TUMINHAPKARY 34

Naꞌap dii wa aidyan wamarainpen Yewah?

PLAY

Pytuminpen daynaꞌan Tuminkery Paradan daꞌy, maunap piabatinpen Tuminkery diꞌit? Pykaminhaydaꞌytinpeꞌazun pauwaꞌa zii y tym? Yewah tykpan dun, pymarainpen paygary, pauwaꞌu nii zii ynhikynyatin naꞌikim ymarainpen pygary. Mazan naꞌap dii piaidikidian pymarainpen Yewah?

1. Naꞌap dii wa aidikidian wamarainpen Yewah?

Wa aidyan wamarainpen Yewah, waizuꞌutin dun yryy. (Piaichi 1 John [1 João] 5:3.) Aunaa Yewah mizdyian waynau waizuꞌat kiz yryy. Tyryy wawidiayan waizuꞌutiꞌizun dun, yryy uu aunaa. Kandii nii? Yxaꞌapanym kayꞌan Yewah aipen ‘waizuꞌutin paygary wanhikynyy diꞌik’. (Romans [Romanos] 6:17) Ykayꞌan Yewah aipen waizuꞌutin paygary wanhikynyy diꞌik, aunaa watarian id man y ai. Partes 3 naꞌikim 4 diuraz karichi idiaꞌa kaminkeꞌytan nii naꞌapam pymarainpen Yewah, pyxaꞌaptan idiaꞌan aimeakan kid kunaykikidiaꞌu nii yryy naꞌik pymarinhaꞌatan aimeakan kid ymanaydapkanii.

2. Kandii nii panadun kaxaꞌapannaa wa aidyan wamarainpen Yewah?

“Kaimenaꞌu pidian dubat dirib kaxaꞌapannaa kidiaꞌu.” (Psalm [Salmo] 34:19) Kaxaꞌapannaꞌu waxaꞌaptan sakichipaꞌuraz yxaꞌapanym kayꞌan ipei waynau uienhanhau. Panadun aunaa naa wapyraatan tyryyan, uu dikeydaꞌu xaꞌapatkau wa tym, uu bauran kaxaꞌapannaa kidiaꞌuraz xaꞌapan waꞌat. Wadubatpan dun naꞌap kidiaꞌu, panadun kaxaꞌapannaa waxaꞌapatinhan Yewah aipen kawan at. Yxaꞌapanym kayꞌan panadun maxaꞌapannaꞌu nii waꞌat waxaꞌaptan panaꞌiti kidiaꞌuraz. Mazan pimixidian dun naꞌik pi izuꞌutin dun Yewah, piaidyian nii pymarainpen yryy ipei bauran aimeakan kid ai. Piaidyian nii mixiꞌu pymarainpen yryy. Yryy id, karikeunanyꞌu nii Yewah marainpen pygary, aunaꞌu nii naꞌapainim ywaꞌakayzun pygary. — Piaichi Psalm (Salmo) 4:3.

PYTUMINHAP PAUWAꞌA ZII

Pytykap kandii nii kunaykii Yewah pi izuꞌutin dun yryy naꞌik kanumaꞌu nii kaminkeꞌyt pygary karikeunan kiz pimixidian yryy.

3. Siitan dakuupan pygary kapam

Tuminkery Paradan kuwad Jó karichian idiaꞌa, Siitan dakuupan Jó naꞌikim ipei pidiannau izuꞌutinhawyz Yewah. Yaichi Job (Jó) 1:1, 6–2:10. Ydaynaꞌan ykadakuinhap diuraz aimeakan kid daꞌy:

Naꞌap Siitan kian kawan, kandii nii Jó izuꞌutin Yewah? — Ytykap Job (Jó) 1:9-11.
Naꞌapauram Siitan kian ipei pidiannau daꞌyan, atii pydayꞌan kapam? — Ytykap Job (Jó) 2:4.

Yaichi Job (Jó) 27:5b. Ydaynaꞌan ykadakuinhap diuraz aimeakan daꞌy:

Naꞌap dii Jó aidyan mixiꞌu mixii ymarainpen Yewah?

Jó aidyan mixiꞌu ymarainpen Yewah yizuꞌutin dun yryy ykaxaꞌapanym pyꞌy paꞌat

Wa aidyan mixiꞌu wamarainpen Yewah wa izuꞌutin dun yryy, ykaxaꞌapanym pyꞌy waꞌat

4. Pykunaykikid Yewah nhikynyy

Yaichi Proverbs (Provérbios) 27:11. Ydaynaꞌan ykadakuinhap diuraz aimeakan daꞌy:

Naꞌap dii Yewah abatinpen pyxaꞌaptan dun sakichipaꞌu aimeakan naꞌik pi izuꞌutin dun yryy? Kandii nii?

5. Tyryy karikeunan pi izuꞌutin Yewah

Wamarainpen Yewah, yryy id wakakuwapan pidiannau at ydaꞌy. Karikeunan wamixidian id Yewah, waizuꞌutin nii yryy, ykaxaꞌapanym pyꞌy waꞌat. Yawynyytap VÍDEO. Ydaynaꞌan ykadakuinhap diuraz aimeakan kid daꞌy:

VÍDEO: Maꞌuzak pytaap pimixidian pydakuwapkau pyꞌy (5:09)

Kaxaꞌapannaꞌu pyꞌat, pykuwadan Yewah daꞌy baurainhau at?
Vídeo idiaꞌa, xaꞌapauran aimeakan kid kaminkeꞌytan Cláudio aunaa kiz pauwaꞌa ytarian?

Wamarainpen an aimeakan kid Yewah marainhapnii naꞌik aunaan an wanaydpan ymanaydapkanii kid, maxaꞌapannaꞌu nii waizuꞌutin yryy. Yaichi Psalm (Salmo) 97:10. Ydaynaꞌan ykadakuinhap diuraz aimeakan kid daꞌy:

Naꞌap pytuminpen kawan at Yewah daꞌy. Pykuwad pabiꞌikid aimeakan Yewah naydapnii? Naꞌik xaꞌapauran aimeakan kid aunaa ynaydpan?
Naꞌapam nii pymaꞌuzakadan pymarainpen kaimen kidiaꞌuraz naꞌik pymarinhaꞌatan uii kidiaꞌu aimeakan?