An Ikaduha nga Libro han mga Cronicas 27:1-9
-
Hi Jotam, hadi han Juda (1-9)
27 Nagin hadi hi Jotam+ han 25 anyos hiya, ngan nagmando hiya hin 16 ka tuig ha Jerusalem. An ngaran han iya nanay amo hi Jerusah nga anak ni Zadok.+
2 Padayon nga ginbuhat niya an husto ha pagkita ni Jehova, sugad han ginbuhat han iya tatay nga hi Uzias,+ pero waray hiya magpirit pagsulod ha templo ni Jehova.+ Kondi an katawohan nagbubuhat la gihapon hin nakakadaot.
3 Gintukod niya an ganghaan ha igbaw han balay ni Jehova,+ ngan damu an iya ginpanukod ha pader han Ofel.+
4 Nagtukod liwat hiya hin mga syudad+ ha kabukiran han Juda,+ ngan nagtukod hiya hin pinader nga mga lugar+ ngan mga torre+ ha mga lugar nga kahuyon.
5 Nakiggirra hiya ha hadi han mga Ammonita+ ngan ha urhi nagdaog hiya ha ira, salit an mga Ammonita naghatag ha iya hito nga tuig hin 100 ka talanton* nga silber, 10,000 ka cor* han trigo, ngan 10,000 han sebada. Nagbayad liwat hini ha iya an mga Ammonita ha ikaduha ngan ikatulo ka tuig.+
6 Salit hi Jotam padayon nga nagmakusog, kay determinado* hiya ha paglakat ha mga dalan ni Jehova nga iya Dios.
7 Mahitungod han iba pa nga bahin han kasaysayan ni Jotam, an ngatanan niya nga pakiggirra ngan an iya mga ginbuhat, iginsurat ito ha Libro han mga Hadi han Israel ngan han Juda.+
8 Nagin hadi hiya han 25 anyos hiya, ngan nagmando hiya hin 16 ka tuig ha Jerusalem.+
9 Katapos, hi Jotam pinahuway kaupod han iya mga kaapoy-apoyan ngan iginlubong nira hiya ha Syudad ni David.+ Ngan an iya anak nga hi Ahaz an nagin hadi kasaliwan niya.+
Mga footnote
^ O “andam.”
