TUMINHAPKARY 55
Kaimen pytaap Yewah dapanaa naꞌik pykaminkeꞌyt pymin mixidiannau
Irib Yewah Puchurynau baukupainpen baukuptinkizei ii ipei amazada kawan at. Wyryy Yewah Puchurynau marainhap tyykii kakinhaurii kid taakariwez baukuptinkery ii naꞌik tyykii inkaminkeꞌytaꞌazun pamin mixidiannau. Naꞌap piabatinpen kapam, pybaukuptinhan dun pymin mixidiannau tym?
1. Naꞌap dii pytaainhan pykaminkeꞌyt kinha nii baukupainhapkizei ii?
Ipei waynau tyryy wakaminkeꞌytan wamin mixidiannau baukuptinkizei ii. Tyryy man pynankan tynarynaunau naꞌik maskunaunau uu baurainhau makuzuꞌuraz baukuptinkizei it? Panadun tyryy pykaminkeꞌytan inhau bauran kadyz idiaꞌan, pyturian idiaꞌan aimeakan suꞌu kid in at uu pykaminkeꞌytan idiaꞌan insaaban padap. (Piaichi James [Tiago] 1:27.) Tyryy wakaminkeꞌytan kapam wasaabaan idiaꞌan Yewah Dapanaa. Aunaꞌu nii kanum mizdyan pygary pyxaꞌapat kiz naꞌap kidiaꞌu. Wamarainpen id Tuminkery naꞌik wamin mixidiannau, yryy id ‘wakaminkeꞌytan inhau wanhikynyy diꞌik’. — Psalm (Salmo) 110:3.
Yewah Puchurynau chikeunyinhaꞌuraꞌana tyryy inkaminkeꞌytan bauran kadyz kid idiaꞌan. Wamin mixidiannau daunaiuranau, tyryy inkaydinhan kaminkeꞌypaꞌu nii kazuwaytpainhau naꞌik kazuwaytpaꞌu nii baukuptinkizei. Tyryy Yewah Puchurynau daunaiuranau naꞌik zynnau kaminkeꞌytan Tuminkery Paradan kuwadapkau, inkaydinhan idiaꞌan pioneiro nii. Pabiꞌikid Yewah Puchurynau kaminkeꞌyt Yewah dapanaa kid tumapkau. Baurainhau maku bauran amazada diꞌit inkaminkeꞌyt kinha nii pamin mixidiannau naꞌik Tuminkery Paradan kuwadapkau.
2. Naꞌap dii wakaiween wapyraatan kaminkeꞌytaꞌu nii kaydinkizei Yewah atiꞌu?
Tyryy ‘wataapan Yewah ymanawynyꞌu nii waxaꞌapayz kid idiaꞌan’. (Proverbs [Provérbios] 3:9) Tyykii wakunaykian wakaminkeꞌytan dun wapyraatan kid idiaꞌan, baukuptinkizei saabaapkau, tumapkau naꞌik kaimenaꞌu kywai kuwadapkau. (Piaichi 2 Corinthians [2 Coríntios] 9:7.) Wapyraatan kid idiaꞌan kaminkeꞌyt kapam wamin mixidiannau dubatpainhawyz kaxaꞌapanaa kidiaꞌu aimeakan. Wamin mixidiannau ‘inbyyt papyraatan kid’, ipei sundii kawan at uu ipei kayz kawan at, inkaminkeꞌyt kinha nii Yewah kaydinkiz. (Piaichi 1 Corinthians [1 Coríntios] 16:2.) Kainhaꞌa pakary sud uu caixa sud wabaukuptinkiz ii, wamyyd kinha nii wapyraatan kid wa aipen dun uu tyryy wataan site donate.pr418.com idiaꞌan. Wataan idiaꞌan wapyraatan kid wa aidyan kapam Yewah at wamarainpen yryy.
PYTUMINHAP PAUWAꞌA ZII
Pytykap pabiꞌinaak kidiaꞌu aimeakan pykaminkeꞌyt kinha nii pymin mixidiannau baukupainhap kiz.
3. Pykaminkeꞌyt pypyraatan idiaꞌan Yewah kaydinkiz atiꞌu
Yewah naꞌik Disu innaydap pidian taaꞌuraz aimeakan ipei panhikynyy diꞌik. Disu tykap zynaba maukaꞌuraꞌanaa udaiary, utaan dun maskaydaꞌy pyraata sud. Yaichi Luke (Lucas) 21:1-4. Ydaynaꞌan ykadakuinhap diuraz aimeakan kid daꞌy:
-
Wataa kiz man dirib pyraata wakunaykikid kinha nii Yewah?
-
Naꞌap dii Yewah naꞌik Disu abatinpen wataan dun pyraata wanhikynyy diꞌik?
Piaichiap kinha nii naꞌap dii pyraata kid taakariwez kaiweakau, yawynyytap VÍDEO. Ydaynaꞌan ykadakuinhap diuraz aimeakan kid daꞌy:
-
Naꞌap dii pyraata taakariwez kaminkeꞌytan wamin mixidiannau naꞌik baukuptinkizei kid ipei amazada kawan at?
4. Wakaminkeꞌyt kiz wanhikynyy diꞌik
Kutyaꞌanaa Yewah Puchurynau naydpayznii pakaminkeꞌytan Yewah Dapanaa saabaakau. Mazan aunaa suu pyraata man kaiweakau, inkaminkeꞌyt bauran aimeakan idiaꞌan kapam. Yaichi 2 Chronicles (2 Crônicas) 34:9-11. Ydaynaꞌan ykadakuinhap diuraz aimeakan kid daꞌy:
-
Naꞌap dii israelitainhau saabaapayzun Yewah Dapanaa?
Pytykap naꞌapam Yewah Puchurynau xaꞌapatinhan naꞌap israelitainhau kawan, yawynyytap VÍDEO. Ydaynaꞌan ykadakuinhap diuraz aimeakan kid daꞌy:
-
Kandii nii wasaabaap kiz Yewah Dapanaa kaimen kiz yaidinpen?
-
Kanum kadyz kid idiaꞌan tyryy pykaminkeꞌytan?
5. Yewah Puchurynau daunaiuranau tyryy inxaꞌaptan pauwaꞌa zii pamin mixidiannau at
Tuminkery Paradan kakinhaut Yewah Puchurynau daunaiuranau, inkaminkeꞌyt kiz baukupainhapkizei kaydinkiz kid. Yawynyytap VÍDEO. Ydaynaꞌan ykadakuinhap diuraz aimeakan daꞌy:
-
Vídeo idiaꞌa, kanum Ryan xaꞌapat pakaydin kinha nii pauwaꞌa zii Yewah at?
Tuminkery Karichian kuwad daunaiuranau Yewah Puchurynau kaydinhaꞌazun dun kaminkeꞌypaꞌu nii naꞌik kazuwaytipaꞌu nii baukuptinkizei, in aidi kiz kaimen kidiaꞌu pakadyz. Yaichi 1 Timothy (1 Timóteo) 3:1-13. Ydaynaꞌan ykadakuinhap diuraz aimeakan daꞌy:
-
Yewah Puchury kaydinhaꞌazun dun kaminkeꞌypaꞌu nii uu kazuwaytipaꞌu nii baukuptinkizei, naꞌapam yaidikid kiz kaimen kidiaꞌu pakadyz kid?
-
Naꞌapam kiz ydaiaru naꞌik ydainhau kadyz? — Ytykap versículos 4 naꞌik 11.
-
Yewah Puchurynau tiweeinhan dun pa aidikidian kaimen kidiaꞌu pakadyz kid, naꞌapam nii inmin mixidiannau ikudan kaimen kidiaꞌu aimeakan in idiaꞌan?
PIDIAN PIXAN DUN PYGARY: “Naꞌikiꞌuram Yewah Puchurynau ikudan pyraata patum kinha nii pabaukupainhap kiz dapanaa kid naꞌik bauran aimeakan kid?”
-
Naꞌapam nii pydakuꞌitin?
WATUMINHAPNII
Tyykii Yewah kunaykikidian wataainhan dun ipei wanhikynyy diꞌik, wakaminkeꞌyt kinha nii wamin mixidiannau naꞌik baukuptinkizei kid.
Watykap kuxan
-
Naꞌap dii wataainhan kaimenaimen wakaminkeꞌyt kinha nii wamin mixidiannau naꞌik baukuptinkizei kid?
-
Naꞌap dii wakaiween kaimen xaꞌapayz kid wakaminkeꞌyt kinha nii wamin mixidiannau naꞌik baukuptinkizei kid?
-
Kanum pyxaꞌaptaꞌazun pykaminkeꞌyt kinha nii kaydinkizei Yewah atiꞌu?
PIAICHIPAꞌAZUN PAUWAꞌA ZII?
Pytuminhap kandii nii aunaa naa Tuminkery diyydan dízimo taakau.
“Naꞌap dii Tuminkery Paradan kian dízimo dayꞌan?” (Saadinpeꞌu jw.org diꞌii)
Pytykap naꞌapam pykaydinhan pauwaꞌa zii Yewah at pyzaamat kinha nii pauwaꞌa zii kaimenaꞌu kaydinkizei baukuptinkizei atiꞌu.
“Pitiweitin ’pyzaamtan’ kaimenaꞌu kaydinkizei Yewah atiꞌu?” (Awynyytpaꞌu, 15 de setembro de 2014)
Pytykap kywai Yewah Puchurynau daꞌy, maꞌuzaka naꞌik aunaa intarian inxaꞌaptan kaydinkizei Yewah atiꞌu ykaxaꞌapannan pyꞌy, innaꞌakan karichi kid pamin mixidiannau at.
Karichi kid tumkariweiz Tuminkery Paradan diꞌikiꞌu naꞌakaꞌu mynap Congo ii (4:26)
Aunaa waxaꞌapatinhan naꞌap bauran chuuchinhau kawan, naꞌapam Yewah Puchurynau kaiween pyraata taakariwez kid?
