Han Mayo 3, 2018, ginsuportaran han Saint Petersburg City Court an desisyon han Disyembre 2017, nga nagtutugot ha gobyerno han Russia nga kompiskaron dayon an aton mga pasilidad hadto ha sanga nga opisina han Russia ha Solnechnoye. Antes gud ha pagbista han apela, usa nga peryodista, usa nga eksperto ha relihiyon, ngan duha nga Saksi nga abogado an nagbuhayhag hini nga inhustisya. Usa nga mag-asawa nga binulig ha pagtukod han sanga nga opisina an nagsaysay liwat kon mationan-o kaimportante ha ira ito nga propyedad.