Aunaꞌu nii pidiannau kaꞌichian pasaaban diuraz amazada, mazan suu Tuminkery Naubunaitinpen saaban nii diuraz amazada kaimenaꞌu maxaapkary nii, Tuminkery widiaynii Disu kazuwaytipaꞌu nii panaubunaitinhapkiz aukaz ii. Pytykap naꞌapam Tuminkery Karichian tuminhapkidian kaimenaꞌu kywai daꞌy.

1.   Tuminkery “maxaadan nii mizaataakary ipei amazada kawan at”, yxaꞌaptan nii paparadan kian kawan at, “kaimenaꞌu nii maxaapkary daꞌaa imiꞌi baaraꞌa, ipei pidiannau at, Tuminkery marainhapniinhawyz”. — Psalm (Salmo) 46:9; Luke (Lucas) 2:14

2.   Tuminkery kazuwaytipan nii ipei imiꞌi baara. Ykazuwaytipan dunuꞌu naa ipei amazada, aunaꞌu nii naa pauwaꞌa pidiannau mizaataakapan política daꞌyan uu wiizai kid dikin ii, naꞌap watykpan kawan yxaꞌapan aizii.

3.   Disu, yryy kazuwaytipaꞌuraz Tuminkery Naubunaitinhapkiz ii naꞌik Disu dakutkau kapam “Kaimenaꞌu Naubunai” kii, ‘aunaꞌu nii ytaapadan kaimenaꞌu maxaapkary katukuntinhan’. — Isaiah (Isaías) 9:6, 7.

4.   Pidiannau aunaꞌuraz inmaxaadaꞌazun pamizatak xurin, aunaꞌu nii inzamtan kaimenaꞌu maxaapkary Tuminkery Naubunaitinpen taꞌazuniaz, yxaꞌapanym kayꞌan aunaa Tuminkery naydpan pidian marainpeꞌuraz mizaataakary. — Psalm (Salmo) 11:5; Proverbs (Provérbios) 2:22.

5.   Tuminkery tuminhapkid papidianannau inmaxaap kiz kaimen. Tuminkery Karichian kakinhautan id papidianannau, yryy id kaimen inmaxaapan baukup. Tuminkery Karichian kian: “Intanautan nii pachipirarin zabaikid papau kinhaa nii na’ik pasabakinha nii papauribe kid, aunaꞌu nii naa pauwaꞌa pidiannau saudan pachipirarin pamizatak kinha nii pairibennau tym, aunaꞌu nii pauwaꞌa intuminpen mizaataakary daꞌy.” — Isaiah (Isaías) 2:3, 4.

 Dirib Yewah Puchurynau ipei amazada kawan at, inmaxaapan kaimen, yxaꞌapanym kayꞌan Tuminkery tuminhapkidian inhau pakarichian idiaꞌan. Panaꞌa kidiaꞌu inparadan, naꞌik pabiꞌinaak kidiaꞌu inwiiz, inmaxaapan pauwaꞌa zii 230 wiizai kid ii aka, aunaa inkaiween mukau pazuikinha nii bauran pidian.