Ha laytti kiyida Wochiyo Keelaa loytta nabbabadii? Yaatikko, neeni kaallidi deˈiya oyshata zaarana danddayiyaakkonne beˈa:

Tiyettida Kiristtaaneta nuuni waati xeellana koshshii?

Nuuni eta ammanuwaa nashshikkonne, likkiyaappe aattidi eta xeellana koshshenna. Nuuni eta bessiyaagaappe aaruwan ‘sabbennaadan’ naagettana bessees. (Yih. 16) Eta hidootaa xeelliyaagan oychchana bessennabaa eta oychchokko.—w20.01, sinttaa 29.

Yihooway nena wudidi xeelliyoogaa neeni ammananaadan oottiyaabay aybee?

Neeni yelettanaappe kasekka Yihooway nena eriyoogaa Geeshsha Maxaafay yootees. Qassi I ne woosaa siyees. I ne qofaanne ne wozanan deˈiyaabaa erees; qassi neeni oottiyoobay A ufayssees woy azzanttees. (1 Odi. 28:9; Lee. 27:11) I nena baakko ehees.—w20.02, sinttaa 12.

Haasayana koshshiyo wodeenne haasayana koshshenna wodee awudee?

Nuuni Yihoowabaa ufayssan haasayoos. Issi uri bala ogiyan biiddi deˈiyoogaa akeekikko haasayoos. Zoree koshshikko, cimati haasayoosona. Nu oosoy muleera digettido biittatun nu oosuwaa xeelliyaagan ubbabaa haasayokko (woy yootokko). Nuuni xuura gidida allaalliyaa yootana koshshenna.—w20.03, sinttaa 20-21.

Yuuˈeela shemppo 2n odettida booleti Ajjuutaa shemppo 9n odettida booletuppe aybin dummatiyoonaa?

Yuu7eela 2:20-29y Xoossay booleta yedettidi haassanawunne eti gattido qohuwawu acuwaa qanxxanawu qaalaa gelidoogaa yootees. Hegaappe guyyiyan, Xoossay ba ayyaanaa gussiis. Baabilooneti Israaˈeelata woraajji simmin hegee polettiis. Qassi Ajjuutaa 9:1-11 ha wodiyan Xoossaa pirddaa ha iita alamiyan awaajjiya boole mala gidida tiyettidaageeta bessees; qassi hegee ha alamiyaassi exatiyaageeta keehi qohees.—w20.04, sinttaa 3-6.

Ha wodiyan huuphessa kawoy oonee?

Raashiyaanne aara hashetiya kawotettata. Eti sabbakiyo oosuwaa muleera teqqiyoogaaninne Yihoowa Markkata ixxiyoogaa bessiyoogan Xoossaa asaa qohidosona. Huuphessa kawoy tohossa kawuwaara eqettees.—w20.05, sinttaa 13.

‘Geeshsha ayyaanaa ayfiyaa’ macarati Galaatiyaa 5:22, 23n odettida uddufun eeshshatu xallee?

Akkay. Geeshshaa ayyaanay xillotettaa mala hara loˈˈo eeshshata bessanaadan nuna maaddees. (Efi. 5:8, 9)—w20.06, sinttaa 17.

Neeni nebaa xeelliyaagan Intternneetiyan issi issibaa wottiyoogaa qohoy aybee?

Neeni Intternneetiyan wottiyoobay neeni ne huuphiyaa ziqqi oottiyaagaa gidennan, otorettiyaagaa gidiyoogaa bessana danddayees.—w20.07, sinttaa 6-7.

Kiristtaaneti moliyaa oyqqiyoogan gooba gididaageetuppe ay tamaarana danddayiyoonaa?

Eti moliyaa demmana danddayiyo wodiyaaninne sohuwan oottoosona. Eti bessiya miishshata goˈettanawu loohidosona. Qassi caarkkuwaa hanotay laamettiyo wodekka xalatettan oottoosona. Nuunikka haggaazuwan hegaadan oottana danddayoos.—w20.09, sinttaa 5.

Nu xinaateti kaseegaappe aaruwan Yihoowa siiqanaadan maaddana danddayiyo amarida ogeti aybee?

Eti Geeshsha Maxaafaa galla galla nabbabanaadaaninne nabbabidobaa wotti dentti qoppanaadan minttettana danddayoos. Qassi eti woossanaadan tamaarissana danddayoos.—w20.11, sinttaa 4.

“Kiristtoosaara dabbotido gishshau, ubbai de7uwaassi denddana” geetettidaageeti oonee?—1 Qor. 15:22.

Kiitettida PHawuloosi ubba asay denddanaagaa yootiiddi deˈenna. I ‘Yesuus Kiristtoosan geeyida’ ayyaanan tiyettida Kiristtaanetubaa yootees. (1 Qor. 1:2; 15:18)—w20.12, sinttaa 5-6.

Tiyettidaageeti ‘wurssettaa malkkatay punettiyo wode liphida ayfee xeellanaashin laametti’ simmidi ay oottanee?—1 Qor. 15:51-53.

Eti Kiristtoosaara birata dullan asaa haarana. (Ajj. 2:26, 27)—w20.12, sinttaa 12-13.