Antes matapos an Hulyo 2024, naporma an Bagyo Carina a ha weste nga bahin han Kadagatan han Pasipiko. Bisan kon waray mag-landfall ha Pilipinas inin makusog gud nga bagyo, ginpakusog hito an mga pag-uran nga nagresulta hin daku nga distroso, mga pagbaha, ngan mga landslide ha syudad han Manila ngan ha kahigrani nga mga lugar. Ginbabanabana nga 4.8 ka milyon nga tawo an naapektohan. Sobra 600,000 an nag-ebakwit, ngan diri maminos hin 39 an namatay.

• Waray kabugtoan nga namatay o nasamaran

• 155 nga kabugtoan an nag-ebakwit, pero an kadam-an ha ira nakauli na

• 2 nga balay an naguba

• 11 nga balay an nagkaada daku nga ruba

• 42 nga balay an nagkaada gutiay nga ruba

• 11 nga Kingdom Hall an nagkaada gutiay nga ruba

• 6 nga Disaster Relief Committee an gintokahan basi manginano ha panhatag hin relief

• Ginpaparig-on han mga paramangno han sirkito ngan lokal nga mga tigurang an mga naapektohan han pagbaha ngan gintatagan hira hin praktikal nga bulig

Padayon nga igin-aampo naton an ngatanan nga naapektohan hini nga bagyo, ngan mapasalamaton kita kan Jehova samtang iya ginbubuligan ngan gin-aataman an aton kabugtoan basi ‘maparig-on’ hira.—Isaias 33:6.