Iginpahibaro han Nagmamando nga Lawas han mga Saksi ni Jehova nga gin-imbitar nira an pipira nga branch nga magtesting ha pagkatirok utro ha mga Kingdom Hall. Ini nga mga branch magpipili hin mga Kingdom Hall ha mga lugar nga damu na an nabakunahan ngan gutiay la an natatapnan han COVID-19. Syempre, an ngatanan nga bahin hini nga programa bubuhaton uyon ha mga regulasyon han lokal nga gobyerno para ha pagkatirok ha sulod han pasilidad. Ini nga pahibaro ginbasa ha pamilya han Bethel ha bug-os nga kalibotan han Biernes, Oktubre 15, 2021.

An mga resulta hini nga kahikayan an magigin basihan kon dudugangan ba an mga kongregasyon nga maaaprobahan nga magkatirok utro ha mga Kingdom Hall. Gin-unabi liwat hito nga pahibaro nga para ha kadam-an, suspendido la gihap an mga buruhaton han organisasyon nga nag-uupod hin personal nga pagkirigta, ngan ha Enero 1, 2022 pa an pinakatemprano nga petsa nga posible ibalik ito.

Gin-aapresyar gud naton an gugma han Nagmamando nga Lawas ha kabugtoan ha bug-os nga kalibotan ngan an ira maaramon nga pamaagi han pagbalik han mga buruhaton han organisasyon. Alayon ig-ampo nga padayon nga giyahan ngan bendisyonan ni Jehova ini nga mga kahikayan.—Proberbios 14:16.