Ipei amazada ii aka, pidiannau diꞌitinpen panaꞌa kid baurainhau ai riwyni daꞌy. Pabiꞌikid pidiannau innaydap patyzan paminhaꞌydanau tym. Baurainhau aunaa intyzan. Mazan baurainhau intyzpan atii inpuꞌidin. Naꞌap dii Tuminkery Karichian kian riwyni dayꞌan?

1. Panaꞌitiꞌu man pidian tyzan riwyni?

Tuminkery Karichian kian aunaa panaꞌitiꞌu man wyryy pidian tyzan. Ykian, “vinho kunaykikid pidian nhikynyy”, Tuminkery taanii wyryy waꞌat. (Psalm [Salmo] 104:14, 15) Pabiꞌikid mixidiainhau daunaiuranau naꞌik zynnau kuwadkariweiz in daꞌy Tuminkery Karichian idiaꞌa, intyzayznii riwyni. — 1 Timothy (1 Timóteo) 5:23.

2. Naꞌap dii Tuminkery Karichian kian pidian tyzan daꞌy riwyni?

Yewah kian panaꞌitiꞌu wyryy pidian tyzpan manawyn naꞌik ypuꞌidipen. (Galatians [Gálatas] 5:21) Tuminkery Karichian kian: “Aunaa kiz paꞌi pygary baukup tyzapachuriinhau tym.” (Proverbs [Provérbios] 23:20) Ykayꞌan watyzan dun, wakarudinhap kiz aunaa kiz wapuꞌidin, atii wabaurantinhan dun kapam. Pidian tyzan dun manawyn aunaꞌu nii yaichipan naꞌapam pakian papuꞌidin pyꞌy naꞌik aunaꞌu nii yxaꞌapatinhan kaimen. Naꞌik ypatakaꞌyan pananaa. Aunaa an wakaꞌichian watyydan watyzan ai manawyn, ykayꞌan aunaa kiz watyzaꞌanaꞌa, aunii maskaydaꞌy.

3. Naꞌapam nii wataapan kaimen baurainhau indiꞌitinpen an panaꞌa wa ai?

Pa aipenatiꞌu nii pidian widiayan ytyzan nii uu aunaa. Aunaa kiz wadakuupan pidian tyzaꞌuraz maskaydaꞌy. Naꞌik aunaa kiz wamizdyan pidian tyz kiz kapam. (Romans [Romanos] 14:10) Aunaa kiz watyzan baurainhau wyn zaꞌa, aunaꞌuraz intyzan, panadun indiꞌitinpen nii uiaꞌu wa daꞌy. (Piaichi Romans [Romanos] 14:21.) Aunaa kiz wadurutan ‘wa aiapnii man karikeunan, mazan wadiꞌichap naꞌik waxaꞌapat aimeakan kaminkeꞌytaꞌu nii baurainhau’. — Piaichi 1 Corinthians (1 Coríntios) 10:23, 24.

PYTUMINHAP PAUWAꞌA ZII

4. Pytyzan nii uu aunaa?

Naꞌap dii Disu diꞌitinpen riwyni tyzkau daꞌy? Kiwiichipaꞌu ymanawynyꞌu aimeakan Disu xaꞌapatnii kaminkeꞌyt wa aichipan naꞌapam ydiꞌitinpen riwyni tyzkau. Yaichi John (João) 2:1-11. Ydaynaꞌan ykadakuinhap diuraz aimeakan kid daꞌy:

• Disu tanautan wyn vinho nii, ykayꞌan naꞌapam Disu diꞌitinpen (1) riwyni daꞌy naꞌik (2) naꞌapam ydiꞌitinpen pidian tyzan dun?

• Aunaa Disu kian panaꞌitiꞌu pidian tyzan, ykayꞌan naꞌap dii Yewah Puchury diꞌitinhap kiz ytykpan dun bauran tyzan?

Mixidiaꞌu pidian tyryy ytyzan, mazan aunaa karikeunanyꞌu man kaimenaꞌu nii ytyzan. Yaichi Proverbs (Provérbios) 22:3. Ydaynaꞌan ykadakuinhap diuraz aimeakan kid daꞌy naꞌapam nii pyxaꞌapatinhan, pytyzan nii uu aunaa:

• Pynaꞌakpan an jipe uu pykaydinhan dun máquinas idiaꞌan.

• Pykaydanin dun.

• Dakta kian dun aunaa kiz pytyzan.

• Aunaa an pykaꞌichian pytyydan pytyzan suu maskaydaꞌy.

• Aunaa dun Naubunai kakinhauri taapdan pytyzan.

• Pybaukuptinpen dun pidian tym aunaꞌuraz ytyzan yxaꞌapanym kayꞌan kutyaꞌanaa ytyzapxurun id daꞌi.

Kaimenaꞌu nii man pytaan riwyni mazidikery dun uu pybaukuptinhan dun pyminhaydaꞌynau tym? Kanumaꞌu nii kaminkeꞌytan pyxaꞌaptan kaimenaꞌu aimeakan? Yawynyytap VÍDEO.

Yaichi Romans (Romanos) 13:13 naꞌik 1 Corinthians (1 Coríntios) 10:31, 32. Yaichian daynaꞌan wyryy saadinpeꞌu kid, ykadakuinhap diuraz aimeakan daꞌy:

• Naꞌap dii wyryy kakinhaurii kid Tuminkery Paradan idiaꞌaꞌuraz, kaminkeꞌytan piwidiayan kaimenaꞌu aimeakan kunaykikidiaꞌu nii Yewah?

 5. Piaichiap paꞌi naꞌapam nii ytybaryn pytyzan

Pytyzaꞌazun dun riwyni, pinhikynyichap kiz paꞌi: Aunaa uiaꞌu man Yewah at pidian tyzan, mazan uiaꞌu yꞌat pidian tyzpan dun manawyn. Kandii nii? Yaichi Hosea (Oseias) 4:11, 18. Ydaynaꞌan ykadakuinhap diuraz aimeakan daꞌy:

• Kanum xaꞌap pidian tyzan dun manawyn?

Kanum kiz waxaꞌapat aunaa kiz watyzan manawyn? Wa aichiap kiz naꞌapam watyzan wakaꞌichian kawan at, aunaa kiz wapuꞌidin. Yaichi Proverbs (Provérbios) 11:2. Ydaynaꞌan ykadakuinhap diuraz aimeakan daꞌy:

• Kandii nii kaimenaꞌu nii piaichipan naꞌapam nii ytybaryn pytyzan?

6. Aimeakan kid kaminkeꞌytaꞌu nii pidian tyzapxuru

 WATUMINHAPNII

Yewah taa dirib aimeakan kaimen kidiaꞌu waꞌat, ytaanii riwyni kapam, mazan uiaꞌu yꞌat pidian tyzpan dun manawyn naꞌik ypuꞌidinpen dun.

Watykap kuxan

• Naꞌap dii Tuminkery Karichian kuwadan riwyni daꞌy?

• Xaꞌapauran dikeyd kidiaꞌu pidian ikudan paꞌat ytyzpan dun manawyn?

• Naꞌapam nii wataapan kaimen pidian, ydiꞌitinpen an panaꞌa wa ai?