TUMINHAPKARY 45
Naꞌap dii wa aidikidian wataapan suu Yewah Ymanawynyꞌu nii?
Disu kian patuminhapkidiniinhau at ‘aunaa kiz inxaꞌapatinhan naꞌap maizuꞌatkainhawyz kawan Yewah’. (John [João] 15:19) Ykayꞌan, aunaa wawidiayan pidian wapoliticun nii, wiizai kid mizaataakapan dun paꞌatiaaka, aunaꞌu nii wa aipen naꞌiauram winian. Mazan panadun, aunaa maxaꞌapannaꞌu man waxaꞌapatinhan naꞌap, yxaꞌapanym kayꞌan, wadakuwapkau wamixidian dikin ii. Ykayꞌan, naꞌapam nii wa aidikidian wataapan suu Yewah waNaubunaa nii?
1. Naꞌap dii Yewah Puchurynau taapan wiizai naubunaanau?
Yewah Puchurynau taap kaimen wiizai naubunaanau. Naꞌikim waxaꞌaptin naꞌap Disu kian kawan, ‘ytaa naubunai César at yidiway’. Ykayꞌan, waizuꞌat wiizai naubunaanau kakinhauri, yryy id wakawinipinat impostos. (Mark [Marcos] 12:17) Tuminkery Karichian kian Yewah aipen atiꞌu kazuwaytipainhau wiizai naubunaitinpen. (Romans [Romanos] 13:1) Yryy id, waizuꞌat inkakinhauri kid. Mazan waꞌat, Yewah Tuminkery yryy paꞌan ymanawynyꞌu Naubunai, suu yNaubunaitinpen saaban nii diuraz amazada, yryy id waizuꞌat kiwiin ykakinhauri kid.
2. Kanum kiz waxaꞌapat aunaa kiz wataapan pidian uu bauran aimeakan ymanawynyꞌu nii?
Naꞌap Disu kawan, aunaa wabaukuptinhan politiconau tym. Pidiannau tykpan dun Disu xaꞌaptan ymanawyn kidiaꞌu aimeakan, yryy id inzamtaꞌazun yryy kazuwaytipaꞌu nii pawiiz, mazan aunaa yaipen. (John [João] 6:15) Kandii nii? Ykian in at: “Aunaa daꞌaꞌu nii man wyryy unnaubunaitinhapanyz.” (John [João] 18:36) Wadaꞌanan id Disu kadyz, wa aidikidian wataapan suu Yewah waNaubunaa nii. Yryy id, aunaa wasoldadotinhan mizatakaꞌu nii wiizai mizaatakan dun. (Piaichi Micah [Miqueias] 4:3.) Naꞌik aunaa wanhikynyatin política, mazan aunaa watuꞌurkizaichipan inhau, aunaa wawidiayan, aunaa naꞌiauram candidato waꞌat. Kaimen wataapan wawiiz, mazan aunaa wakunaykikidian bandeira, aunaa xaꞌapauran bauran aimeakan kid. (1 John [1 João] 5:21) Waxaꞌaptan dun naꞌap, wa aidyan nii Tuminkery Naubunaitinpen pidianannau waynau.
PYTUMINHAP PAUWAꞌA ZII
Pytykap pabiꞌikid aimeakan panadun tiweekidipaꞌu nii pygary, mazan kanum kiz pyxaꞌapat pykunaykikid kinha Yewah.
3. Mixiꞌuraz mixidiainhau aunaa inwidiayan, aunaa naꞌiauram politico panaubunaa nii
Aunaa Disu naꞌaptan panhikynyy pidiannau tym politicotinpeinhawyz daꞌaa imiꞌi baaraꞌa, yryy id watamakap kiz Disu naꞌik ytuminhapkidininhau kadyz. Yaichi Romans (Romanos) 13:1, 5-7 naꞌik 1 Peter (1 Pedro) 2:13, 14. Ydaynaꞌan yawynyytap VÍDEO naꞌik ykadakuinhap diuraz aimeakan kid daꞌy:
-
Kandii nii wataap kiz kaimen wiizai naubunaanau?
-
Naꞌap dii wa aidyan waizuꞌutin inhau?
Wiizai kid mizaatakan dun, pabiꞌikid pidiannau kiaꞌuraz padamat, aunaa inwidiayan, aunaa naꞌiauram, mazan aunaa mixiꞌu man, yxaꞌapanym kayꞌan inkaminkeꞌyt wyryy wiizainhau mizatakaꞌuraz. Mazan naꞌapam pidian aidyan yizuꞌutin Tuminkery Kakinhauri politica ai? Yaichi John (João) 17:16. Ydaynaꞌan ywynyytap VÍDEO naꞌik ykadakuinhap diuraz aimeakan daꞌy:
-
Kanum kiz waxaꞌapat waizuꞌat kinha nii Tuminkery kakinhauri politica ai?
Wiizai naubunaa diyydan dun waxaꞌaptan aimeakan aunaꞌuraz Tuminkery naydpan yxaꞌapatkau, naꞌapam nii waxaꞌapatinhan? Yaichi Acts (Atos) 5:28, 29. Ydaynaꞌan yawynyytap VÍDEO naꞌik ykadakuinhap diuraz aimeakan kid daꞌy:
-
Wiizai naubunaanau diyydan dun waxaꞌaptan aimeakan, mazan Tuminkery diyydan dun waxaꞌaptan bauran aimeakan. Naꞌiauram waizuꞌat kiz?
-
Xaꞌapauran wiizai naubunaanau kakinhauri kid aunaꞌu nii Yewah Puchurynau izuꞌutin?
4. Pi izuꞌat Tuminkery pidiꞌitinpen idiaꞌan naꞌik pyxaꞌapatinhan idiaꞌan
Yaichi 1 John (1 João) 5:21. Ydaynaꞌan yawynyytap VÍDEO naꞌik ykadakuinhap diuraz aimeakan kid daꞌy:
-
Vídeo idiaꞌa, kandii nii aunaa Ayenge zamatinhaꞌazun partido político diꞌit naꞌik aunaa ykunaykikidian bandeira?
-
Naꞌapam piꞌitiimen, kaimenaꞌu man naꞌapam yxaꞌapatinhan?
Xaꞌapauran bauran aimeakan kid tiweekidiap wamixidian? Yawynyytap VÍDEO. Ydaynaꞌan ykadakuinhap diuraz aimeakan kid daꞌy:
-
Wawiiz jogapan dun bauran wiizai tym, naꞌapam kiz waxaꞌapatinhan aunaa kiz wataapan wawiiz ymanawynyꞌu nii?
-
Politiconau xaꞌaptan dun aimeakan dikeydaꞌu waꞌat uu panadun inxaꞌaptan aimeakan kaimenaꞌu, naꞌapam nii waxaꞌapatinhan?
-
Aimeakan kid watykapnii televisão idiaꞌan naꞌikim internet idiaꞌan, naꞌikim pidiannau kywaa kid, naꞌap dii ytanawatkidian wanhikynyy?
Pidian mixidiaꞌuraz taap kiz maꞌuzaka panhikynyy. Xaꞌapauran aimeakan kid aunaa kiz Yewah Puchury taapan ymanawynyꞌu nii paxaꞌapatinhan idiaꞌan naꞌik padiꞌitinpen idiaꞌan?
PIDIAN PIXAAN DUN PYGARY: “Kandii nii aunaa ykynyian ywiiz bandeiran kynaa naꞌikim aunaa ywidiayan político yꞌat?”
-
Naꞌapam nii pydakuꞌitin?
WATUMINHAPNII
Mixiꞌuraz mixidiainhau inmaꞌuzakadin intaap kiz suu Yewah Ymanawynyꞌu nii ipei panhikynyy diꞌik, paparadan idiaꞌan, naꞌik paxaꞌapatinhan idiaꞌan.
Watykap kuxan
-
Naꞌapam kiz wataapan wiizai naubunaanau?
-
Kandii nii wataap kiz suu Yewah Ymanawynyꞌu nii?
-
Xaꞌapauran bauran aimeakan kid ytiweekidiap wamixidian?
PIAICHIPAꞌAZUN PAUWAꞌA ZII?
Kanum kiz waxaꞌapat aunaa kiz wanaꞌaptan wanhikynyy político daꞌyan?
Naꞌapam nii dariinhau kaminkeꞌytan paydainhau aunaa kiz inkunaykikidian bandeira uu inkynyian yꞌat?
Pyzaidinhap paꞌi aunaa kiz pytaapan bauran aimeakan ymanawynyꞌu nii Yewah ai 4:25
Soldado mizatakaꞌu pawiiz dikin ii, kandii nii aunaa ymanawynyꞌu manawyn man wyryy yxaꞌaptaniaz?
“Tuminkery at aunaa naꞌiauram aimeakan kaxaꞌapannaꞌu nii” (5:19)
Pytykap naꞌapam nii pi izuꞌutin Tuminkery kakinhauri piwidiayan dun pykaydinkiz nii.
“Waikudan nii wawidiyaniaz winipinaa” (Awynyytpaꞌu, 15 de março de 2006)
