Pidiannau mazidyan dun, inmaxaapaꞌazun karikeunan kunaykii naꞌap inmazidyan kamuun dunuꞌu kawan. Mazan tyryy inmaxaapan naꞌap. Yewah Puchurynau kutyaꞌuraꞌanaa inmazidyan naꞌik xaꞌapatinhaꞌu Tuminkery Karichian kakinhauri kid kawan at, in aichiap tyryy mazidyainhau maxaapan karikeunan kunaykii.

1. Naꞌapam Tuminkery Paradan kakinhautan daiariinhau?

Yewah widiaynii daiarii kabayn zuwaynaa nii. (Piaichi Ephesians [Efésios] 5:23.) Yewah aipen daiarii kazuwaytipan kaimen paydaiaru naꞌik paydainhau. Tuminkery Karichian kian: “Ymarainhap ydaiaru.” (Ephesians [Efésios] 5:25) Naꞌap dii watuminpen? Kamarainpenyꞌu daiarii taap kaimen paydaiaru padapyꞌy, naꞌikim baurainhau awyn zaꞌa kapam. Ytaap uruu dikeydaꞌu ai, ykaydin naꞌik yxaꞌapat aimeakan kid ytaap kinha nii uruu kaimen naꞌik kunaykii. (1 Timothy [1 Timóteo] 5:8) Naꞌikim ymaꞌuzakad ukaminhaydaꞌytinpen Yewah tym. (Matthew [Mateus] 4:4) Yturinhap naꞌik yaichi Tuminkery Karichian paydaiaru tym. Daiarii taapaꞌuraz paydaiaru pakamarainpenyn idiaꞌan, ymaꞌuzakad pakaminhaydaꞌytinpen Yewah tym. — Piaichi 1 Peter (1 Pedro) 3:7.

2. Naꞌapam Tuminkery Paradan kakinhautan daiaruinhau?

Tuminkery Karichian kian ‘daiarui taap kiz paydaiary pazuwaynaa nii’. (Ephesians [Efésios] 5:33) Naꞌapam nii utaapan yryy naꞌap? Udiꞌichap kiz kaimen kidiaꞌuraz ykadyz naꞌik naꞌapam yxaꞌapatinhan ytaap kinha nii uruu naꞌikim indainhau. Ukaminkeꞌyt yryy yxaꞌapataꞌazunii daꞌy at, aunaa udakuupan yryy, mazan uparad y tym kaimenaꞌu idiaꞌan, aunaa pyꞌy ypuchurytinpen Yewah at. Kaimenaꞌu daiarui aunaa ukadakutinhan dikeydaꞌu idiaꞌan paydaiary daꞌy baurainhau at.

3. Naꞌap dii mazidyainhau maꞌuzakadan pamarainpeakan?

Tuminkery Karichian kuwadan mazidyainhau daꞌy: “Diaꞌytamainhawyz baydaptinhan nii.” (Matthew [Mateus] 19:5) Ykayꞌan inxaꞌapat kiz aimeakan kid, aunaa kiz inmaxaadan pamarainpeakan. Yryy id, inxaꞌapat aimeakan baukup naꞌik inkadakuinhap kaimenaꞌu naꞌik mixiꞌu idiaꞌan, padiꞌitinpen daꞌy naꞌik pa abatinpen daꞌy. Mazidyainhau taap kiz ymanawynyꞌu nii pamin mazidyan ipei pidiannau ai naꞌik intaap kiz Yewah ymanawynyꞌu nii ipei aimeakan kid ai. Inzaydinhap tyykii aunaa kiz innaꞌazuutpan bauran pidian aunaꞌuraz pamin mazidyan man.

 PYTUMINHAP PAUWAꞌA ZII

4. Daiarii marainhap kiz naꞌik ytaap kiz kaimen paydaiaru

5. Daiarui marainhap kiz naꞌik utaap kiz paydaiary pazuwaynaa nii

Tuminkery Karichian kian daiarui taap kiz kaimen paydaiary naꞌik utaap kiz yryy pazuwaynaa nii, aunaa pyꞌy ypuchurytinpen Yewah at. Yaichi 1 Peter (1 Pedro) 3:1, 2. Ydaynaꞌan ykadakuinhap diuraz aimeakan daꞌy:

• Aunaan an pydaiary puchurytinpen zii Yewah at, panadun tyykii piaipen ytanautinhan Yewah Puchury nii. Kanumaꞌu nii piꞌitiimen kaimenaꞌu nii pyxaꞌaptan: pykakuwapan Tuminkery Paradan daꞌy yꞌat ipei kamuu? Uu piaidikidian pykamarainpenyn yꞌat naꞌikim pytaapan yryy kaimenaꞌu idiaꞌan? Kandii nii?

Daiarii naꞌik daiarui diꞌitinhap kiz patymaaka kanum kaimenaꞌu nii inxaꞌaptan. Mazan panadun aunaa daiarui naꞌaptan panhikynyy paydaiary tym inxaꞌaptaꞌazunii daꞌy. Tyryy ukuwadan naꞌapam padiꞌitinpen aunaa patuꞌuran idiaꞌan man,  mazan kaimenaꞌu idiaꞌan, naꞌapaꞌu idiaꞌanaꞌu nii uizuꞌutin Yewah, yryy wyryy aipeꞌuraz daiarii kazuwaytipan kaimen paydaiaru naꞌik paydainhau. Daiarii xaꞌaptaꞌazun an aimeakan, mazan panadun aunaa daiarui nhikynyy naꞌapam y tym, mazan ypyꞌy ukaminkeꞌyt kiz yryy. Daiarui xaꞌapatinhan an naꞌap, ukaminkeꞌytan nii paydaiary naꞌik paydainhau maxaapan kunaykii. Yaichi 1 Peter (1 Pedro) 3:3-5. Ydaynaꞌan ykadakuinhap diuraz aimeakan daꞌy:

• Daiarui taapan dun kaimen paydaiary naꞌik utaap yryy pazuwaynaa nii, naꞌap dii Yewah diꞌitinpen u daꞌy?

6. Tyryy mazidyainhau saabaakidian kaxaꞌapanaa kidiaꞌu padubatapnii

 WATUMINHAPNII

Tyryy daiarii naꞌik daiarui maxaapan kunaykii inmarainpeakan dun, intaapakan dun kaimen naꞌik in izuꞌutin dun Tuminkery karichian kakinhauri.

Watykap kuxan

• Naꞌap dii daiarii xaꞌapatinhan ymaxaap kiz kunaykii paydaiaru tym?

• Naꞌap dii daiarui xaꞌapatinhan umaxaap kiz kunaykii paydaiary tym?

• Mazidyaꞌu dun pygary, xaꞌapauran Tuminkery karichian kakinhauri kaminkeꞌyt pymaxaap kiz kunaykii pymin mazidyan tym?