Issi Bala Timirttee Haraa Kaalettees

KIITETTIDA PHauloosi koyro xeetu laytta M.L. baggaappe simmin deˈida Kiristtaaneta “naagettite” yaagidi akeekissiis. Aybissi? “Asappe yiida eratettan, qassi mela cimuwan [eta] ooninne omooddenna mala.”—Qolasiyaasa 2:8.

PHauloosi hegaadan akeekissidaba gidikkonne, naaˈˈantto xeetu laytta M.L. baggaappe doommidi, issi issi Kiristtaaneti bantta ammanuwaa qonccissanau beni wode deˈida palasppatu qofaa goˈettidosona. Aybissi? Rooma haaruwan deˈiya, erancha asan nashettanaunne daro asaa Kiristtaane oottanau koyido gishshataassa.

He Kiristtaanetuppe keehi erettiya, Jesttin Martteri, Xoossaa kalˈˈatidi haasayiyaagee Yesuusa gididi saˈaa yaanaappe daro wodiyaa kasetidi Giriike palasppatuyyo qoncciis giidi ammanees. Jesttinanne aagaa mala timirttiyaa tamaarissiya haratu qofaadan, palasppatu qofaynne bala timirttee Kiristtaane ammanuwaara walahettidoogee, he haymaanootiyaa asa ubbay ufayttidi ekkanaadan oottiis.

Jesttin Martteri tamaarissido Kiristtaane ammanuwaa daro asay kaalliis. Gidikkokka, issi bala timirttiyaa ammaniyoogee hara bala timirtteta kaalettiis; hegee ha wodiyan Kiristtaane geetettiya daro haymaanootetu timirtte gidiis. He timirtteti bala gidiyoogaa akeekanau, kaalli deˈiya naqaashati giyoobaa Geeshsha Maxaafay tamaarissiyoobaara gatta xeella.

[Sinttaa 3n deˈiya Misilee Ekettidosaa]

Dabloosa: Barrators—Giampolo/The Doré Illustrations For Dante’s Divine Comedy/Dover Publications Inc.; kiitanchata: Art Resource, NY; sillaasiyaa misiliyaa: Museo Bardini, Florence