zaaretta xeella woy ubba menttotu koyro qofaa qashuwa nabbaba. Neeni oorattabaa akeekikko, hegaa qoncciyo ogiya meezeta. Tamaarido waannabata wotta dentta qoppikko hegaa hassayanawu metootakka. Qassi hegaa ne deˈuwan waata oosuwan peeshshana danddayiyakkokka loytta akeekaasa.