TUMINHAPKARY 57
Aizii pyxaꞌaptan dun uiaꞌuraz manawyn?
Pymarainpen pyꞌy tyykii Yewah naꞌik pitiweeitinhan pyꞌy pyxaꞌapatinhan yaipen kawan at, mazan ypyꞌaꞌu nii pykaxartinhan. Kainhaꞌa pidian yxaꞌapat uiaꞌuraz manawyn pauwaꞌa zii bauran kid ai. (1 Corinthians [1 Coríntios] 6:9, 10) Pyxaꞌaptan dun uiaꞌuraz manawyn, aunaa pymanhikynytaꞌanaꞌa, pakawan zii Yewah marainpen pygary. Tyykii ykaminkeꞌytaꞌazun pygary naꞌik ykamynyn kidiaꞌazun pyuian kid.
1. Kanum kiz waxaꞌapat Yewah kamynynkid kinha nii wauian kid?
Pidian marainpeꞌuraz Yewah, tyykii ynhikynyy kaxaꞌuran, yxaꞌaptan dun uiaꞌuraz manawyn. Mazan Yewah taanii paparadan ymaꞌuzakad kinha nii papidianannau: ‘Pyuian pyꞌy padamata naꞌap wyzau kawan, tanautinhaꞌu nii barak naꞌap neve kawan.’ (Isaiah [Isaías] 1:18) Wakaxaꞌurkidian dun tyykii waxaꞌaptaniaz, Yewah kamynyn kidian nii wauian kid. Mazan naꞌap dii wa aidyan watanautinhan wauian ai? Wa aidyan nii watanautinhan wauian ai, wamaxaadan dun waxaꞌapaapan dikeyd kidiaꞌuraz naꞌik waturinpen nii Yewah at ykamynynkid kiz wauian. Watiween kiz wapanadan wadiꞌitinpen naꞌik waxaꞌapainpen kadyz kid panaꞌiti kidiaꞌuraz, aunaa kiz waxaꞌaptan uii kidiaꞌuraz yryy kadyz kid kuxan. Naꞌik, watiween kiz wamaxaapan naꞌap Yewah aipen kawan at. — Piaichi Isaiah (Isaías) 55:6, 7.
2. Naꞌap dii Yewah kaiween kazuwaytpainhau baukuptinkery waxaꞌaptan an uiaꞌuraz manawyn?
Waxaꞌaptan dun uiaꞌuraz manawyn, Yewah kian ‘marii wadapad kidian kazuwaytpainhau baukuptinkery’. (Piaichi James [Tiago] 5:14, 15.) Wyryy kazuwaytpainhau baukuptinkery marainhap Yewah naꞌik ypidianannau kapam. Inkaiwee Tuminkery Karichian inkaminkeꞌyt kinha nii wakaminhaydaꞌytinpen maꞌuzaka kuxan Yewah tym. — Galatians (Gálatas) 6:1.
Naꞌap dii kazuwaytpainhau baukuptinkery kaminkeꞌytan waynau waxaꞌaptan dun uiaꞌuraz manawyn? Diaytam uu idikinhaydaꞌy kazuwaytpainhau baukuptinkery in aichian nii Tuminkery Karichian idiaꞌa in aidi kinha nii panaꞌitiꞌu wyryy pidian xaꞌapataniaz. Inkakinhautan nii wyryy pidian aunaa kiz yxaꞌaptan kuxan uiaꞌuraz manawyn. Panadun yxaꞌapatnii dikin ii, kazuwaytpainhau baukuptinkizei kuwadan nii yꞌat aunaꞌu nii ykaimenan yxaꞌaptan pabiꞌikid aimeakan baukuptinkery diꞌii, atii ytanautinhan Yewah diꞌit kuxan. Aizii pidian xaꞌaptan an uiaꞌuraz manawyn, mazan aunaa ytanautinhaꞌazun pauian ai? Ykayꞌan kazuwaytpainhau myydkidian nii yryy aunaa kiz ypuchurytinpen Yewah at, atii ytanautinhan pauian ai, aunaa kiz ypuzaut kidian bauran Yewah Puchurynau mixidipainhawyz.
PYTUMINHAP PAUWAꞌA ZII
Pytykap naꞌapam nii Yewah kaminkeꞌytan waynau waxaꞌaptan an uiaꞌuraz manawyn.
3. Wakaminkeꞌytkau nii wakuwadan dun wauian
Wauian dun, tyykii wakaxaꞌurdan Yewah nhikynyy. Yryy id, waxaꞌaptan dun uiaꞌu, wakuwad kiz yꞌat. Yaichi Psalm (Salmo) 32:1-5. Ydaynaꞌan ykadakuinhap diuraz aimeakan daꞌy:
-
Aunaa kiz watiween wadizan uii kidiaꞌuraz waxaꞌapatnii. Mazan kandii nii kaimenaꞌu nii wakuwadan uii kidiaꞌuraz waxaꞌapatnii Yewah at?
Kaimenaꞌu nii wakuwadan Yewah at uii kidiaꞌuraz waxaꞌapatnii, mazan kaimenaꞌu nii manawyn wa abatinpen, wakuwadan dun kapam kazuwaytpainhau baukuptinkizei at. Yawynyytap VÍDEO. Ydaynaꞌan ykadakuinhap diuraz aimeakan daꞌy:
-
Vídeo idiaꞌa, naꞌap dii kazuwaytpainhau baukuptinkizei kaminkeꞌytan Canon padantan Yewah at pauwaꞌa it?
Marii kiz wakuwadan mixiꞌu kazuwaytpainhau baukuptinkizei at, inhau wyryy kaminkeꞌytaꞌu nii waynau. Yaichi James (Tiago) 5:16. Ydaynaꞌan ykadakuinhap diuraz aimeakan daꞌy:
-
Kandii nii kaimenaꞌu nii kazuwaytpainhau baukuptinkizei at inkaminkeꞌytan waynau wakuwadan dun mixiꞌu waxaꞌapatnii daꞌy in at?
Pykuwad mixiꞌu uii kidiaꞌuraz pyxaꞌapatnii kazuwaytpainhau baukuptinkizei at naꞌik pynaꞌapat pinhikynyy naꞌapam Yewah kakinhautan pygary inhau idiaꞌan
4. Naꞌapam nii Yewah Puchury kaminkeꞌytkau ymyydinkidkau dun?
Pidian xaꞌaptan dun uiaꞌuraz manawyn naꞌik aunaa dun yabataꞌazun Yewah kakinhaurii, aunaa naa tyryy ymaxaapan baukup Yewah Puchurynau tym. Wyryy pidian myydkau nii Yewah Puchurynau biꞌik, aunaa naa pauwaꞌa wakadakuinpen y tym naꞌik aunaa wakaminhaydaꞌytinpen naꞌapaꞌuraz pidian tym. Yaichi 1 Corinthians (1 Coríntios) 5:6, 11 naꞌik 2 John (2 João) 9-11. Ydaynaꞌan ykadakuinhap diuraz aimeakan daꞌy:
-
Yeast uu fermento ypuudad ipei puruum biꞌi. Ykayꞌan, Yewah Puchury kadakuinpen an uu ykaminhaydaꞌytinpen an pidian tym tanautinhaꞌuraz Yewah ai, naꞌapam nii ypatakaꞌyan Yewah Puchurynau pamixidian ai pamaxaapkiz ii?
Irib Yewah Puchurynau tanautinheinhawyz Yewah ai, inmyydkau daynaꞌan Yewah Puchurynau biꞌik, inpadanat pauwaꞌa at Yewah idiaꞌat. Kaziweꞌu yꞌat ykakinhautkau dun naꞌik ymyydkau dun pamin mixidiannau biꞌik, mazan yryy dikin ii, ydiꞌitinpen pa aipen at, dikeydaꞌu wyryy yxaꞌaptaniaz, yryy id ytanautinhan pauian ai. (Psalm [Salmo] 141:5) Yawynyytap VÍDEO. Ydaynaꞌan ykadakuinhap diuraz aimeakan daꞌy:
-
Vídeo idiaꞌa, Sônia dikinchipan id umyydinkidkau pamin mixidiannau biꞌik, naꞌap dii umyydinkidkau id kaminkeꞌytan uruu?
Pidian myydinkidkau dun yxaꞌaptan id uiaꞌuraz manawyn, naꞌap dii . . .
-
Yewah yy taapkau ymanawynyꞌu nii?
-
yaidikidian Yewah yryy sakichipaꞌu naꞌik kamarainpenyꞌu?
5. Yewah kamynynkid waynau watanautinhan dun wauian ai
Disu kuwadan baydap kywai pidian aichiap kinha nii naꞌapam Yewah abatinpen ypuchury tanautinhan dun pauian ai. Yaichi Luke (Lucas) 15:1-7. Ydaynaꞌan ykadakuinhap diuraz aimeakan daꞌy:
-
Naꞌap dii pytuminpen Yewah daꞌy diuraz kywai diꞌik?
Yaichi Ezekiel (Ezequiel) 33:11. Ydaynaꞌan ykadakuinhap diuraz aimeakan daꞌy:
-
Kanum kiz waxaꞌapat wa aidi kiz mixiꞌu watanautinhan wauian ai?
Naꞌap kaznizu taapiki marainpen kawan paꞌyznau, naꞌap kapam Yewah marainpen papuchurynau
PABIꞌIKID PIDIANNAU KIAN: “Unkuwadan an kanum unxaꞌapatnii kazuwaytpainhau baukuptinkizei at, inmyydkidian nii ungary.”
-
Naꞌapam nii pikian pykaminkeꞌyt kinha nii pymin mixidian abatinpeꞌuraz naꞌap?
WATUMINHAPNII
Waxaꞌaptan dun uiaꞌuraz manawyn, tyryy Yewah kamynyn kidian wauian. Mazan kiwiin wa aidi kiz watanautinhaꞌazun wauian ai naꞌik wamaxaad kiz waxaꞌapaapan wyryy uiaꞌuraz manawyn.
Watykap kuxan
-
Kandii nii kaimenaꞌu nii wakuwadan dun wauian kid Yewah at?
-
Kanum kiz waxaꞌapat wauian kid kamynynkidkeu kiz?
-
Waxaꞌaptan dun uiaꞌuraz manawyn, kandii nii wadurut kiz kazuwaytpainhau baukuptinkizei?
PIAICHIPAꞌAZUN PAUWAꞌA ZII?
Pytykap naꞌap dii daunaiura tykpan Yewah kamynyn kidian yryy naꞌap Isaías 1:18 kian kawan.
Naꞌap dii baydap Yewah Puchury myydinkidkau ydikinchipan dikin ii kaminkeꞌyt baurainhau?
Pytykap naꞌapam nii pykuwadan pidian at aunaꞌuraz Yewah Puchury man, Yewah Puchury myydinkidkau daꞌy.
Pytykap kandii nii daunaiura tanautinhaꞌu mixiꞌuraz ai, mazan pabiꞌikid aimeakan dikin ii, ytykap Yewah dapadan yryy pa idiaꞌat pauwaꞌa at, piaichi, “Untykap unpadanat kiz Yewah idiaꞌat pauwaꞌa at”.
“Tuminkery Karichian panad pidiannau maxaapan kadyz” (Awynyytpaꞌu, 1.º de abril de 2012)
