Ha ufayssiya qofay hagaadan gees: “Issi kawotettai ba biittan de7iya hiyyeesata naaqqishiininne pirddaa geellayishin neeni be7ikko, darin maalaalettoppa. Issi issi halaqau appe bollaara sunttettidi, a xeelliya hara halaqai de7ees. Qassi eta naa77aappekka bollaara sunttettidi, eta xeelliya hara halaqatikka de7oosona.”—Era. 5:8.

Ha xiqisee asaa xeelan kawotettan sunttettida asata loytti qonccissees. SHin nuuni hegaabaa loytti qoppikko, nuna minttettiya Yihoowabaa yootiya tumaarakka maayettees.

Eranchchaa 5:8y hiyyeesata naaqqiyaanne pirddaa geellayiya kawotettata bessees. Haariya issi uri appe aadhdhiyaanne I oottiyoobaa xomoosiya haray woy appe kawotettaa maatan aadhdhiya uri deˈana danddayiyoogaa hassayana bessees. Qassi, maatan ubbaappekka aadhdhiyaagee haray deˈees. Asaa kawotettan haariya ubbati naaqqiyaageeta gidana danddayoosona; qassi he naaqo ubbaa gaasuwan asay tuggatiyoogee azzanttiyaaba.

SHin, ubbabay hidooti baynnaba milatiyo wodekka, asaa haaruwaa xeelliya ubbaappe aadhdhiya Yihooway deˈiyoogaa nuuni eriyoogee minttettees. Xoossay maaddanaadan woossananne nu toohuwaa A bolli wottana danddayoos. (Maz. 55:22; Pili. 4:6, 7) “Ba kumetta wozanaappe GODAN ammanettiya asa minttettanau GODAA aifee sa7aa bollan ubbasaa [xeelliyoogaa]” nuuni eroos.—2 Odi. 16:9.

Hegaa gishshawu, Eranchchaa 5:8y nuuni deˈiyoy ha alamiyan gidiyoogaanne ha alamiyan awudenne maatan issoy haraappe aadhdhiyoogaa nuna hassayissees. Ubbaappe aaruwan, ha xiqisee Yihooway ubbaappe aadhdhiyoogaa, ee, Ubbaappe Xoqqiya Xoossaa gidiyoogaa nuna hassayissees. Kawotettawu Kawo gidida ba Naˈaa Yesuus Kiristtoosa baggaara I haˈˈi haariiddi deˈees. Ubbaa Danddayiya Xoossay, ubbabaa beˈees, suure pirddees, qassi A Naˈaykka hegaadan oottees.