TUMINHAPKARY 02

Tuminkery Karichian taa waꞌat kaimenaꞌu kywai dinheiꞌitiꞌu daꞌy

PLAY

Dirib pidiannau baitinhan ipei amazada ii aka. Yryy id irib pidiannau maxaapan kaxaꞌur panhikynyy ii, inbaiap kaziweꞌu. Panadun pybaiapan naꞌapaꞌu, pi iriben maukan id uu pykarinhan id. Panadun pidiꞌitinpen: Naꞌapainim nii amazada kaimenan? Mazan pynaydipan nii pytuminpen naꞌapam Tuminkery karichian kuwadan.

1. Xaꞌapauran kaimen kidiaꞌu aimeakan Tuminkery Karichian kuwad waꞌat?

Tuminkery Karichian kuwad kandii nii dikeyd kidiaꞌu xaꞌapan aizii. Mazan ykuwad kapam kaimenaꞌu kywai daꞌy, ipei dikeyd kidiaꞌu maunapataꞌanaa ymainhabatkau. Wyryy kaimen kidiaꞌu kywai tyryy ytaan pyꞌat kunaykikery aizii naꞌik pimixidkinha nii kaimen kidiaꞌu xaꞌapan nii dinheꞌitiꞌi. (Piaichi Jeremiah [Jeremias] 29:11, 12.) Dikeyd kidiaꞌu aimeakan xaꞌapan dun wa tym tyryy Tuminkery Karichian kaminkeꞌytan waynau wa aichiap kiz naꞌapam waxaꞌapatinhan. Ykaminkeꞌyt wamaxaap kiz kaimen kai naꞌik dinheꞌitiꞌi.

2. Naꞌapam Tuminkery Karichian kuwadan dinheꞌitiꞌu daꞌy?

Tuminkery karichian kian baydap kamuu “aunaꞌu niꞌi naa pauwaꞌa pidian maukan, uu kaxaꞌuran, uu zaadayzun uu baiapan kaziweꞌu”. (Piaichi Revelation [Apocalipse] 21:4.) Aizii watykap dirib dikeyd kidiaꞌu aimeakan xaꞌapan, kainhaꞌa dirib rinhei kid, baitinkery naꞌik zamazkery, mazan ipeꞌu nii inmainhabatkau. Tuminkery Karichian kuwad wamaxaapan nii karikeunan kunaynymaꞌu amazada baara.

3. Naꞌapam tyryy pimixidian Tuminkery Karichian kuwadan dinheꞌitiꞌi daꞌy?

Dirib pidiannau aipen diuraz amazada saabainhan, mazan aunaa in aichipan mixiꞌu nii ysaabainhan uu aunaa. ‘Pyawynyytan an kaimenaimen saadakariweiz kid Tuminkery Karichian idiaꞌa’, pimixidian nii kaimen kidiaꞌu xaꞌapan nii dinheꞌitiꞌi. (Acts [Atos] 17:11) Pytuminpen idiaꞌan Tuminkery Karichian, ykaminkeꞌytan nii piwidiyan tyryy uu aunaa pimixidian kanum Tuminkery Karichian kuwadnii dinheꞌitiꞌi daꞌy.

PYTUMINHAP PAUWAꞌA ZII

Pytykap kaimenaꞌu aimeakan kid Tuminkery Karichian kuwad xaꞌapaꞌu nii dinheꞌitiꞌi. Pytykap kapam naꞌapam pidiannau kaminkeꞌytkau Tuminkery Karichian idiaꞌan.

4. Tuminkery Karichian kuwad tyryy wamaxaapan kaimen naꞌik karikeunan

Aizii wa nii pabinaꞌakau kaimenaꞌu kywai Tuminkery diꞌikiꞌu. Naꞌiauran pynaydapnii? Kanum nii pynaydapan?

Yaichi wyryy saadinpeꞌu Tuminkery Karichian diꞌikiꞌu. Ydaynaꞌan tyryy ykadakuipen yꞌatiaꞌaka:

Tyryy man diuraz kywai kid Tuminkery Karichian diꞌikiꞌu kunaikikidian pidiannau nhikynyy? Diuraz kywai tyryy ykaminkeꞌytan pi iribennau uu piminhaydaꞌy?

Pidiꞌitinhap pymaxaapan amazada baara

AUNAꞌU NII KANUM . . .	NAꞌII IPEꞌU NII PIDIANNAU . . .
kaziween uu baitinhan pamaskunawyn id uu patynarynawyn id uu mauwakary id.— Isaiah (Isaías) 25:8.	tykapan pamarainhapniinhau maukanhawyz naa inkadixitkidkeu nii pauwaꞌa it inmaxaap kiz imiꞌibaaraꞌa.— John (João) 5:28, 29.
karinhan uu achuꞌu nii.— Isaiah (Isaías) 33:24; 35:5, 6.	maxaapan nii ziu naꞌik maꞌuzaka.— Job (Jó) 33:25.
baitinhan bauran pidian xaꞌapatan id dikeydaꞌu paꞌat.— Isaiah (Isaías) 32:16, 17.	wanhikynyy dirib, kunaynam kidiaꞌu nii indap naꞌik kaimenaꞌu nii inkaidinkiz kid.— Psalm (Salmo) 72:16; Isaiah (Isaías) 65:21, 22.
baitinhan mizatakary id.— Psalm (Salmo) 46:9.	maxaapan kunaykii.— Psalm (Salmo) 37:11.
kaxaꞌurtinhan panhikynyy ii panhikynyichipan id dikeyd kidiaꞌu dubtaꞌuraꞌanaa paꞌtym.— Isaiah (Isaías) 65:17.	maxaapan kaimen naꞌik karikeunan.— Psalm (Salmo) 37:29.

5. Kaimenaꞌu kywai Tuminkery Karichian diꞌikiꞌu tyryy ykaminkeꞌytan pygary pymaxaap kiz kaimen

Dirib pidiannau tyykii inkaxaꞌurtinhan, baurainhau intuꞌuran in awynytpan id dirib dikeyd kidiaꞌu xaꞌapan ipei amazada ii aka. Pabiꞌikid pidiannau tiween pasaaban amazada kaimen kinhaꞌa nii. Pytykap naꞌapam kaimenaꞌu kywai Tuminkery Karichian diꞌikiꞌu kaminkeꞌytniꞌi naa pidiannau. Yawynytap VÍDEO. Ydaynaꞌan ykadakuinhap wyryy aimeakanau daꞌy:

VÍDEO: Tyykiaꞌu un aipeyzun dikeyd kidiaꞌu mainhabatkau (4:07)

Vıdeo idiaꞌa, xaꞌapauran dikeydaꞌu aimeakan kaxaꞌurdaꞌu Rafika nhikynyy?
Dikeyd kidiaꞌu uawynytapnii aunaa ymainhabatinhan. Mazan naꞌapam Tuminkery Karichian kaminkeꞌytan Rafika?

Kaimenaꞌu kywai Tuminkery Karichian diꞌikiꞌu tyryy ymaꞌuzakadan waynau aunaa kiz wakaxaꞌurtinhan wanhikynyy ii naꞌik ykaminkeꞌyt wa aichiap kinha nii naꞌapam nii waxaꞌapatinhan dikeyd kidiaꞌu xaꞌapan dun waꞌtym. Yaichi Proverbs (Provérbios) 17:22 naꞌik Romans (Romanos) 12:12. Ydaynaꞌan ykadakuinhap wyryy aimeakanau daꞌy:

Tyryy man kaimenaꞌu kywai Tuminkery Karichian diꞌikiꞌu kaminkeꞌytan pymaxaapan kaimen? Kandii nii pi itimen naꞌap?

PABIꞌIKID PIDIANNAU KIAN: “Kaimenaꞌu kywai Tuminkery Karichian diꞌikiꞌu kaimenaꞌu manawyn unꞌat, mazan aunaꞌu nii ixaꞌapan.”

Kandii nii kaimenaꞌu pyꞌat piaichipan sakichipaꞌu man uu aunaa naꞌapam pidiannau kian?

WATUMINHAPNII

Tuminkery Karichian kuwad dirib kaimen kidiaꞌu xaꞌapaꞌu nii dinheꞌitiꞌi. Wa aichipan id kunaꞌykiaꞌu nii wamaxaapan dinheꞌitiꞌi ymaꞌuzakad wanhikynyy wadubtan dun kaxaꞌapanaa kidiaꞌu aimeakan.

Watykap kuxan

Kandii nii pidiannau aipen kaimenaꞌu kywai?
Kanum Tuminkery Karichian kian dinheꞌitiꞌu daꞌy?
Naꞌapam kaimenaꞌu kywai Tuminkery Karichian diꞌikiꞌu tyryy ykaminkeꞌytan pymaxaapan kaimen?

Un ipeian:

Pitiween paꞌi

Piaichi kuxan saadinpeꞌu Tuminkery Karichian diꞌikiꞌu diuraz tuminhapkary idiaꞌa pi aichiap kinha nii kaimenaimen.

Bauran aimeakan:

Bauran aimeakan pyxaꞌaptaꞌazun

PIAICHIPAꞌAZUN PAUWAꞌA ZII?

Piaichiap kinha nii pauwaꞌa zii naꞌapam kaimenaꞌu kywai mauzakad pygary.

“Kaimenaꞌu kywai dinheꞌitiꞌu daꞌy— Naꞌiam tyryy pi ikudan?” (Wapukud!, 22 de abril de 2004)

Pytykap naꞌapam kaimenaꞌu kywai dinheꞌitiꞌu daꞌy tyryy ykaminkeꞌytan kapam karinhapainhau aizii.

“Tyryy Tuminkery Karichian kaminkeꞌytan naꞌapam pymaxaapan pyrinhaa tym?” (Saadinpeꞌu jw.org diꞌii)

Pyawynytpan dun kynyi vídeo idiaꞌa, pidiꞌitinhap pygary naꞌik pydaiaru uu pydaiary naꞌik pydainhau maxaapan kunaykii kunaynymaꞌu amazada idiaꞌa naꞌap Tuminkery Karichian kuwadan kawan.

Undiꞌitinpen baydap kamuu (3:37)