Ginbabanabana nga 100 nga balay han aton kabugtoan an ginbaha​—ha iba nga balay mga 1.5 ka metros (5 ft) an kahilarom han tubig—​han inuran hin haros 38 ka sentimetro (15 in) ha Jakarta, Indonesia, han Disyembre 31, 2019.

Bisan kon waray kabugtoan nga namatay o nasamaran tungod han pagbaha, damu nga magwarali an kinahanglan bumaya hin temporaryo ha ira mga balay, samtang an iba nagpabilin na la pag-ukoy ha talwas nga dapit han ira balay. An iba nga pasilidad nga gin-gagamit nga katirokan may gudtiay gihap nga ruba tungod han pagbaha. An mga tigurang didto nagtagana hin bulig ngan suplay sugad hin pagkaon ngan tubig. Labot pa hito, ginbisita han mga paramangno han sirkito an mga apektado han kalamidad basi maghatag hin pagliaw tikang ha Kasuratan. Duha nga Disaster Relief Committee an ginporma basi mag-usisa kon ginkikinahanglan pa an dugang nga bulig.

Waray mapaundang han pagbaha an espirituwal nga buruhaton han kabugtoan, bisan kon an iba nga apektado nga pamilya kinahanglan magbiyahe ha baha nga mga lugar basi makatambong ha katirok ha midweek. Hi Bugto Daniel Purnomo, membro han Komite han Sanga ha Indonesia, nagsiring: “Bisan kon amo ini an pinakagrabe nga pagbaha ha Jakarta ha naglabay nga mga tuig, waray ini makapaluya ha aton kabugtoan, lugod, nagpagios ini ha ira nga magbinuligay ngan magpakita hin Kristiano nga gugma.”

Ginpapamulat gud naton an panahon diin an natural nga mga pwersa han tuna diri na magdadara hin kadaot.​—Marcos 4:39.