Leemisuwawu, iyyo deˈiya ubbabaa gotee xayssido, Amarkkan deˈiya Saala * hagaadan gaasu: “Unˈˈissiyaabaa genccanawu danddayennabadan taayyo siyettiis.”

Nu siiqiyoogeeti hayqqiyaaba gidikko shin? Awusttiraaliyan deˈiya Jaanisa hagaadan gaasu: “Ta naaˈˈu naati hayqqido wode, ta deˈoy kinchchettida oto mala gididaagaa tawu danddayettida keenaa zaarettada koolaas. Taani, ‘Hayyanaa, hagaappe aaruwaa genccana danddayikke! Taani hayqqana koyays. Deˈanawu koyikke’ yaagada Xoossaa woossaas.”

Qassi Daaneeli A machchiyaa ammanettabeenna wode keehi qohettiis. I hagaadan giis: “Ta machchiyaa ammanettabeennaagaa tawu paaxido wode ta wozanaa mashshay caddidobadan tawu siyettiis. Hegee tana zaari zaari asatettan qohiisinne daro aginawu hegaadan oottiis.”

Ha Wochiyo Keelay kaallidi deˈiya metoy gakkiyaaba gidikkokka deˈuwan deˈiyoogee goˈˈiyoogaa qonccissees

• Daafabay gakkiyo wode

• Siiqiyo uri hayqqiyo wode

• Aqo laggee haraa siiqiyo wode

• Wolqqaama harggiyaa harggiyo wode

• Deˈoy genccanawu metiyo wode

Koyruwan, daafabay gakkiyo wode waani genccana danddayiyoo?