Hidootay Deˈanaadan Oottiya Metuwaa
Hidootay Deˈanaadan Oottiya Metuwaa
“Wurssetta gallassi waissiya wodee yaanaagaa akeeka.”—2 XIM. 3:1.
KAALLIDI deˈiya azzanttiya hanotati polettiyoogaa siya woykko beˈa eray?
● Daro asaa wurssiya iita harggiyaa.
● Xeetan qoodettiya asaa wurssiya koshshaa.
● SHaˈan qoodettiyaageeti hayqqanaadaaninne darotu keettay laalettanaadan oottiya biittaa qaattaa.
Kaalliya sinttatun, neeni hegaa mala hanotata loytti qonccissiyaabata beˈana. Hegaa mala hanotati ‘wurssetta gallassan’ polettanaagaa Geeshsha Maxaafay kasetidi yootidoogaakka akeekana. *
SHin ha huuphe yohotu halchoy asay metiya alamiyan deˈiyoogaa neessi yootanaassa gidenna. Ha metota neeni kasekka akeekennan aggakka. SHin ha huuphe yohoti giigidoy neeyyo hidootay deˈanaadan maaddanaassa. Ha usuppun hiraagati polettiyoogee ‘wurssetta gallassay’ mata wode kuuyettanaagaa ha huuphe yohoti qonccissoosona. Ha huuphe yohoti he naqaashaa phalqqanau asay darotoo denttiyo qofaakka yootoosona; qassi mata wode loˈˈobay yaanaagaa ammananaadan oottiya naqaashaa yootoosona.
[Tohossa qofaa]
^ MENT. 7 Xoossay ha iita hanotata aybissi paqqadidaakko akeekanau, ha maxeetiyan sinttaa 20nne 21n deˈiya, “Xoossay Iitabaanne Tuggaa Aybissi Paqqadidee?” yaagiya huuphe yohuwaa xeella.
