Wochiyo Keelaa 2019 maxeetetuppe ekettida kaallidi deˈiya oyshata zaarana danddayay?

Xoossay gelido qaalaa birshshettay aybee? “Nena qohanau oottido ai miishshinne nena qohidi kantti kiyenna.” (Isi. 54:17)

‘Meqetti baynna asaa hanqquwaa’ mala bashshaappe Xoossay nuna naaganaagaa ammanettana danddayoos. (Isi. 25:4, 5) Nu morkketi nuna merinawu qohana danddayokkona.—w19.01, sinttaa 6-7.

Xoossay Kanaanetanne azazettibeenna Israaˈeelata oyqqido ogee A suure pirddaa waati bessii?

SHeneyiya ogiyan mattumaa gayttiyaageeta woy maccaasatanne naata qohiyaageeta Xoossay pirddiis. Ayyo azazettiyaanne harata suure oyqqiyaageeta I anjjiis.— w19.02, sinttaa 22-23.

Ammanenna uri woossiyo wode nuuni he sohuwan deˈikko, waatana bessii?

Nuuni bonchchuwan coˈˈu gaana danddayoos; shin “aminˈˈi” gookko woy woosaa wode haratuura kushiyaa ohettokko. Nuuni wozanan woossana danddayoos.— w19.03, sinttaa 31.

Mattumaara gayttidaagan naˈa qohiyoogee ay keena wolqqaamabee?

Mattumaara gayttidaagan naˈa qohiyoogee, gubaaˈiyaa, kawotettaa sunttatanne Xoossaa naaqqiyooba gidiyo gishshawu nagara. Mattumaara gayttidaagan naata qohida ura mootuwaa odanaadan kawuwaa higgiyan koyettiyaaba gidikko, cimati higgiyaara maayettiyaabaa oottana bessees.— w19.05, sinttaa. 9-10.

Ne wozanaanne ne qofaa waata laammana danddayay?

Koshshiya waannabati hageeta: Woosan Yihoowaara haasayiyoogaa. Nebaa xeelliyaagan wotta dentta qoppiyoogaa. Ne laggeta akeekan dooriyoogaa.— w19.06, sinttaa 11.

Nuuni yedetawu giigettanawu haˈˈi ay oottana danddayiyoo?

Nuuni Yihoowaara dabbotido dabbotaa minttana koshshees. I nuna siiqiyoogaanne I nuna mule aggennaagaa ammanettoos. Galla galla Geeshsha Maxaafaa nabbaboos, qassi ubbatoo woossoos. Xoossaa Kawotettay anjjuwaa ehaanaagaa ammanettoos. Nuuni dosiyo xiqiseta hassayoos; qassi sabba mazamureta yexxoos.— w19.07, sinttaa 2-4.

Nu dabboti attanaadan maaddanawu ay oottana danddayiyoo?

Qarettiyoogee, nu oosoy markkattanaadan oottiyoogee, danddayanchchanne akeekanchcha gidiyoogee keehi koshshiyaaba.— w19.08, sinttaa 15-17.

Yesuusi Maatiyoosa 11:28n yootidoogaadan, nuuni waani shemppuwa demmiyoo?

Nuna siiqiya cimatinne loˈˈo laggeti nuussi deˈoosona; qassi nuussi loˈˈo oosoy deˈees.— w19.09, sinttaa 20-23.

Xoossay nuuni issibaa oottanawu koyanaadan waati oottii, qassi oottiyo wolqqaa nuussi waati immana danddayii? (Pili. 2:13)

Nuuni Xoossaa Qaalaa nabbabiyo wodenne hegaa wotti dentti qoppiyo wode, A halchchuwaa polanaadan oottiyoogaaninne nuuyyo wolqqaa immiyoogan, Xoossay nuuyyo minotettaa immana danddayees. A geeshshaa ayyaanay nuussi deˈiya eray gujettanaadan oottana danddayees.— w19.10, sinttaa 21.

Issi gitabaa kuuyanaappe kase nuuni akeekan ay oottana koshshii?

Nuuni oottana danddayiyo ichchashubati hageeta: Loyttidi pilggiyoogaa. Aadhdhida eratettaa demmanawu woossiyoogaa. Nu kuuyidobaa gaasuwaa qoppiyoogaa. Dummayidi halchchiyoogaa. Hanana danddayiyaabaa qoppiyoogaa.— w19.11, sinttaa 27-29.

Seexaanay Hewaaniyyo shemppoy hayqqenna giyo qofaa yootidee?

CHii yootibeenna. Seexaanay Hewaana hayqqiyaaba milatanaagaa gidennan, A hayqqennaagaa yootiis. Worddo haymaanoote timirtte ubbay Bashshaa Haattaa wode xayiis. Xoossay Baabiloone gimbbiyaa keexxiya asaa laalanaappe kase shemppoy hayqqenna giyo ammanoy doommennan aggenna.— w19.12, sinttaa 15.