Han Enero 11 ngan 12, 2020, an sur ngan sentro nga bahin han Estados Unidos ginbayo han makusog nga bagyo. An makusog nga pag-inuran sakob hin duha ka adlaw, makusog nga hangin, ngan pipira nga buhawi nagresulta hin daku nga distroso ha damu nga estado. Makasurubo, hi Bugto Albert Barnett ngan an iya asawa, hi Sister Susan Barnett, nga mga 85 ngan 75 an pangidaron, namatay han naigo han buhawi an ira balay.

Iginreport gihap han sanga nga opisina ha Estados Unidos nga an pipira nga bahin han upat nga balay han aton kabugtoan naguba, pati an duha nga Kingdom Hall. Labot pa hito, usa nga propyedad ha negosyo han aton bugto an napuruhan han bagyo.

An mga tigurang hito nga lugar ngan an paramangno han sirkito nagtatagana hin praktikal ngan espirituwal nga bulig ha mga naapektohan han kalamidad. Maaram kita nga an aton Amay ha langit, hi Jehova, nagtatagana hin pagliaw ha aton kabugtoan nga nasusubo tungod hini nga trahedya.​—Salmo 34:18.