May panahon hadto nga gintugotan han Dios an usa nga lalaki nga magkaada sobra usa nga asawa. (Genesis 4:19; 16:1-4; 29:18-29) Pero diri ito an orihinal nga katuyoan han Dios. Usa la nga asawa an iya iginhatag kan Adan.

 Gintagan han Dios hin awtoridad hi Jesu-Kristo nga ipahiuli an Iya orihinal nga suruklan​—an pagkaada usa la nga asawa. (Juan 8:28) Han ginpakianhan hi Jesus mahitungod han pag-asawa, hiya nagsiring: “Hiya nga naglarang ha ira ha tinikangan naghimo ha ira nga lalaki ngan babaye ngan nagsiring: ‘Tungod hini babayaan han lalaki an iya tatay ngan an iya nanay ngan matampo ha iya asawa, ngan an duha magigin usa nga unod.’”​—Mateo 19:4, 5.

 Ha urhi, usa han mga disipulo ni Jesus an gin-giyahan han Dios nga magsurat: “An tagsa nga lalaki magkaada hin iya kalugaringon nga asawa ngan an tagsa nga babaye magkaada hin iya kalugaringon nga bana.” (1 Corinto 7:2) Nasiring liwat an Biblia nga an inasaw-an nga lalaki nga gintagan hin espesyal nga mga responsabilidad ha Kristiano nga kongregasyon kinahanglan “bana hin usa nga babaye.”​—1 Timoteo 3:2, 12.