PART 8
Naˈapam dii Disu maukan kaminkieˈytan pygary?
Disu taan kakypkary waˈat pamaukan idiˈan. John (João) 3:16
Idikinhaydaˈytan kamuu idiˈa Disu maukan daynaˈan, pabiˈikid zynau muruaitypan nan baranai it intykapan mawazuˈu naa. Yewah kadixitkidian naa Disu.
Daynaˈan Disu aidinhan naa apostlesnhau at.
Yewah kadixitkidian Disu imanawynyˈu durunai kawan naˈik aunaˈu niˈi naa naˈapainim ymaukan pauwaˈa. Disu puchurunau awynyytpan ymakun aukaz itiˈi naa.
Yewah kadixitkidian Disu, ywidiayanii yryy naubunai nii kazuwaytipaˈu nii aukaz naˈik imiˈibaaraˈa. Revelation (Apocalipse) 11:15
Disu taan pananaa pakawinipinat kiz wauian, ykazanatkinha nii waynau. (Matthew [Mateus] 20:28) Yryy idiˈanaˈu, Tuminkery taan karikeunanaˈu kakypkary waˈat.
Yewah widiayan Disu naubunai nii, ykazuwaytipaˈu nii imiˈibaaraˈa. Aunaˈu niˈi Disu kazuwaytipan pabaurantin, 144.000 mixidinhainhau pidiannau kazuwaytipan nii y tym kapam. Wyryˈy pidiannau widiayankariweiz imiˈibaaraˈa diˈik inkadixitikidkau mazan inmaxaapan nii aukaz ii. Disu naˈik 144.000, sakichipaˈu nii in naubunaitinpen aukaz ik. — Revelation (Apocalipse) 14:1-3.
Disu naˈik 144.000 saabaan nii imiˈibaaraˈa kunaynymaˈu manawyn amazada nii. Aunaˈu niˈi naa pauwaˈa mizatakary, kuidimitinkery, mizdinkery naˈik zamazkary. Kunaykiaˈu niˈi naa manawyn pidiannau yryy dun. — 2 Peter (2 Pedro) 3:13.
You May Also Like
KARICHINHAU KID
Mixiꞌu nii Man Maukanhau Kakypan Kuxan?
Pywaziwenii naa pi iriben pymaraipeniaz mawakary at? Tuminkery Paradan kaminkieʹytan nii pygary.
