An Siyahan nga Libro han mga Cronicas 26:1-32
26 An mga grupo han mga parabantay han ganghaan+ amo an masunod: ha mga Korahita, hi Meselemias+ nga anak nga lalaki ni Kore nga tikang ha mga anak ni Asap.
2 Ngan hi Meselemias may mga anak nga lalaki: hi Zacarias an suhag, hi Jediael an ikaduha, hi Zebadias an ikatulo, hi Jatniel an ikaupat,
3 hi Elam an ikalima, hi Jehohanan an ikaunom, hi Elieho-enai an ikapito.
4 Ngan hi Obed-edom may mga anak nga lalaki: hi Semaias an suhag, hi Jehozabad an ikaduha, hi Joa an ikatulo, hi Sacar an ikaupat, hi Netanel an ikalima,
5 hi Amiel an ikaunom, hi Isacar an ikapito, ngan hi Peuletai an ikawalo; kay ginbendisyonan hiya han Dios.
6 Ngan an iya anak nga hi Semaias nagkaada mga anak nga nagdumara han ira panimalay,* kay magkusog ngan may kapas hira nga mga lalaki.
7 An mga anak ni Semaias: hira Otni, Refael, Obed, ngan Elzabad; ngan an iya kabugtoan nga hira Elihu ngan Semakias may kapas liwat nga mga lalaki.
8 Ini ngatanan tikang ha mga anak ni Obed-edom; hira ngan an ira mga anak ngan an ira kabugtoan may kapas nga mga lalaki ngan kwalipikado para ha pag-alagad, 62 hira nga tikang kan Obed-edom.
9 Ngan hi Meselemias+ may mga anak ngan kabugtoan, 18 hira nga may kapas nga mga lalaki.
10 Ngan hi Hosa nga tikang ha mga anak ni Merari may-ada mga anak nga lalaki. Hi Simri an lider, kay bisan kon diri hiya an suhag, ginpili hiya han iya tatay sugad nga lider,
11 hi Hilkias an ikaduha, hi Tebalias an ikatulo, hi Zacarias an ikaupat. An ngatanan nga anak ngan kabugtoan ni Hosa, 13 hira.
12 Hini nga mga grupo han mga parabantay han ganghaan, an mga lider may mga buruhaton nga pariho han ira kabugtoan, basi magserbi ha balay ni Jehova.
13 Salit nagripa hira,+ an mga batan-on ngan mga edaran uyon ha ira mga panimalay,* para han iba-iba nga mga ganghaan.
14 Ngan hi Selemias an nakakarawat han este nga dapit pinaagi han pagripa. Para kan Zacarias nga iya anak nga usa nga maaramon nga magsaragdon, nagripa hira, ngan hiya an nakakarawat han norte nga dapit pinaagi han pagripa.
15 Nahingada kan Obed-edom an sur nga dapit, ngan an iya mga anak+ an igintoka ha mga bodega.
16 Nahingada kanda Supim ngan Hosa+ an weste nga dapit, hirani ha Ganghaan nga Saleket ha may kalsada nga tipasagka, an usa nga grupo han mga gwardya sapit han usa nga grupo han mga gwardya;
17 may unom nga Levita ha este; ha norte, upat kada adlaw ngan ha sur, upat kada adlaw; ngan para ha mga bodega,+ tagduha-duha;
18 para ha beranda ha weste, may-ada upat ha kalsada+ ngan duha ha beranda.
19 Ini an mga grupo han mga parabantay han ganghaan tikang ha mga anak han mga Korahita ngan han mga Merarita.
20 Mahitungod han mga Levita, hi Ahias an gintaporan han mga tiripigan hin bahandi ha balay han tinuod nga Dios ngan han mga tiripigan hin bahandi han mga butang nga ginbaraan.*+
21 An mga anak nga lalaki ni Ladan: an mga anak han mga Gersonita nga tikang kan Ladan, an mga ulo han mga panimalay* nga tikang kan Ladan nga Gersonita, amo hi Jehieli+
22 ngan an mga anak nga lalaki ni Jehieli, hi Zetam ngan an iya bugto nga hi Joel. Hira an gintaporan han mga tiripigan hin bahandi ha balay ni Jehova.+
23 Tikang ha mga Amramita, mga Izarita, mga Hebronita, ngan mga Uzielita,+
24 hi Sebuel nga anak ni Gersom nga anak ni Moises amo an lider nga gintaporan han mga bodega.
25 Mahitungod han iya kabugtoan, kan Eliezer,+ hi Rehabias+ nga iya anak, hi Jesaias nga iya anak, hi Joram nga iya anak, hi Zikri nga iya anak, ngan hi Selomot nga iya anak.
26 Ini hi Selomot ngan an iya kabugtoan amo an gintaporan han ngatanan nga tiripigan hin bahandi han mga butang nga ginbaraan,+ nga ginbaraan ni Hadi David,+ han mga ulo han mga panimalay,*+ han mga lider han kada 1,000 ngan han kada 100, ngan han mga lider han kasundalohan.
27 Tikang ha mga girra+ ngan tikang ha mga dinag-an,+ ira ginbaraan an mga butang basi mamintinar an balay ni Jehova;
28 pati an ngatanan nga ginbaraan ni Samuel nga nakakakita hin bisyon,+ ni Saul nga anak ni Kis, ni Abner+ nga anak ni Ner, ngan ni Joab+ nga anak ni Zeruias.+ An ngatanan nga ginbaraan han bisan hin-o igintapod kan Selomit ngan ha iya kabugtoan.
29 Ha mga Izarita,+ hi Kenanias ngan an iya mga anak nga lalaki an igintoka ha mga buruhaton ha gawas han balay han Dios sugad nga mga opisyal ngan sugad nga mga hukom+ ha Israel.
30 Ha mga Hebronita,+ hi Hasabias ngan an iya kabugtoan, 1,700 nga may kapas nga lalaki, an nagdumara han Israel ha rehiyon ha weste han Jordan para han ngatanan nga buruhaton ha pag-alagad kan Jehova ngan para ha pagserbi ha hadi.
31 Ha mga Hebronita, hi Jerias+ an lider han mga Hebronita uyon ha katulinan han ira panimalay.* Ha ika-40 ka tuig han paghadi ni David,+ ginpamiling hira, ngan an magkusog ngan may kapas nga mga lalaki nahiagian ha ira didto ha Jazer+ ha Gilead.
32 Ngan an kadamu han iya kabugtoan 2,700 nga may kapas nga lalaki, mga ulo han mga panimalay.* Salit igintoka hira ni Hadi David ha pagdumara han mga Rubenita, mga Gadita, ngan han katunga nga tribo han mga Manasita, para ha ngatanan nga butang nga may kalabotan ha tinuod nga Dios ngan ha mga butang nga may kalabotan ha hadi.
Mga footnote
^ O “han mga butang nga igindedikar.”
