Han Marso 3, 2018, gintikangan han mga Saksi ni Jehova an bug-os-kalibotan nga kampanya ha pangimbitar para ha Panihapon han Ginoo, nga gintatawag liwat nga Memoryal han kamatayon han Kristo. An mga Saksi ha 240 nga nasud magkakatirok para hini nga okasyon ha Marso 31, ngan para ha ira, ini an pinakaimportante nga okasyon han tuig. An imbitasyon nag-aaghat liwat ha mga tawo nga umatender ha espesyal nga pahayag tikang ha Biblia nga an ulohan, “Hin-o Gud ba hi Jesu-Kristo?” nga ipipresenta ha semana han Marso 19.

Hi David A. Semonian, usa nga spokesman han mga Saksi ni Jehova, nagsiring: “Han 2017, sobra 20 ka milyon an inatender ha Memoryal, ngan mga 12 ka milyon ha ira an diri Saksi. Salit an Memoryal usa nga importante nga okasyon kada tuig, diri la para ha mga Saksi ni Jehova, kondi para liwat ha minilyon nga bisita ha bug-os nga kalibotan. Karuyag namon nga maimbitar an ngatanan hini nga okasyon ngan umatender ha lokasyon nga kombinyente ha ira.”

Media Contact:

International: David A. Semonian, Office of Public Information, +1-845-524-3000