1.  Kandii wyryy Ydaryꞌuraz Babilônia?

2.  Naꞌapainim nii Messias aidinhan?

3.  Izai kaiweakau daꞌy pidian diꞌit

4.  Pidiannau myydaakan daꞌy

5.  Feriados naꞌik kunaykitinkery kamuun

6.  Pabiꞌinaak kidiaꞌu zamainbeꞌu rinhei kid daꞌyaꞌu

7.  Pidian turinhan naꞌik justiça kadyz daꞌyaꞌu

 1. Kandii wyryy Ydaryꞌuraz Babilônia?

Naꞌap dii wa aichipan wyryy ‘Ydaryꞌuraz Babilônia’, ukainhaabtan panaꞌiti kidiaꞌu chuuchinhau? (Revelation [Apocalipse] 17:5) Pidiꞌitinhap:

• Utanawatpan pidiannau nhikynyy ipei amazada kawan at. Tuminkery Paradan kian wyryy Ydaryꞌuraz Babilônia, sakantpan ‘pidiannau paawaꞌa maxaapaꞌuraz ipei amazada kawan at’. Naꞌikim ‘ydaryꞌuraz dunui kazuwaytap ipei kingnhau imiꞌi baaraꞌa’. — Revelation (Apocalipse) 17:15, 18.

• Aunaa ukainhaabtan política, naꞌik aunaa ukainhaabtan pidiannau sellipeyznhau paxaꞌapayz kid kapam. Wa aichipan naꞌap, yxaꞌapanym kayꞌan, ‘kingnhau imiꞌi baraꞌanainhau’ naꞌik ‘pidiannau sellipeyznhau paxaꞌapayz kid’ intykpan nii umainhaabatkau dun. — Revelation (Apocalipse) 18:9, 15.

• Utanawatpan pidiannau Tuminkery ai. Udakutkau zynaba sellipeyz pananaa, yxaꞌapanym kayꞌan ukaydin baukup kazuwaytipainhau tym pyraata dikin ii naꞌik uikud kinha nii bauran aimeakan kid. (Revelation [Apocalipse] 17:1, 2) Umaridhipan pidiannau ipei amazada kawan at. Naꞌikim uruu dikin iꞌau dirib pidiannau zuikeu. — Revelation (Apocalipse) 18:23, 24.

Tuminhapkary 13, ponto 6

 2. Naꞌapainim nii Messias aidinhan?

Kywai 69 semanas daꞌyaꞌu kaminkeꞌyt wa aichipan naꞌapainim nii Messias aidinhan. — Piaichi Daniel 9:25.

• Naꞌapainim 69 semanas sakadinhan? Wyn  455 Kristu iaꞌii. Yryy wyn, kazuwaytipaꞌu Neemias kawan Jerusalém diꞌit, “ysaabaa nan” wyryy dunui. — Daniel 9:25; Nehemiah (Neemias) 2:1, 5-8

• Naꞌapaydaꞌym 69 semanas tuminikin? Pabiꞌikid kywai kid Tuminkery Karichian idiaꞌaꞌuraz, ykuwadan baydap kamuu ikudazuꞌu baydap wyn. (Numbers [Números] 14:34; Ezekiel [Ezequiel] 4:6) Ykayꞌan baydap semana ikudazuꞌu 7 wyn. Wyryy kywai Daniel karichian idiaꞌaꞌuraz, 69 semanas naꞌap 483 wyn kawan. (kaikepaꞌa 69 semanas x 7 kamuu).

• Naꞌapainiꞌuram 69 semanas ipein? Wasakadan wa aichian wyn 455 diꞌik Kristu iaꞌii, yryy naa wa aichian 483  wyn kid, ykawaan nii wyn 29 diꞌit, Kristu daynaꞌan. a Yryy wyn, Disu chikeunykau naꞌik ytanautinhan Messias nii. — Luke (Lucas) 3:1, 2, 21, 22.

Tuminhapkary 15, ponto 5

 3. Izai kaiweakau daꞌy pidian diꞌit

Kainhaꞌa aimeakan kid daktanau xaꞌapat pakakydkinha nii pidian, inkaiwee pidian izain pauwaꞌa it ydiꞌit, mazan pabiꞌinaakaꞌu daktanau kasarapan izai idiaꞌan, aunaa tyryy mixiꞌuraz mixidiainhau kaiween, diuraz kawan: intaan pa izain baurainhau at uu intaapan pa izain inkaiween nii pachuutkidinhan daynaꞌan. — Deuteronomy (Deuteronômio) 15:23.

Mazan bauran kid panadun tyryy inkaiween, tyryy insuꞌutkidian pa izain intumkinha nii exame, hemodiálise, hemodiluição, intraoperatória de células uu inkaiween dun máquina coração-pulmão. Ipei Yewah Puchurynau indiꞌitinhap kiz naꞌapam in aipen pa izain kaiweakau inchuutkidinhan an, intumpan dun exame uu terapia. Pabiꞌikid daktanau inxaꞌaptin panaꞌa kid pakasarakinha nii pidiannau. Ykayꞌan Yewah Puchury pachuutinhan iaꞌii, ytuman iaꞌii exame uu terapia, yaichiap kiz kanumaꞌu nii yxaꞌaptan pa izain tym. Pidiꞌitinhap diuraz kid daꞌyan:

• Aizii un izain dubatkidkau dun máquina idiaꞌan, mazan ydaynaꞌan un izain maxaadkidkeu ydubatpan un idiaꞌat panadun tumyniꞌik zaꞌa, wyryy un izain suꞌutkariweiz un nanaa diꞌik, pakawanyꞌu nii zii man un aipen wyryy izai pauwa it unnanaa idiaꞌat uu marinhaꞌu nii naa ‘yxuutkau imiꞌi diꞌit’? — Deuteronomy (Deuteronômio) 12:23, 24.

• Aizii daktaa kasarakinha nii man ungary, ysuꞌutan un izain, ypanadan maskaydaꞌy, ydaynaꞌan ymyydan pauwaꞌa it unnanaa idiaꞌat, kaimenaꞌu nii man un abatinpen unnhikynyy ii?

Tuminhapkary 39 ponto 3

 4. Pidiannau myydaakan daꞌy

Tuminkery Paradan kian, marii kiz mazidyainhau maxaapan baukup. Ykuwad kaimenaimen, myydaakanhawyz aunaa tyryy ymazidyan kuxan bauran pidian tym. (1 Corinthians [1 Coríntios] 7:10, 11) Mazan pabiꞌikid aimeakan xaꞌapan dikin ii, Yewah Puchurynau myydaakan.

• Daiarii aunaa ykaydinhaꞌazun pataap kinha nii paydaiaru naꞌikim paydainhau. Yxaꞌapanym kayꞌan, yryy dikin ii, ydaiaru naꞌik ydainhau inbaitinhan nii pazamazin id, aunaꞌu nii kanum in idiaꞌa. — 1 Timothy (1 Timóteo) 5:8.

• Daiarii uu daiarui zuwichipan dun pamin mazidyan: Panadun kichanaikiaꞌu wyryy aunaꞌu nii pidian maxaapan zyu uu panadun pidian maukan. — Galatians (Gálatas) 5:19-21.

• Daiarii uu daiarui mataapadkan an pamin mazidyan puichuryitinpen Yewah at. Yxaꞌapanym kayꞌan, ynaꞌapan id, aunaa naꞌitim pidian kaminhaydaꞌytinpen kaimenaimen Yewah tym. — Acts (Atos) 5:29.

Tuminhapkary 42 ponto 3

  5. Feriados naꞌik kunaykitinkery kamuun

Yewah Puchurynau aunaa intaapan feriados aunaꞌuraz Yewah naydpan. Mazan kainhaꞌa pabiꞌikid aimeakan tyryaꞌu yxaꞌapan, ipei Yewah Puchurynau diꞌitinhap kiz Tuminkery Kakinhauri kawan at, in aichiap kiz kanumaꞌu nii paxaꞌapat. Pytykap pabiꞌikid aimeakan.

• Pidian kian dun pyꞌat feliz Natal. Tyryy pydakuꞌitin “Kaimen”. Pidian aichipaꞌazun dun kandii nii aunaa pytaapan Natal uu bauran feriado, tyryy pykuwadan wyryy pidian at.

• Pydaiary uu pydaiaru aunaꞌuraz Yewah Puchury man, dapadan pygary pyaruwap kiz yiribennau tym baydap feriado dun. Aunaan an yxaꞌapan pyꞌat pymakun, tyryy pykuwadan pydaiary uu pydaiaru at, inxaꞌaptan an aimeakan panaꞌitiꞌu chuuchi xaꞌapapnii, aunaꞌu nii pyxaꞌaptan.

• Pynaubunaa taaꞌazun dun pyꞌat pyraata final do ano dun. Panaꞌitiꞌu nii man pyzamtan an wyryy pyraata? Panadun aunaa. Pynaubunaa at wyryy pyraata ytaꞌazuniaz pyꞌat ytaapan idiꞌu man wyryy feriado? Uu suu ykunaykikidiaꞌazun idiꞌu pykaydinhan?

• Pidian taan dun presente pyꞌat final do ano dun. Panadun pidian kian: “Un aichiap aunaa pytaapan wyryy kamuu, mazan untaꞌazun diura pyꞌat.” Panadun pidian aidiaꞌazun pakaimenan pyꞌat. Mazan kaimenaꞌu nii pidiꞌitinpen: ‘Wyryy pidian tiweekidipaꞌazun unmixidian uu yaipen untaapan wyryy feriado kapam?’ Pidiꞌitinpen daynaꞌan naꞌap kidiaꞌu daꞌyan, pygaryꞌu nii aichiap pyzamtan nii wyryy presente uu aunaa. Ipei naꞌapam wawidiayan waxaꞌapatinhan, kaimen wa abatinpeꞌazun wanhikynyy ii naꞌikim waizuꞌitiꞌizun Yewah. — Acts (Atos) 23:1.

Tuminhapkary 44 ponto 1

 6. Pabiꞌinaak kidiaꞌu zamainbeꞌu rinhei kid daꞌyaꞌu

Kanum kiz waxaꞌapat wazamtan dun zamainbeꞌu rinhei? Wamarainpen id pidiannau, yryy id wazaidinhap aunaa kiz wadubat kidian rinhei bauran pidiannau at, panadun aunaa wa aichipan wazamtan man wyryy rinhei uu aunaa, mazan ypyꞌy wazaydinpen aunaa kiz wadubat kidian wyryy rinhei baurainhau at. Waxaꞌapatinhan naꞌap, yxaꞌapanym kayꞌan Tuminkery Paradan karichianaa kian: “Pymarainhap ipei pidiannau naꞌap pymarainpen kawan pynanaa.” — Romans (Romanos) 13:8-10.

Naꞌapam nii waxaꞌapatinhan naꞌap? Pidian karinhaꞌu zamainbeꞌu rinhei id, aunaa kiz ypixtan, ydukubtan uu ykissian baurainhau. Panadun kainhaꞌa pidian ytaap kinha nii pairibennau zamainbeꞌu rinhei ai, aunaꞌu nii ydapadan pidian karinhapaꞌu zamainbeꞌu rinhei id ymuruwayt kiz padap it, aizii wyryy pidian aunaꞌuraz ydapadkau aunaa kiz ytuꞌuran aunaan an ydapadkau. Pidian karinhapaꞌu naꞌapaꞌu id, ychikeunyian iaꞌii, ykuwad kiz kazuwaytipainhau baukuptinkizei at, kainhaꞌaꞌu zamainbeꞌu rinhei pa idiaꞌa. Naꞌapaꞌu idiaꞌan in aichipan nii naꞌapam paxaꞌapatinhan pataap kinha nii bauran chikeunyinhazunhawyz. Mazan kanum kiz pidian xaꞌapat aunaan an yaichipan yzamtan man uu aunaa zamainbeꞌu rinhei? Kanum kiz pidian xaꞌaptan yminziutinhan dun pamazid kiz? Marii kiz ytuman exame waizain idiaꞌan. Pidian xaꞌapatinhan dun naꞌap, yaidyan pakamarainpenyn baurainhau at, naꞌap Tuminkery Paradan kian “aunaa ydiꞌitinpeꞌanaꞌa suu yaiapnii naꞌik yxaꞌapapnii kid aimeakan daꞌy karikeunan, mazan ydiꞌitinhap ykaminkeꞌytaꞌazun daꞌy yiribennau kapam.” — Philippians (Filipenses) 2:4.

Tuminhapkary 56 ponto 2

 7. Pidian turinhan naꞌik justiça kadyz daꞌyaꞌu

Waturiaꞌazun an aimeakan uu waxaꞌaptaꞌazun an empréstimo, marii kiz wasaadkidian ipei daynyydaꞌy karichi idiaꞌa naꞌapam nii waxaꞌaptan, atii wapaunarytinpen wamin mixidian tym kapam. (Jeremiah [Jeremias] 32:9-12) Mazan ypyꞌy, panadun wamin mixidiannau inkaxadakuwaꞌakan pyraata daꞌyan uu bauran aimeakan kid daꞌyan. Mazan, kaimenaꞌu nii insaabaan wyryy pakaxartinhanyz paꞌatiaaka kadimenaꞌu idiaꞌan.

Mazan naꞌapam nii waxaꞌapatinhan wamin mixidian xaꞌaptan dun dikeydaꞌu manawyn waꞌat, ymaridhian dun pygary yzamat kiz pyraata pyꞌai, uu ymaridinhan pydayꞌan? (Piaichi Matthew [Mateus] 18:15-17.) Disu kian waxaꞌapat kiz idikinhaydaꞌy aimeakan:

1. Watiwee kiz wasaabaan wyryy aimeakan suu wamin mixidian tym karikeunan. — Pytykap versículo 15 idiaꞌa.

2. Aunaan an yabataꞌazun, pydapaad baydap uu diaytam wamin mixidiannau kaimenaimenaꞌuranaa inmixidian Yewah, pynaꞌak kiz inhau py tym y diꞌit. — Pytykap versículo 16 idiaꞌa.

3. Mazan ypyꞌy aunaa yabataꞌazun, ykayꞌan pykuwad kazuwaytipainhau at baukuptinkizei. — Pytykap versículo 17 idiaꞌa.

Waprocessan dun wamin mixidian, pidiannau dakuupan nii Yewah naꞌik ypidianannau. (1 Corinthians [1 Coríntios] 6:1-8) Mazan kainhaꞌa aimeakan kid pidian saabaakidiazunii, yryy id aunaa yxaꞌapan ymakun tribunal diꞌit. Diuraz kid kawan: Pidian myydakpaꞌazun dun pamin mazidyan ai, kanum tymaꞌu nii daniinhau waꞌakinhan darii uu darui tym, pensão wanhikynyi taan naa niꞌu, indenização de seguro, falência naꞌik testamentos. Yewah Puchury makun dun tribunal diꞌit naꞌap kidiaꞌu daꞌy an, yxaꞌapatinhan dun kaimenaꞌu naꞌik maxaꞌaꞌu idiaꞌan, aunaꞌa ydikinchipan Tuminkery Kakinhauri kid.

Mazan uiaꞌu manawyn xaꞌapatkau dun, pidian mizapkau dun, kuraidiaunaa kiaapakau dun, pidian zuiyatapkau dun, pidian kuidipan dun, uu pidian zuikeu dun? Yewah Puchury kaakpan dun policia at naꞌap kidiaꞌu daꞌy, aunaa ydikinchipan man Tuminkery Kakinhauri kid.

Tuminhapkary 56 ponto 3