An Ikaduha nga Surat ha mga Taga-Corinto 3:1-18
3 Magtitikang ba kami utro pagrekomendar han amon kalugaringon? O pariho han iba nga mga tawo, kinahanglan ba kami maghatag ha iyo hin mga surat han rekomendasyon o kamo an mahatag ha amon?
2 Kamo mismo an amon surat,+ nga iginsurat ha amon kasingkasing ngan hinbabaroan ngan ginbabasa han ngatanan nga tawo.
3 Kay iginpapakita kamo sugad nga surat han Kristo nga iginsurat namon sugad nga mga ministro,+ nga iginsurat diri pinaagi hin tinta kondi pinaagi han espiritu han buhi nga Dios, diri ha mga papan nga bato+ kondi ha mga papan nga unod, ha mga kasingkasing.+
4 May-ada kami hini nga klase hin pagsarig ha Dios pinaagi han Kristo.
5 Diri kami nasiring nga ha amon la kalugaringon kwalipikado gud kami ha pagbuhat hini nga buruhaton, kondi an amon pagin kwalipikado gud nagtitikang ha Dios,+
6 nga naghimo ha amon nga magin kwalipikado gud nga mga ministro han usa nga bag-o nga kasabotan,+ diri han sinurat nga balaud,+ kondi han espiritu; kay an sinurat nga balaud nagriresulta hin kamatayon,+ pero an espiritu naghahatag hin kinabuhi.+
7 Yana, kon an balaud nga nagriresulta hin kamatayon ngan nakaukit an mga letra ha mga bato+ iginhatag nga may himaya nga tungod hito an mga anak ni Israel waray makatutok ha nawong ni Moises tungod han himaya han iya nawong,+ usa nga himaya nga pagwawad-on,
8 kay ano nga an paghatag han espiritu+ diri magkakaada mas labaw nga himaya?+
9 Kay kon mahimayaon+ an balaud nga nagpapadapat han paghukom,+ labi na gud nga mahimayaon an pagpadapat han katadongan!+
10 Ha pagkamatuod, bisan an ginhimo hadto nga mahimayaon ginkuhaan hin himaya tungod han himaya nga labaw gud hito.+
11 Kay kon an pagwawad-on iginhatag nga may himaya,+ mas labaw pa gud an himaya han nagpapabilin!+
12 Tungod kay may-ada kami han sugad nga paglaom,+ ginagamit namon an daku nga kagawasan ha pagyakan,
13 ngan diri nagbubuhat han ginbuhat ni Moises han nagbubutang hiya hin tabon ha iya nawong+ basi an mga anak ni Israel diri makatutok ha kataposan hito nga pagwawad-on.
14 Pero nagin mangarol an ira mga hunahuna.+ Kay tubtob hini nga adlaw, an amo gihapon nga tabon nagpapabilin nga waray tanggala kon ginbabasa an daan nga kasabotan,+ kay nakukuha la ito pinaagi han Kristo.+
15 Ha pagkamatuod, tubtob hini nga adlaw ha kada panahon nga ginbabasa an mga sinurat ni Moises,+ may-ada tabon ha ira kasingkasing.+
16 Pero kon an usa nga tawo nadangop kan Jehova,* nakukuha an tabon.+
17 Hi Jehova* amo an Espiritu,+ ngan kon hain an espiritu ni Jehova,* may-ada kagawasan.+
18 Ngan kita ngatanan, samtang kita nga waray tabon an mga nawong iginpapakita naton pariho hin mga espiho an himaya ni Jehova,* nababag-o kita ngadto ha pariho nga dagway tikang ha himaya ngadto ha mas labaw nga himaya,* pariho gud han ginbubuhat ni Jehova,* an Espiritu.*+
Mga footnote
^ Lit., “tikang ha himaya ngadto ha himaya.”
^ O posible nga “pinaagi han espiritu ni Jehova.”
