Han Nobyembre 17, 2023, nagkaada hin 6.7 magnitude nga linog ha dagat hirani ha sur nga bahin han Pilipinas. Nahitabo ito mga 26 ka kilometro ha sur han isla han Mindanao. Ha rehiyon han Davao, General Santos City, ngan probinsya han Sarangani, may mga bilding nga naguba, upod na an mga pasilidad han gobyerno, eskwelahan, ngan mall. Damu liwat nga balay an naguba.

• Makasurubo, 1 nga sister an namatay

• 10 nga kabugtoan an nagkaada hin mga injury. Usa ha ira amo an asawa han paramangno han sirkito nga nahospital pero diri na delikado an kahimtang yana

• 4 nga balay an nagkaada daku nga ruba

• 4 nga balay an nagkaada gutiay nga ruba

• 2 nga Kingdom Hall an nagkaada gutiay nga ruba

• Usa nga Disaster Relief Committee an gintokahan basi manginano han relief work

• An mga paramangno han sirkito ngan mga tigurang padayon nga naghihikay hin pag-shepherding ha mga naapektohan

Gin-aampo naton an aton kabugtoan nga apektado hini nga linog ngan ginpapasalamatan an mga nanginginano ha ira. Nasarig kita nga bisan kon nagkikinabuhi kita hinin peligroso ngan waray kasigurohan nga mga panahon, hi Jehova, an aton Bato, maghahatag ha aton hin kusog basi makapailob.—1 Samuel 2:2.