Dumma Dere Haasayaa Tumu Sarotettaanne Woppaa—Awude?

Daro shaˈu layttau asay sarotettaanne woppaa demmanau baaxetiis. SHin asaa naati tumu sarotettaa demmibookkona. Aybissi? Sarotettaa demmana danddayibeenna naaˈˈu waanna gaasota Geeshsha Maxaafay yootees. Qassi: Xoossay alame yuushuwan asaa naatuyyo merinau tumu sarotettaanne woppaa ehaanau qaalaa gelido keehi ufayssiyaabaakka yootees.

Ha sarotettaanne woppaa ayba ogiyan, qassi awude demmanee? He anjjettida wodiyan deˈanau ay oottana koshshii? “Tumu Sarotettaanne Woppaa—Awude?” yaagiya dere haasayay ha oyshatuyyo zaaruwaa immees. Geeshsha Maxaafan baasettida ha haasayay, alame yuushuwan 230⁠ppe dariya biittan shiiqees. Darosan, Yihoowa Markkatu Kawotettaa Addaraashan Woggaa Gallassi, Hosppune 18, 2010n (Hosppune 10, 2002) he haasayay shiiqees. He shiiquwaa saatiyaanne sohuwaa intte heeran deˈiya Yihoowa Markkati intteyyo yootana. He shiiquwau bonchuwan shoobettideta.