Mixiꞌuraz mixidiainhau maꞌuzaka in aipen pamixidipan Yewah, aunaa in aipen aunaa kanum suꞌutan inhau Yewah ai. Panadun naꞌap piabatinpen kapam. Tyykii Yewah naydpan pi izuꞌutin id yryy. (Piaichi 1 Chronicles [1 Crônicas] 28:9.) Xaꞌapauran aimeakan kid panadun tiweekidipan pimixidipan? Naꞌapam kiz pyxaꞌapatinhan pitiweikidiapkau dun?

1. Naꞌapam nii pabiꞌikid pidiannau tiweekidipan wamixidipan Yewah?

Pabiꞌikid pidiannau, intiweeinhan nii pamaxaad kidian waynau wamixidipan ai Yewah. Mazan kanumnaꞌu xaꞌaptaꞌazun naꞌapaꞌu wa tym? Pabiꞌikid pidiannau tanautinhaꞌuraz Yewah ai, ykuwad maridinkery kid Yewah Puchurynau daꞌyan naꞌik kazuwaytpainhau ipei baukuptinkizei kid dayꞌan kapam, wamaxaad kinha nii wamixidipan. Inhau dakutkau dikinchipainhawyz manawyn. Naꞌik kainhaꞌa kapam, panaꞌiti kidiaꞌu chuuchi zuwaynaanau, inkuwadpan maridinkery kid Yewah Puchurynau daꞌy, intanawatkidiaꞌazun pabiꞌikid pidiannau mixii kidiaꞌu ai. Wyryy pidiannau tuꞌurkizaichipainhau Yewah Puchurynau, kichanaꞌitikiaꞌu watiween wakadakuinpen in tym watiwei kinha nii wapanadan indiꞌitinpen, kichanaꞌitikiaꞌu kapam wa aichian karichi kid insaadnii uu wa aichian internet idiaꞌa, uu wa awynyytpan vídeo kid intumini. Disu kian wyryy pidiannau tiweitinhenhawyz pamaxaad kidian baurainhau mixidipan Yewah. Disu kian: ‘Aunaa ynhikynyypaꞌanaꞌa indyan. Aunaa intykpan kaimen patuminhap kidnii, ixaawynnau indyan. Aizii baydapaꞌu ixaawyn naꞌakpan dun pamin ixaawynyn, diaꞌytamak kidiaꞌu nii inwautan kaꞌynary it.’—Matthew (Mateus) 15:14.

Pidian wa aichiapnii padamat, mazan pa aipenat aunaa naa pauwaꞌa yaipen papuchurichap kidinhan Yewah at? Tyykiaꞌu nii wanhikynyy kaxaꞌuran, pidian wamarainhapnii xaꞌaptan dun naꞌapaꞌu. Panadun wyryy pidian mizdyan nii waynau wawidya kiz yryy uu Yewah. Mazan marii kiz pakawan maꞌuzaka wataapan wamixidian, waizuꞌat kiz kiwiin Yewah ipei bauran aimeakan kid ai. (Matthew [Mateus] 10:37) Yryy id, waizuꞌat Yewah kakinhauri, aunaa naa pauwaꞌa waminhaydaꞌychipan pidian naꞌapaꞌuraz. — Piaichi 1 Corinthians (1 Coríntios) 5:11.

2. Naꞌapam wa aidyan waizuꞌutin Yewah waxaꞌapatinhan idiaꞌan?

Wamarainpen id Yewah, ymaꞌuzakadan nii waynau wazikedin kiz panaꞌitiꞌu chuuchi ai. Waynau Yewah Puchurynau aunaa wabaukuptinhan, aunaa waxaꞌaptan aunii kanum panaꞌitiꞌu chuuchinhau tym. Aunaa wakaydinhan in at, aunaa waxaꞌaptan aunii xaꞌapauran kaydinkizei in at. Yewah kakinhautan waynau: ‘Ykudichaꞌa naa ymanawynyꞌuraz Babilônia ai, unpidianannau.’ — Revelation (Apocalipse) 18:2, 4.

 PYTUMINHAP PAUWAꞌA ZII

3. Pyzaydinhap paꞌi panaꞌiti kidiaꞌu kywai kid ai

Naꞌapam nii waxaꞌapatinhan wa abatan dun dikeyd kidiaꞌu kywai Yewah pidianannau daꞌy? Yaichi Proverbs (Provérbios) 14:15. Ydaynaꞌan ykadakuinhap diuraz aimeakan daꞌy:

• Kandii nii wazaydinhap kiz aunaa kiz wamixidian ipei kywai kid wa abatnii?

Yaichi 2 John (2 João) 10. Ydaynaꞌan ykadakuinhap diuraz aimeakan kid daꞌy:

• Naꞌapam kiz wataapan dikinchipainhawyz manawyn?

• Wa aichiap aunaa kaimenaꞌu man wakadakuinpen dun dikinchipainhawyz tym. Mazan kanum kid idiaꞌan tyryy intanautan wadiꞌitinpen wamixidian ai?

• Naꞌapam nii piꞌitiimen Yewah abatinpen wa abatpan dun dikeyd kidiaꞌu aimeakan ydaꞌy naꞌik ypidianannau daꞌy?

4. Pakawan pi izuꞌat Tuminkery pymin mixidian xaꞌaptan pyꞌy uiaꞌuraz manawyn

Wa aichipan an Yewah Puchury xaꞌaptan dun uiaꞌuraz manawyn, kanum kiz waxaꞌapat? Pytykap naꞌapam Tuminkery kian papidianannau at kutyaꞌanaa. Yaichi Leviticus (Levítico) 5:1.

Diuraz kakinhaurii kian kawan, wa aichipan dun wamin mixidian xaꞌaptan uiaꞌuraz manawyn, wakuwad kiz kazuwaytpainhau baukuptinkery at. Mazan kiwiin, kaimenaꞌu nii pymaꞌuzakadan pymin mixidian ykuwad kiz wyryy paxaꞌapatnii kazuwaytpainhau baukuptinkery at. Mazan aunaan an ykuwadaꞌazun, marii kiz pi izuꞌutin Yewah, pykuwadan idiaꞌan kanum pymin mixidian xaꞌapatnii kazuwaytpainhau baukuptinkery at. Pyxaꞌapatinhan dun naꞌap, naꞌap dii piaidyan pykamarainpenyn . . .

• Yewah Tuminkery at?

• pidian uiaꞌuraz at?

• pymin mixidiannau at?

 5. Mynap pymaxaap ymanawynyꞌuraz Babilônia ai

 WATUMINHAPNII

Pakawan waizuꞌatpaꞌazun Yewah. Yryy id, aunaꞌu nii wakadakuinpen uu waminhaydaꞌychipan pidiannau dikinchipainhawyz manawyn Yewah. Wakudichi kiz panaꞌiti kidiaꞌuraz chuuchi ai naꞌik aunaa kiz waxaꞌaptan aunaa kanum kaminkeꞌytaꞌu nii wyryy panaꞌiti kidiaꞌuraz chuuchi.

Watykap kuxan

• Kandii nii aunaa kiz wa aichian, uu wa abatpan uu wa awynyytpan aimeakan kid dikinchipainhawyz manawyn kywaa kid daꞌyaꞌu?

• Naꞌapam kiz wataapan pidiannau aunaꞌuraz naa in aipen papuchurichap kidinhan Yewah at?

• Naꞌapam nii waizuꞌutin Tuminkery kakinhaurii wakiduwap kiz panaꞌiti kidiaꞌu chuuchi ai?