Bala Timirttiyaa 4: Xoossay Sillaase

Ha bala timirttiyau denddoy aybee? “Sillaasiyaa ammanoy 4tta xeetu laytta wurssettan merettida waannatiya timirtte giidi issi uri qoppana danddayees. Amarida ogiyan hegee tuma. . . . ‘Issi Xoossan deˈiya heezzu Bollata’ giya qofau mino naqaashi deˈenna; he qofay 4tta xeetu laytta wurssettaappe kase, Kiristtaanetu deˈuwaaranne ammanuwaara muleera walahettibeenna.”—Niwu Kaatolik Inssaykilopidiya (1967), Vooliyum 14, sinttaa 299.

“Uddufune 20, 325 [M.Ln] Niiqiyaa yaaˈaa asay shiiqiis. Qosxxenxxinoosi yaaˈaa kaalettiis; qassi i ba huuphe . . . Kiristtoosanne Xoossaa giddon deˈiya gaytotettaa qonccissiya, ‘Aawaara issi bolla’ yaagiya, he yaaˈan giigida waanna wogaa kessanaadan qofaa immiis. . . . PHaaphaasetuppe daroti maayibeennaba gidikkonne, naaˈˈatu xallay attin ubbay kawuwau yayyidi, he wogaa paramidi ekkidosona.”—Inssaykilopidiya Biritanika (1970), Vooliyum 6, sinttaa 386.

Geeshsha Maxaafay woygii? “Isxxifaanoosi banan Geeshsha Ayyaanai kumin, saluwaa pude tishshi ootti xeellidi, Xoossaa bonchchuwaanne Yesuusi Xoossaappe ushachcha baggan eqqidaagaa be7iis. Be7idi, ‘Xeellite, taani saloi dooyettin, Asa Na7ai Xoossaappe ushachcha baggan eqqidaagaa be7ais’ yaagiis.”—Oosuwaa 7:55, 56.

He ajjuutay ay qonccissidee? Isxxifaanoosi Xoossaa wolqqan kumidi, Yesuusi “Xoossaappe ushachcha baggan eqqidaagaa” beˈiis. Hegaa gishshau, Yesuusi hayquwaappe denddidi saluwaa biido wode, Xoossaa gidibeenna; shin i bana danddayida ayyaana mereta. Ha taarikiyan hara heezzantto uri Xoossaa matan deˈiyoogee odettibeenna. Doominika qeesee Maare Amel Buwamari, Sillaasiyaa ammanuwaa kaafiya xiqisiyaa demmanau baaxetiis; gidikkokka, À l’aube du christianisme—La naissance des dogmes (Kiristtaane Ammanuwaa Doomettan—Bala Ammanoy Doommiis) giya ba maxaafan: “Issi Xoossan heezzu bollay deˈees giyaabi . . . Ooratta Maachan awaaninne deˈenna” yaagidi xaafiis.

Qosxxenxxinoosi 4tta xeetu layttan Woosa Keettan merettida shaahotettaa giigissanau he ammanuwaa minttettiis. SHin hegee: Mayraama, Yesuusa yelidaara, “Xoossaa Aayiyyee”? giya, hara oyshaa denttiis.

Kaallidi deˈiya Geeshsha Maxaafaa xiqiseta beˈa: Maatiyoosa 26:39; Yohaannisa 14:28; 1 Qoronttoosa 15:27, 28; Qolasiyaasa 1:15, 16

TUMAA:

Sillaasiyaa ammanoy oyddantta xeetu laytta wurssettaa heeran doommettidaba

[Sinttaa 7n deˈiya Misilee Ekettidosaa]

Museo Bardini, Florence