TUMINHAPKARY 41
Naꞌap dii Tuminkery Karichian kian pidian kiaapakan daꞌy?
Irib pidiannau inkibeꞌazuꞌu pakadakuinpen pidian kiaapakan daꞌy. Mazan Tuminkery Karichian kuwad kaimenaꞌu idiaꞌan pidian kiaapakan daꞌy. Naꞌap kuwadkau waꞌat, wamaxaap kiz kaimen. Yxaꞌapanym kayꞌan Yewah wyryy tumaꞌuraz waynau, yaichiap xaꞌapauran kaimenaꞌu waꞌat. Ykuwad kanum kiz waxaꞌapat wakunaykikid kinha nii yryy, naꞌik kanum kiz waxaꞌapat wamaxaap kinha nii kunaykii ipei kamuu.
1. Naꞌap dii Yewah kuwadan pidian kiaapakan daꞌy?
Wyryy pidian kiaapakan, Yewah Tuminkery wyryy tumaꞌuraz naꞌap. Ytaapad suu pidiannau mazidiainhawyz xaꞌaptan naꞌapaꞌu, baydap daunaiura baydap zynaba tym, tyryy inkiaapakan in aidi kiz pamarainpeakan paꞌatiaaka. Tuminkery taapadan id kaydaiaruinhau xaꞌapatinhan naꞌap, aunaa suu intum kiz man paydainhau nii, mazan in aidikid kinha nii kapam pamarainpeakan paꞌatiaaka kaimenaꞌu idiaꞌan. Tuminkery Paradan Karichianaa kian: “Kunaykii pymaxaap pydaiaru tym wyryy pymin mazidyanyz.” (Proverbs [Provérbios] 5:18, 19) Yewah aipen daiarii naꞌik daiarui taapakan kaimen paꞌatiaaka, aunaa kiz inkaminxiꞌitinpen. Yryy id pidian Yewah Puchury, aunaa tyryy ykaminxiꞌitinpen. — Piaichi Hebrews (Hebreus) 13:4.
2. Naꞌapauram atiꞌu kaminxiꞌitinnhapkary kikeryz?
Tuminkery Karichian kian “pidiannau kaminxiꞌinpeinhau . . . aunaꞌu nii inwiiz nii Tuminkery Naubunaitinhap kiz ii”. (1 Corinthians [1 Coríntios] 6:9, 10) Wyryy paradakary kaminxiꞌinnhapkary kaiweakaureiz Tuminkery Paradan idiaꞌa, grego paradan idiaꞌan, porneía kiaꞌu ydakutkau. Wyryy paradakary kiaꞌazun kapam (1) pidiannau kiaapakainhawyz pamamazidikan pyꞌy a, [pytykap kainharibei] (2) daunaiuranau kiaapakainhawyz paꞌatiaaka naꞌik zynnau kiaapakainhawyz paꞌatiaaka, (3) bestialidade, uu pidiannau kiaapakainhawyz yzainhau tym. Wakiduupan dun “kaminxiꞌitinnhapkary ai”, wakunaykikid Yewah naꞌik wakazannaatinhan dikeydaꞌu ai. — 1 Thessalonians (1 Tessalonicenses) 4:3.
PYTUMINHAP PAUWAꞌA ZII
Pytykap naꞌapam nii pikiduupan kaminxiꞌitinnhapkary ai. Pytykap kapam, pi izuꞌitin dun kakinhaurii kaminxiꞌitinnhapkary ai, kaimenaꞌu nii pymaxaapan.
3. Pikiduwap kaminxiꞌitinnhapkary ai
Tuminkery Paradan idiaꞌa kainhaꞌa kywai daunaiura mixidiaꞌu daꞌy, y yy José, yxaꞌaptin aunaa kiz ykaminxiꞌitinpen. Yaichi Genesis (Gênesis) 39:1-12. Ydaynaꞌan ykadakuinhap diuraz aimeakan kid daꞌy:
-
Kandii nii José kiduupan zynaba ai? — Ytykap versículo 9.
-
Naꞌapam piꞌitiimen, kaimenaꞌu man wyryy, José xaꞌapatinhan naꞌap? Kandii nii?
Naꞌapam kiz painhainhau tamakpan José inkiduwap kiz kaminxiꞌitinnhapkary ai? Yawynyytap VÍDEO.
Yewah kian aunaa kiz wanaydpan kaminxiꞌitinnhapkary. Yaichi 1 Corinthians (1 Coríntios) 6:18. Ydaynaꞌan ykadakuinhap diuraz aimeakan kid daꞌy:
-
Xaꞌapauran aimeakan kid tanawatkidian pidian ykaminxiꞌitinhap kinha nii?
-
Naꞌapam nii pyxaꞌapatinhan pikiduwap kiz kaminxiꞌitinnhapkary ai?
4. Tyryy pytyydan pinhikynyy kaminxiꞌinnhapkary ai
Xaꞌapauran aimeakan kid tanautkidian waynau kaminxiꞌinpezukary daꞌyan? Yawynyytap VÍDEO. Ydaynaꞌan ykadakuinhap diuraz aimeakan daꞌy:
-
Vídeo idiaꞌa, wyryy Yewah Puchury tykap paxaꞌapatinhan idiaꞌan naꞌikim padiꞌitinpen idiaꞌan, maunap ytanautinhan kaminxiꞌitinpeꞌu nii. Naꞌap dii yxaꞌapatinhan aunaa kiz yxaꞌaptan uiaꞌu?
Panadun atii Yewah Puchurynau kaimenaꞌu inmixidian padamat, mazan inmaꞌuzakadin intyyd kiz aunaa kiz indiꞌitinpen kachamaidi kidiaꞌu daꞌyan. Kanum pyxaꞌapat kiz aunaa kiz pidiꞌitinpen kachamaidi kidiaꞌu daꞌy? Yaichi Philippians (Filipenses) 4:8. Ydaynaꞌan ykadakuinhap diuraz aimeakan kid daꞌy:
-
Kanum daꞌy at kiz wadiꞌitinpen?
-
Wa aichian idiaꞌan Tuminkery Paradan ipei kamuu naꞌik waxaꞌaptan idiaꞌan kaydinkizei Tuminkery at, naꞌapam nii naꞌap kidiaꞌu kaminkeꞌytan waynau aunaa kiz waxaꞌaptan uiaꞌu?
5. Kaimenaꞌu wyryy Yewah kakinhauri kid wamaxaap kinha nii kaimen
Yewah aichiap naꞌiauram kaimenaꞌu waꞌat. Ytuminhapkid waynau waxaꞌaptin kiz kaimen, aunaa kiz waxaꞌaptan dikeydaꞌu naꞌik ykuwad kandii nii kaimenaꞌu nii waꞌat waxaꞌapatinhan dun yparadan kawan at. Yaichi Proverbs (Provérbios) 7:7-27 uu yawynyytap VÍDEO. Ydaynaꞌan ykadakuinhap diuraz aimeakan kid daꞌy:
-
Naꞌap dii painhaꞌu daunaiura ikudan kichanaꞌitkiaꞌu paꞌat? — Ytykap Proverbs (Provérbios) 7:8, 9.
-
Proverbs (Provérbios) 7:23, 26 kian kawan, kaminxiꞌitinnhapkary id pidian ikudan nii dirib dikeyd kidiaꞌu paꞌat. Mazan wataapan dun Tuminkery kakinhauri kaminxiꞌitinnhapkary ai, xaꞌapauran dikeyd kidiaꞌu aunaꞌu nii waikudan?
-
Naꞌapam nii waikudan karikeunanyꞌu kakypkary, waizuꞌutin dun Tuminkery kakinhauri kaminxiꞌitinhapkary ai?
Pidiannau kian aunaa Tuminkery kamarainpenyn man, ykianyz uiaꞌu wyryy pidiannau kiaapainhawyz pamin daunaiuran uu pamin zynan. Mazan aunaa mixiꞌu man, Yewah yryy kamarainpenyꞌu, yaipen ipei pidiannau maxaapan kunaykii. Mazan wamaxaapaꞌazun an karikeunan kunaykii, wamaxaap kiz naꞌap Yewah kuwadan kawan at. Yaichi 1 Corinthians (1 Coríntios) 6:9-11. Ydaynaꞌan ykadakuinhap diuraz aimeakan daꞌy:
-
Pidian kiaapan pamin daunaiuran uu pamin zynan suu yryy wyryy dikeydaꞌuraz man Yewah at uu kainhaꞌu zii man pauwaꞌa zii aimeakan ydikeydaꞌu yꞌat?
Wakunaykikid kinha nii Yewah, ipei waynau wapanad kiz wamaxaapan kadyz. Kaimenaꞌu nii man wapanadan dun wakadyz Tuminkery aipen kawan at? Yaichi Psalm (Salmo) 19:8, 11. Ydaynaꞌan ykadakuinhap diuraz aimeakan daꞌy:
-
Naꞌapam piꞌitiimen wyryy Yewah kakinhauri kid kaminxiꞌitinnhapkary ai, mixiꞌu man ykaimenan? Kandii nii?
ewah kaminkeꞌytnii irib pidiannau in izuꞌat kiz ykakinhauri kid. Tyryy ykaminkeꞌytan pygary kapam.
PABIꞌIKID PIDIANNAU KIAN: “Pidiannau marainpekainhawyz, aunaa uiaꞌu man wyryy inkiaapakan dun.”
-
Naꞌapam nii pikian?
WATUMINHAPNII
Wyryy pidian kiaapakan, Yewah Tuminkery wyryy tumaꞌuraz naꞌap mazidyainhau at daunaiura zyna tym.
Watykap kuxan
-
Xaꞌapauran kid wyryy kaminxiꞌitinnhapkaryz?
-
Kanum kiz waxaꞌapat kaminkeꞌytaꞌu nii waynau wakiduwap kiz kaminxiꞌitinnhapkary ai?
-
Kandii nii kaimenaꞌu nii waꞌat waizuꞌutin dun Yewah kakinhauri kid kaminxiꞌitinnhapkary ai?
PIAICHIPAꞌAZUN PAUWAꞌA ZII?
Pytykap kandii nii Tuminkery aipen daunaiura naꞌik zynaba maxaapaꞌuraz mamazidiakdayn, marii kiz inmazidyan.
Tuminkery Karichian kian panaꞌitiꞌu wyryy pidian kiaapan pamin daunaiuran uu pamin zynan, mazan aunaa ykian pidian tuꞌurkizaichiap kiz pidiannau xaꞌapainpeꞌuraz naꞌap.
Pytuminhap Tuminkery kakinhauri kid pidian kiaapakan daꞌytiꞌu daꞌy, waizuꞌutin an wyryy kakinhaurii kid wakazannaatinhan nii uiaꞌu ai.
“Pidian kiaapan bauran pidian padaku idiaꞌan kiaapakary man wyryy?” (Saadinpeꞌu jw.org diꞌii)
Pytykap kanum maꞌuzakadaꞌu daunaiura gaytinpeꞌu maxaadan pakadyz yxaꞌapapayznii, ykunaykikid kinha nii Tuminkery, piaichi y daꞌy “Intaap ungary kaimenaꞌu idiaꞌan”.
“Tuminkery Karichian panad pidiannau maxaapan kadyz” (Awynyytpaꞌu, 1.º de abril de 2011)
a Kainharibei: Wyryy paradakary [porneía] kiaꞌazun kapam bauran kadyz kid pidian kiaapakan daꞌyan, pidian kiaapan bauran pidian padaku idiaꞌan, pidian kiaapan bauran pidian padikep idiaꞌan naꞌik pidian kiaapan bauran pidian pakaꞌy idiaꞌan.
